தன்குழந்தையினைக் கவனமின்றி வீதிகளில் அலையவிட்ட கனேடியத் தாய்க்குச் சிறை!!

by தாமு Sun Apr 24, 2011 7:57 am

கடந்த ஆண்டு கனடாவின் சென் ஜோன் பிராந்தியத்தினைச் சேர்ந்த இந்த இளம்தாயின் குழந்தை வீதிகளில் அடிக்கடி அநாதரவாகக் கண்டுபிடிக்கப்பட்ட நிலையில், பிள்ளையினை முறையாகப் பராமரிக்கத் தவறிய இந்த 30 வயதுப் பெண்ணுக்குக் கனேடிய நீதிமன்ற மூன்று ஆண்டு ஒத்திவைத்த சிறைத்தண்டனையினை வழங்கியிருக்கிறது.

குறிப்பிடட இந்தப் பெண்மணி உளநல வகுப்புக்களில் கலந்துகொள்ளவேண்டும் என்றும் இரவு 10 மணி தொடக்கம் காலை 7.00 மணி வரை இந்தப் பெண் வீட்டை விட்டு எங்கும் வெளியே செல்லாமல் தன் பிள்ளையுடனேயே இருக்கவேண்டும் என்றும் நீதிபதி மைக்கறோல் கூறுகிறார். இந்தப் பெண்ணின் பெயர் விபரங்கள் இதுவரை வெளியிடப்படவில்லை.

இந்தத் தாயின் பிள்ளை சிறுவர் பராமரிப்பு நிலையம் ஒன்றில் சேர்க்கப்பட்டிருக்கிறது. இந்தப் பெண்ணின் சார்பாக வாதிட்ட சமூக அபிவிருத்தித் திணைக்களத்தின் வழக்கறிஞர் இந்த வழங்கப்பட்ட தீர்ப்புத் தொடர்பாகக் கருத்தெதனையும் வழங்க மறுத்துவிட்டார்.

இவ்வாறு குழந்தை வீட்டை விட்டு வெளியேறி வீதிகளில் தனியே உலாவியபோதெல்லாம் சமூக அபிவிருத்தி திணைக்கள அலுவலர்கள் எவ்வாறு கண்டுகொள்ளாமல் விட்டார்கள் என்று கேள்வி எழுப்பிய நீதிபதி வீதியோரங்களில் இந்தக் குழந்தையினைக் காணும் பொலிசார் ஒவ்வொரு முறையும் சமூக அபிவிருத்தித் திணைக்களத்திற்குத் தகவல் கொடுத்திருக்கிறார்கள் எனக் கூறினார்.

இதுபோல பலமுறை இந்தத் தாய்க்கு எச்சரிக்கப்பட்ட பின்னரும் குறிப்பிட்ட குழந்தை அடிக்கடி வீதிகளில் தனியே உலவியதைத் தொடர்ந்து இந்தப் பெண்ணுக்கு எதிரான குற்றவியல் குற்றங்கள் சுமத்தப்பட்டிருந்தது.

'இதுபோல தங்களது பிள்ளைகளை முறையாகப் பராமரிப்பதற்குத் தவறும் தாய்மார்களுக்கு ஒரு எச்சரிக்கையாகவும் இதுபோன்ற சம்பவங்களைத் தவிர்க்கும் ஒரு உத்தியாகவுமே இந்த இளம் தாய்க்கு எதிராகச் சட்ட நடவடிக்கை எடுக்கப்பட்டிருக்கிறது' என பொலிசார் கூறுகிறார்கள்.

newyarl தன்குழந்தையினைக் கவனமின்றி வீதிகளில் அலையவிட்ட கனேடியத் தாய்க்குச் சிறை!! 678642