தவறுக்குத் தீர்ப்பெழுதும் சமூகம்

by ஹாசிம் Sat Apr 23, 2011 2:37 pm

First topic message reminder :

மனதிற்கு விலங்கிடத்தெரியவில்லை
போராடிய மதியும் தோற்றுவிட
மனிதன் ஆனதினால் - தவறுகளுக்கு
தலை சாய்கிறது மனம்

தவறிழைக்காத மனிதமுண்டோ
அதையுணராத மனங்களுண்டோ
ஒருதடவை செய்தபிழை
எப்பொழுதும் செய்வதாகுமா??

தவறென்று மனதுக்குப் புரிந்திடாத
காதல்வலையில் சிக்கியதால்
எதிர்ப்பலைகளில் தோற்று
தூக்கியெறிந்தேன் காதலைக்கூட

அடுத்தகணம் உணர்ந்துநின்று
பக்குவமும் மனதுக்களித்து
கரம்பிடித்தவனுக்காய் வாழத்துணிந்த
வாய்மையினைப் புரிந்திடாத சமுகங்கள்

கரம்பிடித்துக் காதலித்துக்
காலமெல்லாம் துணைவர ஒப்பமிட்டு
இழைத்த தவறை இயல்பென்றுரைத்து
சந்தேகக் கோடரியால்
என்ன சரித்திரம் காணத்துடிக்கிறாய்

தூயவளாய் நானிருந்தும்
துணைவன் வழி நடந்திருந்தும்
கறைபூசும் கல்நெஞ்சங்களுக்கு
நானெப்படி உணர்த்திடுவேன்

அழுகின்ற மனதோடு
அழமட்டும் முடிகிறது
தவறுக்குத் தவறுசெய்யும்
தரணி வெறுக்கத்தோன்றுகிறது....

by balakarthik Sat Apr 23, 2011 6:20 pm

இப்பொழுது இன்னும் அழகாக இருக்கிறது நண்பா கவிதயை விட அதை மீண்டும் திருதிய உமது பண்பு மகிழ்ச்சி

by மனோஜ் Sat Apr 23, 2011 7:56 pm

சந்தேகக் கோடரியால்
என்ன சரித்திரம் காணத்துடிக்கிறாய்

நல்ல வரிகள் நண்பா ! வாழ்த்துக்கள் ! அன்பு மலர்

by முரளிராஜா Sat Apr 23, 2011 8:15 pm

அருமையான கவிதை ஹாசிம் தவறுக்குத் தீர்ப்பெழுதும் சமூகம் - Page 2 224747944

by ஹாசிம் Sun Apr 24, 2011 11:01 am

balakarthik wrote:இப்பொழுது இன்னும் அழகாக இருக்கிறது நண்பா கவிதயை விட அதை மீண்டும் திருதிய உமது பண்பு

நன்றி நண்பா உங்களனைவரது நட்பில் உளம்மகிழ்கிறேன் முத்தம்

by கலைவேந்தன் Sun Apr 24, 2011 11:13 am

மனதைத் தொட்ட கவிதை ஹாசிம்..முதலில் புரிந்துகொள்ள கொஞ்சம் சிரமப்பட்டதா; மஞ்சுவின் விளக்கம் வாசித்தபின் மிக நன்றாகப் புரிந்து கொண்டு இப்போது பாராட்டுகிறேன்.

இது என் புரிதல் குறையே என்பதையும் உணர்கிறேன்..

நன்றி ஹாசிம்..!

by தமிழ்ப்ரியன் விஜி Sun Apr 24, 2011 12:04 pm

அருமை பாராட்டுக்கள் நண்பா!!!!!!!

by ஹாசிம் Sun Apr 24, 2011 1:10 pm

மஞ்சுபாஷிணி wrote:
ஹாசிம் wrote:

மனதிற்கு விலங்கிடத்தெரியவில்லை
போராடிய மதியும் தோற்றுவிட
மனிதன் ஆனதினால் - தவறுகளுக்கு
தலை சாய்கிறது மனம்

தவறிழைக்காத மனிதமுண்டோ
அதையுணராத மனங்களுண்டோ
ஒருதடவை செய்தபிழை
எப்பொழுதும் செய்வதாகுமா??

தவறென்று மனதுக்குப் புரிந்திடாத
காதல்வலையில் சிக்கியதால்
எதிர்ப்பலைகளில் தோற்று
தூக்கியெறிந்தேன் காதலைக்கூட

அடுத்தகணம் உணர்ந்துநின்று
பக்குவமும் மனதுக்களித்து
கரம்பிடித்தவனுக்காய் வாழத்துணிந்த
வாய்மையினைப் புரிந்திடாத சமுகங்கள்

கரம்பிடித்துக் காதலித்துக்
காலமெல்லாம் துணைவர ஒப்பமிட்டு
இழைத்த தவறை இயல்பென்றுரைத்து
சந்தேகக் கோடரியால்
என்ன சரித்திரம் காணத்துடிக்கிறாய்

தூயவளாய் நானிருந்தும்
துணைவன் வழி நடந்திருந்தும்
கறைபூசும் கல்நெஞ்சங்களுக்கு
நானெப்படி உணர்த்திடுவேன்

அழுகின்ற மனதோடு
அழமட்டும் முடிகிறது
தவறுக்குத் தவறுசெய்யும்
தரணி வெறுக்கத்தோன்றுகிறது....

எல்லோர் வாழ்க்கையிலும் காதல் ஒருமுறையாவது எட்டிப்பார்க்கிறது என்றாலும் பெற்றோருக்கு அடிபணிந்து காதலை புறக்கணித்து பெற்றோர் பார்த்த துணையை மணந்து இல்வாழ்க்கை இன்பமுற இருவரின் ஒருமனதான மனதால் மட்டுமே அது சாத்தியமாகும்.... அப்படி இல்லாது.... காதலித்ததை பெரிய விஷயமாக்கி அதைச்சொல்லி சொல்லி மனைவியின் மனம் உடல் துன்புறுத்தி பெறும் லாபம் தான் என்ன?

சுற்றி இருப்போரின் வாய்க்கு அவலாக இவர்களின் சண்டை சந்தேகமும் நடுத்தெருவில் வந்து அசிங்கப்பட வேண்டுமா?

காதலிப்பது கண்டிப்பாக தவறில்லை......
ஆனால் காதலில் உண்மை இல்லாதபோது அந்த காதல் முறிந்துவிடுகிறது எதாவது ஒரு காரணத்தினால்....
சமூகமும் சொந்தமும் இப்படி சந்தேகப்பேய் கொண்டு விரட்டினால் கண்ணீரை துணைக்கழைக்கிறாள் பேதை இல்லை என்றாலோ தற்கொலை நாடுகிறாள்....

அருமையான வரிகளில் ஒரு சோக கவிதை.... தாக்கம் நிறைந்த கவிதை....
காதலை விட்டுக்கொடுத்து வாழ்க்கையிலும் தோற்ற பெண்ணின் மனநிலை எப்படி சிதைந்திருக்கும் என்று அருமையாக யோசித்து கோர்த்த வரிகள் மிக அருமை ஹாசிம்......

அன்பு வாழ்த்துக்கள்பா....

அன்பு நன்றிகள் அக்கா வழமைபோல் கவிதைக்கு விமர்சனம் மாத்திரமல்ல உண்மை நிலையினையும் விளக்கிவைத்துவிட்டீர்கள்

உண்மையில் இது நடக்கக்கண்டு கவலையுற்றவனாக எழுதிய வரிகள் மனிதன் எனற வரையறைக்குட்பட்டதினால் தவறழைக்காதவர்களைக்காணமுடியாது அத்தவறில் தொடர்ந்திருக்கிறார் என்ற கற்பனையுடன் ஏற்படும் பிரச்சினைகள்தான் நிம்மதிகளை நிலையில்லாமல் செய்கிறது
இந்த நிலையினை உணர்த்துவதாக அமைத்தேன் வரிகள்
நன்றிகள் அக்கா