எகிப்து அதிபர் தேர்தலில் இந்திய மின்ணனு வாக்குப்பதிவு இயந்திரங்கள்

இந்திய மி்ன்ணனு வாக்குப்பதிவு இயந்திரங்கள் பயன்படுத்தும் முறையினை
எகிப்து பொதுத்தேர்தலிலும் பின்பற்றப்படவுள்ளது. இதற்காக இந்திய
த‌லைமைத்தேர்தல் கமிஷனர் எஸ்.ஓய்.குரோஷி தலைமையிலான 5 பேர் கொண்ட
குழுவினர் எகிப்து சென்று மின்ணனு வாக்குப்பதிவு இயந்திரங்களின் செயல்பாடு
குறித்து விளக்கமளிக்க உள்ளனர். மக்கள் கிளர்ச்சி ஏற்பட்ட‌தைத்தொடர்ந்து
எகிப்தில் அதிபர் முபாரக்கின் ஆட்சி கடந்த பிப்ரவரி மாதம்
முடிவுக்குவந்தது. ஜனநாயக ரீதியில் பொதுத்தேர்தல் நடத்த எகிப்து முடிவு
செய்துள்ளது. இது குறித்து இந்தியாவில் ‌பொதுத்தேர்தல்களில்
பயன்படுத்தப்படும் மின்ணனு வாக்குப்பதிவு இயந்திரங்களை எகிப்திலும்
பயன்படுத்துவது குறித்து ஏற்கனவே எகிப்து தூதர் குரோஷியை சந்தித்து ஆலோசனைவ
நடத்தினார்.

இந்நிலையில் எகிப்தில் பொதுத்தேர்தல் ,அதிபர் தேர்தல்
நவம்பரில் நடக்கும் என அறிவிக்கப்பட்டுள்ளது. இந்திய மின்ணனு
வாக்குப்பதிவு இயந்திரத்தின் பயன்பாடு எகிப்து நாட்டினருக்கு அதிசயத்தினை
ஏற்படுத்தியுள்ளது. எனவே மின்ணனு வாக்குப்பதிவு இயநதிரத்தின் செயல்பாடு
குறித்து இந்திய தலைமைத்தேர்தல் கமிஷனர் குரோஷி நேற்று எகிப்து நாட்டின்
நீதித்துறை மற்றும் தகவல் துறை அமைச்சரை சந்தித்து ஆலோசனை நடத்தினார். இது
குறித்து கெய்ரோவில் குரோஷி கூறியதாவது: இந்திய தேர்தல்களில்
பயன்படுத்தப்படும் மின்ணனு வாக்குப்பதிவு இயந்திரம் குறித்து எகிப்து
அதிகாரிகள் ஆச்சர்யமாக உள்ளதாக தெரிவித்துள்ளனர். தற்போது இந்தியாவில் 14
லட்சம் வாக்குப்பதிவு இயந்திரங்கள் உள்ளன. இவற்றில் மூன்றில் ஒரு பங்கு
இயந்திரங்கள் தான் 5 மாநில தேர்தல்களுக்கு பயன்படுத்தப்பட்டு வருகிறது.
எகிப்தில் நவம்பர் மாதம் நடக்கவுள்ள அதிபர் தேர்தல்களில் மின்ணனு
வாக்குப்பதிவு இயந்திரங்கள் பயன்படுத்தப்படவுள்ளன. அதன் செயல்பாடுகள்
குறித்து எனது தலைமையிலான குழு விளக்கமளிக்கவுள்ளது என்றார்.

நன்றி--- தினமலர்