அநியாய ஆடம்பரம்!

தாமு · தாமு Tue Apr 19, 2011 9:48 am

தன்னை `சூரியக் கடவுள்’ என்று அழைத்துக் கொண்ட பிரெஞ்சு மன்னன் பதினான்காம் லூயி வீண் ஆடம்பரத்துக்காகக் கட்டியதுதான் வெர்செய்ல்ஸ் அரண்மனை. நாட்டையே திவாலாக்கிய இதைக் கட்டி முடிக்க 50 ஆண்டுகள் ஆயின. முப்பதாயிரம் பேர் வலுக்கட்டாயமாக கூலியில்லாமல் வேலை செய்ய வைக்கப்பட்டனர். பணியின்போது நூற்றுக்கணக்கான பேர் கொள்ளை நோயால் உயிரிழந்தனர்.
கட்டுமானப் பணிகளை மன்னன் நேரடியாக மேற்பார்வையிட்டான். சலவைக் கல், வெண்கலச் சிலைகள் பல நிறுவப்பட்டன. 250 ஏக்கர் பரப்பில் தோட்டம் அமைக்கப்பட்டது.
அநியாய ஆடம்பரம்! Versailles

ஏராளமான நீரூற்றுகள் அமைக்கப்பட்டன. பல வகையான விலங்குகளும், பறவைகளும் கொண்ட காட்சி சாலையும் ஏற்படுத்தப்பட்டது. அரண்மனையை ஒட்டி ஒரு மைல் நீளமும், 200 அடி அகலமும் உடைய கால்வாய் வெட்டப்பட்டது. அதில் படகுகள் விடப்பட்டன.
1682-ல் மன்னர் தனது பரிவாரங்களுடன் இங்கு குடியேறினார். 1789-ம் ஆண்டு வரை வெர்செய்ல்ஸ், பிரான்சு நாட்டின் தலைநகராக இருந்தது. அரசனின் பரிவாரம், 9 ஆயிரம் வீரர்கள் உட்பட 20 ஆயிரம் பேரைக் கொண்டதாக இருந்தது. அரண்மனையில் ஆயிரம் பிரபுக்களும், 4 ஆயிரம் பணியாளர்களும் வசித்தனர். அது ஆடம்பர மாளிகையாக இருந்ததே தவிர, அடிப்படை வசதிகள் இல்லை. இந்த அரண்மனையின் கோலாகல வாழ்க்கைக்கு 1789-ல் ஏற்பட்ட பிரெஞ்சுப் புரட்சி முடிவு கட்டியது. தற்போது இது அருங்காட்சியமாக உள்ளது.

மகா பிரபு · மகா பிரபு Sat Apr 23, 2011 12:19 pm

இது போலத் தான் தமிழ்நாடு சட்டமன்றக் கட்டிடமும் சில நூறு கோடி ரூபாயில் கட்டப்பட்டு அழகுற மிளிர்கிறது. ஆனால் புரட்சித் தலைவை அவர்களின் ஆட்சி ஏற்பட்டால் மீண்டும் பழைய கோட்டைக்கே சட்டமன்றம் மாற்றப்படும். அப்புறம் இந்தக் கட்டிடத்தின் நிலை?

அசுரன் · அசுரன் Sat Apr 23, 2011 12:22 pm

அதோ கதிதான்!

ஹாசிம் · ஹாசிம் Sat Apr 23, 2011 12:24 pm

ஆடம்பரம் அவசியமற்றது பண்டைய ஆட்சியாளர்கள் அதிகமானவர்கள் ஆடம்பர வாழ்க்கையில் நாடுகளையும் இழந்துள்ளார்கள்

balakarthik · balakarthik Sat Apr 23, 2011 12:27 pm

நாட்டுக்கு நல்லதுதானே மகிழ்ச்சி

**உமா** · **உமா** Sat Apr 23, 2011 12:58 pm

அறிமுக நாயகன் wrote:இது போலத் தான் தமிழ்நாடு சட்டமன்றக் கட்டிடமும் சில நூறு கோடி ரூபாயில் கட்டப்பட்டு அழகுற மிளிர்கிறது. ஆனால் புரட்சித் தலைவை அவர்களின் ஆட்சி ஏற்பட்டால் மீண்டும் பழைய கோட்டைக்கே சட்டமன்றம் மாற்றப்படும். அப்புறம் இந்தக் கட்டிடத்தின் நிலை?

இந்த நிலை தான்...
ஊத்திக்கிச்சு