தங்கம் கொட்டும் ஏடிஎம்

by தாமு Fri Apr 22, 2011 8:58 am

இருபத்துநான்கு மணி நேரமும் பணம் எடுக்க, இப்போது, தெருவுக்கு தெரு ஏ.டி.எம்.,கள் வந்து விட்டன. தானியங்கி பணம் வழங்கும் இந்த இயந்திரங்கள் மக்களுக்கு மிகவும் வசதியாக உள்ளன. “ஏ.டி.எம்.,மில் பணம் மட்டுமே வழங்க வேண்டுமா? தங்கத்தை வழங்கினால் என்ன?’ என யோசித்தது ஒரு நிறுவனம். உடனே, தங்கம் வழங்கும் ஏ.டி.எம்., இயந்திரத்தையும் நிறுவி விட்டது. ஆனால், இது இந்தியாவில் அல்ல. ஸ்பெயின் நாட்டின் மாட்ரிட் நகர ஓட்டல் ஒன்றில் இந்த ஏ.டி.எம்., நிறுவப்பட்டுள்ளது. இந்த ஏ.டி.எம்.,மில் நீங்கள் தங்கம் வாங்க கார்டை செருக வேண்டாம். அதற்கு பதில், பணத்தை போட வேண்டும். பணத்தின் மதிப்பிற்கு ஏற்ப ஒன்று, ஐந்து அல்லது பத்து கிராம் எடையுள்ள தங்க பார்கள் வந்து விழும். தங்கத்தின் விலை அவ்வப்போது ஏறி வரும். எனவே, இந்த இயந்திரமும் தங்கத்தின் விலையை பத்து நிமிடங்களுக்கு, ஒரு முறை சரி செய்து கொள்ளும். “எக்ஸ் ஓரியன்ட் லக்ஸ் ஏ.ஜி.,’ என்ற நிறுவனத்தின் தலைமை நிர்வாகி தாமஸ் ஜிஸ்லர் என்பவர், இந்த இயந்திரத்தை மாட்ரிட் நகரில் வெஸ்டின் பேலஸ் என்ற ஓட்டலில் நிறுவியுள்ளார். “விழாக்களின் போது பரிசாக கொடுக்க தங்க நாணயங்களை வாங்க கடைகளுக்கு செல்வதை தவிர்க்க, இந்த இயந்திரத்தை நிறுவி உள்ளோம். மிக குறைந்த பணத்திற்கு கூட சிறிய நாணயத்தை இந்த இயந்திரம் மூலம் வாங்கலாம்!’ என தாமஸ் கூறியுள்ளார். இந்தியாவிலும் இந்த இயந்திரத்தை பொருத்தி விட்டால், நகைக்கடைகளில் கூட்டத்தை குறைக்கலாம்.

by பூஜிதா Fri Apr 22, 2011 3:44 pm

இது நல்ல இருக்கே அருமையிருக்கு

by முரளிராஜா Fri Apr 22, 2011 3:55 pm

by அசுரன் Fri Apr 22, 2011 10:21 pm

நல்ல வசதிதான் போங்க! புன்னகை

by ஆளுங்க Fri Apr 22, 2011 11:56 pm

தாமு wrote:
இந்தியாவிலும் இந்த இயந்திரத்தை பொருத்தி விட்டால், நகைக்கடைகளில் கூட்டத்தை குறைக்கலாம்.

அப்புறம் தங்கம் வழங்கி முன்னால் இருக்கும் கூட்டத்தை எப்படி குறைப்பது???

நல்ல தகவல்.. நன்றி!! தங்கம் கொட்டும் ஏடிஎம் 2825183110

by தாமு Sat Apr 23, 2011 5:42 am

by **உமா** Sat Apr 23, 2011 11:33 am

by சாந்தன் Sat Apr 23, 2011 11:36 am

நன்றி தாமு அண்ணா ...
நல்லாதான் இருக்கு ... நாமளும் ஒரு கிராம் காயின் வாங்கி சேர்த்து மொத்தமாக ஒரு நகை வாங்க உதவுமல்லவா ...
இந்தியாவில் வருமா ??? வந்தா தூக்கிட்டு போகமுடியாமே கான்கிரீட் போடணும் ...