மீண்டும் நடிக்க வருகிறார் பிரகாஷ் ராஜின் மாஜி மனைவி லலிதாகுமாரி

md.thamim · md.thamim Fri Apr 22, 2011 3:26 am

இயக்குநர் சிகரம் பாலசந்தரால் அறிமுகப்படுத்தப்பட்ட நடிகையும், பிரகாஷ் ராஜின் முன்னாள்
மனைவியுமான லலிதாகுமாரி நீண்ட இடைவெளிக்கு பின்னர் மீண்டும் சினிமாவில்
நடிக்க வருகிறார்.

மனதில் உறுதிவேண்டும், புதுப்புது அர்த்தங்கள், புலன் விசாரனை, சிகரம்
உள்ளிட்ட பல படங்களில் நடித்தவர் நடிகை லலிதாகுமாரி. நடிகர் பிரகாஷ்ராஜை
காதலித்து திருமணம் செய்து கொண்டவர். திருமணத்திற்கு பின்னர்
சினிமாவைவிட்டு ஒதுங்கினார் லலிதாகுமாரி. இடையில் பிரகாஷ்ராஜ்க்கும்,
இவருக்கும் இடையில் ஏற்பட்ட கருத்து வேறுபாட்டால் விவாகரத்து பெற்று
பிரிந்தனர். இதன்பின்னர் போனி வர்மாவை இரண்டாவது திருமணம் செய்தார் பிரகாஷ்
ராஜ். தற்போது தனியாக வசித்து வரும் லலிதா குமாரி மீண்டும் நடிக்க
வருகிறார். பள்ளிக்கூடம் போகாமலே என்ற படத்தில் அம்மா கேரக்டரில்
நடிக்கிறார் லலிதாகுமாரி.

இதுகுறித்து அவர் கூறியதாவது, பாலசந்தர் சாரால் மனதில் உறுதி வேண்டும்
படத்தின் மூலம் அறிமுகப்படுத்தப்பட்ட நான், தமிழ், தெலுங்கு உள்ளிட்ட
மொழிகளில் பல வெற்றி படங்களில் நடித்திருக்கிறேன். திருமணத்திற்கு பிறகு
நடிக்காமல் இருந்தேன். இப்போது மீண்டும் நடிக்கலாம் என முடிவு செய்தவுடன்
நிறைய பட ‌வாய்ப்புகள் வந்தன. ஆனால் ஒரு கதையும் பொறுத்தமாக அமையவில்லை.
அப்போது டைரக்டர் ஜெயசீலன் அவர்கள் வந்து என்னிடம் பள்ளிக்கூடம் போகாமலே
கதையை பற்றி கூறியபோது எனக்கு மிகவும் பிடித்துவிட்டது. நான் எதிர்பார்த்த
மாதிரியே இப்படத்தின் கதை அமைந்ததால் உடன் நடிக்க ஒப்புக்கொண்டேன். நல்ல
கதையம்சம் மற்றும் கேரக்டர் அமைந்தால் தொடர்ந்து நடிப்பேன். இவ்வாறு அவர்
கூறினார்.

நன்றி : தின மலர்

மீண்டும் நடிக்க வருகிறார் பிரகாஷ் ராஜின் மாஜி மனைவி லலிதாகுமாரி

மீண்டும் நடிக்க வருகிறார் பிரகாஷ் ராஜின் மாஜி மனைவி லலிதாகுமாரி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக