பிசிசிஐ-யிடம் பணிந்தது இலங்கை கிரிக்கெட் வாரியம்

ரபீக் · ரபீக் Sat Apr 23, 2011 12:06 pm

ஐ பி எல் போட்டிகளில் விளையாடும் இலங்கை வீரர்கள் தாயகம் திரும்புவதற்கான கால அவகாசம் மேலும் 13 நாட்கள் நீட்டிக்கப்பட்டுள்ளது.

இங்கிலாந்து சுற்றுப் பயணத்துக்காக தயாராவதற்கு இலங்கை வீரர்கள் தில்ஷான், சங்கக்கரா, மஹேலா ஜெயவர்த்தனே, மேத்யூஸ் உள்பட 11 பேரும் மே 5-ம் தேதிக்குள் நாடு திரும்ப வேண்டும் என்று இலங்கை கிரிக்கெட் வாரியம் உத்தரவிட்டு இருந்தது.

இலங்கை வீரர்களை மே 15-ம் தேதி வரையிலாவது ஐ.பி.எல். போட்டியில் விளையாட அனுமதிக்க வேண்டும் என்று இந்திய கிரிக்கெட் கட்டுப்பாட்டு வாரியம் வேண்டுகோள் விடுத்தது.

இந்த விவகாரம் குறித்து ஆலோசனை நடத்திய இலங்கை விளையாட்டு துறை அமைச்சர் மஹிந்தனதா அலுதமாகே மற்றும் இலங்கை கிரிக்கெட் வாரிய நிர்வாகிகள் இந்தியாவின் வேண்டுகோளை நிராகரிப்பது என்று முடிவு செய்துள்ளனர்.

இலங்கை கிரிக்கெட் வாரியத்தின் முடிவு இந்திய கிரிக்கெட் வாரியத்துக்கு கடும் அதிர்ச்சியையும், அதிருப்தியையும் ஏற்படுத்தியது.

இதனிடையே, இலங்கை கிரிக்கெட் வாரியம் தனது முடிவில் இருந்து பின்வாங்காவிட்டால் பதிலடி கொடுக்கும் வகையில், இலங்கை வீரர்களுக்கு வழங்க வேண்டிய ஊதியத்தை நிறுத்தி வைக்கும்படி ஐ.பி.எல். உரிமையாளர்களை இந்திய கிரிக்கெட் வாரியம் அறிவுறுத்தும் என்றும், வீரர்களின் ஊதியத்தில் இருந்து 10 சதவீதம் தொகை (சுமார் ரூ.2 கோடி) இலங்கை கிரிக்கெட் வாரியத்துக்கு பகிர்ந்தளிப்பது மறுக்கப்படும் என்றும் தகவல்கள் வெளியாகின.

இந்த நிலையில் இந்திய கிரிக்கெட் வாரியத்தின் இத்தகைய நிர்ப்பந்தத்தால் இலங்கை கிரிக்கெட் வாரியம் இப்போது பணிந்துள்ளது.

இந்த பிரச்னைக்கு தீர்வு காண்பது தொடர்பாக இலங்கை விளையாட்டுத்துறை அமைச்சர் மஹிந்தநந்தா அலுத்காமகே, இலங்கை கிரிக்கெட் வாரிய நிர்வாகிகள் மற்றும் தேர்வு குழுவினரிடம் நேற்று அவசர ஆலோசனை நடத்தினார்கள். இதில் இலங்கை வீரர்களை மேலும் 13 நாட்கள் அதாவது மே 18-ம் தேதி வரை ஐ.பி.எல்.-ல் பங்கேற்க அனுமதி அளிப்பது என்று முடிவு செய்யப்பட்டதாக தெரியவந்துள்ளது.

விகடன்

ARR · ARR Sat Apr 23, 2011 12:11 pm

விளையாட்டுப் பிரச்னைக்கு சீரியஸாப் பேசிப் பணிய வைக்கிறாங்க..

ஆனா,

சீரியஸான பிரச்னையை விளையாட்டாக்கூட அணுகலையே..

ஹாசிம் · ஹாசிம் Sat Apr 23, 2011 12:20 pm

எது எப்படியோ விழையாட்டு சுவாரஸ்யமாக இருந்தால் சரிதான்

நன்றி பகிர்வுக்கு ரபீக்

ரபீக் · ரபீக் Sat Apr 23, 2011 12:23 pm

ARR wrote:விளையாட்டுப் பிரச்னைக்கு சீரியஸாப் பேசிப் பணிய வைக்கிறாங்க..

ஆனா,

சீரியஸான பிரச்னையை விளையாட்டாக்கூட அணுகலையே..

நூத்துல ஒரு வார்த்த ,,,,,, மகிழ்ச்சி

ARR · ARR Sat Apr 23, 2011 12:32 pm

நன்றி ரஃபீக்..!

balakarthik · balakarthik Sat Apr 23, 2011 12:33 pm

ரபீக் wrote:
ARR wrote:விளையாட்டுப் பிரச்னைக்கு சீரியஸாப் பேசிப் பணிய வைக்கிறாங்க..

ஆனா,

சீரியஸான பிரச்னையை விளையாட்டாக்கூட அணுகலையே..

நூத்துல ஒரு வார்த்த ,,,,,,

நூ

இதுதானே

**அருண்** · **அருண்** Sat Apr 23, 2011 12:42 pm

ஐ‌பி‌எல் ஒழுங்கா நடந்தால் சரி! மகிழ்ச்சி

மகா பிரபு · மகா பிரபு Sat Apr 23, 2011 12:49 pm

நினைத்ததையெல்லாம் சாதிக்கும் வல்லமை பிசிசிஐ க்கு மட்டுமே உண்டு.

Sponsored content · Sponsored content

பிசிசிஐ-யிடம் பணிந்தது இலங்கை கிரிக்கெட் வாரியம்

பிசிசிஐ-யிடம் பணிந்தது இலங்கை கிரிக்கெட் வாரியம்

Re: பிசிசிஐ-யிடம் பணிந்தது இலங்கை கிரிக்கெட் வாரியம்

Re: பிசிசிஐ-யிடம் பணிந்தது இலங்கை கிரிக்கெட் வாரியம்

Re: பிசிசிஐ-யிடம் பணிந்தது இலங்கை கிரிக்கெட் வாரியம்

Re: பிசிசிஐ-யிடம் பணிந்தது இலங்கை கிரிக்கெட் வாரியம்

Re: பிசிசிஐ-யிடம் பணிந்தது இலங்கை கிரிக்கெட் வாரியம்

Re: பிசிசிஐ-யிடம் பணிந்தது இலங்கை கிரிக்கெட் வாரியம்

Re: பிசிசிஐ-யிடம் பணிந்தது இலங்கை கிரிக்கெட் வாரியம்

Re: பிசிசிஐ-யிடம் பணிந்தது இலங்கை கிரிக்கெட் வாரியம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக