உலகின் பிரபல மனிதர்கள் பட்டியல் 2011- TIME !!

by ஆளுங்க Thu Apr 21, 2011 8:07 pm

உலகின் முக்கிய மனிதர்களுக்கான ஒரு வாக்குப்பதிவை டைம் குழுமம் (TIME) நடத்தியதல்லவா??

அதன் முடிவுகள் வெளியிடப்பட்டு விட்டன..

பட்டியலின் முதல் இடம் ஒரு இளைஞருக்கு..
அவர் பெயர் வேல் கோனிம்..Wael Ghonim
எகிப்தில் சமீபத்தில் ஏற்பட்ட புரட்சியில் முன்னோடி அவர் தான்!!

இந்த முடிவுகளில் ஆதரவு மற்றும் எதிர்ப்பு ஆகிய இரன்டு வாக்குகளும் கணக்கில் எடுத்துக்கொள்ளப்பட்டுள்ளன.
வேல் கோனிம் பெற்ற வாக்குகள்: ஆதரவு: 10437; எதிர்ப்பு: 2821

100 பேரின் முழு பட்டியலையும் டைம் நாளிதழ் வெளியிட்டுள்ளது!

இந்த முடிவுகளில் ஆதரவு மற்றும் எதிர்ப்பு ஆகிய இரன்டு வாக்குகளும் கணக்கில் எடுத்துக்கொள்ளப்பட்டுள்ளன.

இந்த பட்டியலில் தமிழர்கள் தம் நம்பிக்கை வீண் போகவில்லை..
ராஜபக்சேவின் பெயர் முதல் 100-இல் இல்லை!!

நன்றி: டைம் குழுமம்

by கார்த்திநடராஜன் Thu Apr 21, 2011 8:38 pm

வரவேற்கக்குடையது நன்றி நண்பரே

by ஆளுங்க Fri Apr 22, 2011 10:22 am

டைம் பத்திரிக்கை நடத்திய கருத்துக்கணிப்பில் எனக்குத் தெரிந்த சிலரைப் பற்றி இங்கே பகிரலாம் என்று எண்ணம்..

உறவுகளும் தாங்கள் அறிந்தவர்கள் பற்றி பகிரலாம்..

by ஆளுங்க Fri Apr 22, 2011 10:57 am

வேல் கோனிம் (Wael Ghonim) ....

உலகின் பிரபல மனிதர்கள் பட்டியல் 2011- TIME !! Ghonim-3

2011 ஆம் அண்டு சனவரி 25 ஆம் தேதி வரை இந்த பெயர் பலருக்குத் தெரியாது..
ஆனால், இன்று?????

வேல் கோனிம், கூகுள் நிறுவனத்தின் கிழக்கு ஆசியப் பகுதி விற்பனை
அதிகாரியாகப் பணியாற்றி வருகிறார்.
எகிப்து போராட்டத்தை தொடக்கும் முகமாக (ஜனவரி 25ம் திகதி), ஒரே தளத்தில், ஒரே நேரத்தில் மக்களை ஒன்றிணைக்க பேஸ்புக்கில் தனிப்பக்கம் திறந்து அனைவருக்கும் அழைப்பு விடுத்தவர் இவரே! காலித் சயீத் எனும் எகிப்திய இளைஞர்
காவல்துறையினரால் துன்புறுத்தப்பட்டு இறந்ததைத் தொடர்ந்து, “நாம் எல்லோரும்
காலித் சயீத்’ எனும் ஃபேஸ்புக் பக்கத்தை தொடங்கினார் கோனிம்.
இதையடுத்து, எகிப்து இளைஞர்களிடையே இது மிக
வேகமாகப் பரவ ஆரம்பித்து, பெரும் எழுச்சியை உண்டாக்கியது. இதைத் தொடர்ந்து
தேசத் துரோக குற்றத்துக்காக கைது செய்யப்பட்ட கோனிம் சிறையில் துன்புறுத்தப்பட்டார்.

ஃபேஸ்புக் சமூக இணையதளம் தடை செய்யப்பட்டது. எகிப்து அரசு தடை செய்தபோது, “எங்களுக்கு பயமாக இருக்கிறது’ என அந்த அரசு 40 லட்சம் பேரிடம் ஒப்புக் கொண்டது போலாகிவிட்டது.
செய்தியும் தகவலும் கிடைக்காத மக்கள், வீதிக்கு வந்து குவிந்தார்கள். இதுதான் கிளர்ச்சி வெற்றியடையக் காரணம்...எகிப்து அதிபர் பதவி விலகினார்...இளைஞர் போராட்டம் வென்றது!!

ஹோஸ்னி முபாரக்கின் அடக்குமுறை அரசு செய்த தவறுகளில் ஒன்று, ஃபேஸ்புக்
எனும் சமூக வலைதளத்தை தடை செய்ததுதான். கூகுள், யூ டியூப், ஃபேஸ்புக்,
டுவிட்டர் போன்ற நவீன சமூகத் தொடர்புகள் இல்லாவிட்டால் இப்படியொரு மக்கள் எழுச்சி சாத்தியமாகியிருக்காது.

இவற்றை இணையத்தின் மூலம் ஒரு நாட்டின் அரசையே மாற்றலாம் என்று முதன்முதலில் உலகிற்கு உணர்த்தியவர்!!

அவரை பற்றிய டைம் கட்டுரையைக் காண்க!

நன்றி: பல்வேறு செய்தி தளங்கள்!

by ஆளுங்க Fri Apr 22, 2011 12:00 pm

உலகின் பிரபல மனிதர்கள் பட்டியல் 2011- TIME !! 224_L_dhoni-world-cup-l

2001 ஆம் ஆண்டு கொல்கத்தாவில் உள்ள கரக்பூர் நகரம்..
ஆஸ்திரேலியாவுக்கும், இந்தியாவுக்கும் இடையே ஈடன் கார்டனில் தொடர் போட்டி!!
மண்ணின் மைந்தன் சவுரவ் கங்குலி விளாசிக் கொண்டிருந்தார்..
அனைவரும் ஆரவாரமாக கைத் தட்டிக்கொண்டு இருந்தனர்...

அப்போது 20 வயது மதிக்கத்தக்க இளைஞன் ஒருவன் அந்த ஊருக்கு வேலை தேடி வந்தான்...
அன்று அவனைப் பார்த்த பலர் அறிந்திருக்கவில்லை- அவன் தான் பின்னாளில் இந்திய ரசிகர்கள் அனைவரின் தாகத்தையும் தீர்ப்பான் என்று!!

2001 ஆம் ஆண்டு கரக்பூர் ரயில் நிலையத்தில் டிக்கெட் கலெக்டராக இருந்தவர் இன்று ரசிகர்கள் தூக்கி கொண்டாடும் இந்திய மட்டைப் பந்து அணியின் தலைவர்...

அன்று தோனியைக் கிரிக்கெட் கிறுக்கன் என்று வர்ணித்தவர்கள் இன்று அவரை எப்படியெல்லாம் புகழ்கிறார்களோ!!

இவரைப் பற்றி நான் சொல்லித் தெரிய வேண்டியதில்லை!

செய்தி ஆதாரம்: டைம்ஸ் ஆப் இந்தியா

அவரைப் பற்றிய டைம் கட்டுரையைக் காண்க !

by jaya2kumar Fri Apr 22, 2011 12:12 pm

தோனியைக் பற்றி முழு விவரம் தெரிந்தால் இன்னும் நன்றாக இருக்கும்
ஜெயகுமார்

by ANTHAPPAARVAI Fri Apr 22, 2011 12:17 pm

நல்ல முயற்சி நண்பா! பாராட்டுக்கள்!!

ஆனா இந்தப் பட்டியலில் என் பெயரைக் காணோமே..... ஜாலி

by முரளிராஜா Fri Apr 22, 2011 12:28 pm

உங்களது இந்த ஆக்கபூர்வமான முயற்ச்சிக்கு எனது
பாராட்டுக்கள் ஆளுங்க

by **பிளேடு பக்கிரி** Fri Apr 22, 2011 12:30 pm

நன்றி நண்பரே

by ஆளுங்க Mon Apr 25, 2011 10:17 pm

மார்க் சுகர்பெர்க்
உலகின் பிரபல மனிதர்கள் பட்டியல் 2011- TIME !! Mark-Zuckerberg-1

சில வருடங்களுக்கு முன்பு...

"டேய் மச்சான்... என்னடா ஒரு வாரமா உன்ன ஆளையே காணோம்?"
"நான் ஊர்லயே இல்ல மாப்பு"
"அப்படி எங்கடா போன?'
"எங்க சொந்த ஊர் போயிருந்தேன்.."
"சொல்லிட்டு போறது இல்ல??? சரி.. அங்க எதாவது?"

இப்படி உரையாடல்கள் தொடரும்!!

ஆனால் இன்று.....
இதைப் பாருங்கோ!!

உலகின் பிரபல மனிதர்கள் பட்டியல் 2011- TIME !! 93681339

இப்படியெல்லாம் நாம் நம் நிலையைப் பற்றி என்றால் அதற்கு காரணம் இவர் தான்..
இவர் துவங்கிய "முகநூல்" (Facebook) ஆகிய சமூக வலைத்தளம் தான் மக்கள் தங்கள் நிலையை உடனுக்குடன் முதன்முதலில் பகிர உதவியது!!

இன்றெல்லாம் இளைஞர்கள் தங்கள் நண்பர்கள் எங்கே என்ன செய்து கொண்டு இருக்கிறார்கள் என்று யாரிடமும் கேட்பதில்லை..
அலைபேசியிலோ நேரிலோ பேச துவங்கும் போதே : "என்ன.. அங்க எப்படி இருந்தது?" என்று தான் துவங்குகிறார்கள்..

இப்படி முகநூல் மூலம் மக்கள் தங்கள் நிலையை மட்டும் பரிமாறிக் கொள்வதில்லை..
அதில் தங்கள் கருத்துகளைப் பகிர்ந்து அதற்கு ஆதரவும் திரட்டுகிறார்கள்...

இந்த பட்டியலில் முதலிடம் பிடித்த வேல் கோனிம் ஒரு இணைய புரட்சி செய்து எகிப்தில் ஒரு புதிய சமுதாயம் உருவாக காரணமே இவர் (முகநூல்) தான்!!

இவரைப் பற்றிய டைம் கட்டுரை காண்க !!

பி.கு: இதில் இடம் பெற்றுள்ள முகநூல் புகைப்படம் முழுதும் கற்பனையே! யாரையும் புண்படுத்தும் நோக்கில் எழுதப்படவில்லை...
மன்ற உறவுகள் தவறாக எடுத்து கொள்ள வேண்டாம்