ஊனக் காதல்...

by ஹாசிம் Wed Apr 20, 2011 3:55 pm

உவமானங்கள் தேடியலைந்தேன்
என் காதலையும் உணர்த்திட
உனைக்கண்ட மாத்திரத்தில்
மொழிகள் மறந்த ஊமையாகிறேன்

காதுகளுக்குக் கேட்காத ஒலிகளோடு
உன்வார்த்தைகளை மட்டும்
இனிமையான இசைகளாயொப்பிட்டு
தினமும் ஒலிக்கக் கேட்கிறேன்

கண்களைத் திறக்க மறந்து
இருள்மயமான உலகமாகி
பசுமையான கற்பனைகள் மாத்திரம்
இன்பமயமான வாழ்கையாகிறது

அன்பே உனை நாடிவர
கால்களேன் தடுமாறுகிறது
உனக்குத் தூதுவிட கைகளேன்
எழுத மறுக்கிறது....

மனதின் வலிமையோடு
இயற்கையில் மலர்ந்த
என் காதல்மட்டுமேன்
இத்தனை ரணங்களோடு ஊனமாகிறது

by மஞ்சுபாஷிணி Wed Apr 20, 2011 7:05 pm

உண்மைக்காதல் என்றேனும் ஒரு நாள் புரியப்படலாம்...
ஊமையாய் காதல் அமுங்கி இருந்தாலும் என்றாவது ஒரு நாள் உயிர்த்தும் எழலாம்...

தவித்த மனதுடன் சொல்லமுடியாக்காதலை அழகிய வரிகளாக்கி இங்கே படைத்திருப்பது சிறப்பு....

காதலை சொல்லிவிட்டால் மட்டும் கடமை முடிந்ததென இராமல் வாழ்க்கையில் இணைந்து விருக்‌ஷமாய் படரட்டும் ஊமைக்காதல் உலகம் அறிந்த காதலாகி உண்மைக்காதலாகி வாழ்க்கையில் இணையட்டும்..

அருமையான வரிகளுக்கு என் அன்பு வாழ்த்துக்கள் தம்பி...

by சாமி யார்? Wed Apr 20, 2011 7:08 pm

எம்மாடி, இந்த வெபுசைட்டுல அல்லாருமே தெறமசாலிங்க போலருக்குப்பா. கவிதைய டக்கரா பின்றாங்க.

by ஹாசிம் Thu Apr 21, 2011 10:37 am

மஞ்சுபாஷிணி wrote:உண்மைக்காதல் என்றேனும் ஒரு நாள் புரியப்படலாம்...
ஊமையாய் காதல் அமுங்கி இருந்தாலும் என்றாவது ஒரு நாள் உயிர்த்தும் எழலாம்...

தவித்த மனதுடன் சொல்லமுடியாக்காதலை அழகிய வரிகளாக்கி இங்கே படைத்திருப்பது சிறப்பு....

காதலை சொல்லிவிட்டால் மட்டும் கடமை முடிந்ததென இராமல் வாழ்க்கையில் இணைந்து விருக்‌ஷமாய் படரட்டும் ஊமைக்காதல் உலகம் அறிந்த காதலாகி உண்மைக்காதலாகி வாழ்க்கையில் இணையட்டும்..

அருமையான வரிகளுக்கு என் அன்பு வாழ்த்துக்கள் தம்பி...

மி்க்க நன்றி அக்கா வரிகள் வழமைபோல் அட்டகாசமாய் பாராட்டுகளாய் அமைத்ததில் நெகிழ்கிறேன் பலகோடி நன்றிகள்