போலீசார் அழைத்துச் சென்றபோது ரவுடி கும்பல் தலைவன் சரமாரி சுட்டுக் கொலை

by **சிவா** Wed Apr 20, 2011 2:06 pm

போலீசார் அழைத்துச் சென்றபோது ரவுடி கும்பல் தலைவன் சரமாரி சுட்டுக் கொலை: 2 போலீசாரும் குண்டு பாய்ந்து பலி

ராஜஸ்தான் மாநிலம், உதய்பூர் ஜெயிலில் இருந்து, பானுபிரதாப் என்ற ரவுடி கும்பல் தலைவனை ஜல்வார் என்ற இடத்துக்கு போலீசார் அழைத்துச் சென்றனர். நேற்று முன்தினம் நள்ளிரவில், பில்வாரா மாவட்டம், பிஜோலியா அருகே அந்த போலீஸ் வாகனம் சென்று கொண்டு இருந்தது.

அப்போது இரு கார்களில் வந்த மர்ம மனிதர்கள், போலீஸ் வாகனத்தை வழி மறித்தனர். உள்ளே இருந்த பானு பிரதாப்பை குறி வைத்து அவர்கள் சரமாரியாக துப்பாக்கியால் சுட்டனர். இதில் பானு பிரதாப்புடன், இரு போலீஸ்காரர்களும் குண்டு பாய்ந்து பலியானார்கள்.

மேலும் 4 போலீசார் படுகாயம் அடைந்தனர். பின்னர் மின்னல் வேகத்தில் மர்ம மனிதர்கள் அங்கிருந்து தப்பிச்சென்று விட்டனர். காயம் அடைந்த அனைவரும் அருகில் உள்ள ஆஸ்பத்திரியில் அனுமதிக்கப்பட்டனர். அவர்களில் 2 போலீசாரின் உடல் நிலை கவலைக்கிடமாக உள்ளது.

தினதந்தி