மாவோ தீவிரவாதிகள் அட்டூழியம்

மீனு · மீனு Sat Sep 05, 2009 11:10 pm

நேபாள கோவிலுக்கு நியமிக்கப்பட்ட இந்திய புரோகிதர்களை நிர்வாணமாக்கி சித்ரவதை: மாவோ தீவிரவாதிகள் அட்டூழியம்

நேபாள நாட்டின் தலை நகரான காட்மாண்டுவில் 800 ஆண்டுகள் பழமை வாய்ந்த பசுபதிநாத் கோவில் உள்ளது. இங்கு முதன்மை புரோகிதர்களாக இந்தியாவை சேர்ந்தவர்கள் குறிப்பாக தென்இந்தியாவை சேர்ந்தவர்கள் பாரம் பரியமாக நியமிக்கப்படுகிறார்கள்.

அதன்படி கர்நாடக மாநிலத்தை சேர்ந்த புரோகிதர்கள் கிரிஷீபட், ராகவேந்திராபட் ஆகியோர் சமீபத்தில் பசுபதிநாத்கோவிலில் முதன்மை புரோகிதர்களாக நியமிக்கப்பட்டனர். இதையடுத்து கோவில் பூஜைகளை தலைமை ஏற்று நடத்தி வந்தனர்.

இந்த நிலையில் நேற்று 2 பேர் பக்தர்கள் போன்று கோவிலுக்கு வந்தனர். பூஜைக்கான ஏற்பாடு செய்வதுபோல நடித்த அவர்கள் திடீர் என்று இந்திய புரோகிதர்களை இரும்பு கம்பிகளால் தாக்கினார்கள்.

அப்போது வந்த 10 பேர் கொண்ட கும்பலும் அடித்து உதைத்தனர். 2 புரோகிதர்களின் உடைகளை கிழித்து நிர்வாணமாக்கி சித்ரவதை செய்தார்கள். இதனால் அங்கு பெரும் பரபரப்பு ஏற்பட்டது.

இந்த சம்பவம் பற்றி அறிந்ததும் நேபாளத்தில் உள்ள இந்திய தூதரக அதிகாரிகள் அங்கு விரைந்தனர். விசாரணையில், நேபாளத்தில் உள்ள மாவோயிஸ்டு தீவிரவாதிகள் இந்ததாக்குதலில் ஈடுபட்டது தெரியவந்தது.

இந்தியாவை சேர்ந்தவர்களை வரவழைத்து கோவிலின் முதன்மை புரோகிதர்கள் அந்தஸ்து வழங்கியதற்கு எதிர்ப்பு தெரிவிக்கும் வகையில் மாவோயிஸ்டுகள் இந்த அட்டூழியத்தில் ஈடுபட்டது தெரியவந்துள்ளது. இந்த சம்பவத்தையடுத்து பசுபதி நாத்கோவிலில் பலத்த பாதுகாப்பு போடப்பட்டுள்ளது. இந்ததாக்குதலுக்கு பல்வேறு அமைப்புகள் கண்டனம் தெரிவித்துள்ளன. இந்தியாவும் கடும் கண்டனம் தெரிவித்துள்ளது.