கம்யூனிஸ்டு கட்சி தலைமைப் பதவியை பிடல் காஸ்ட்ரோ ராஜினாமா செய்தார்

கியூபா நாட்டின் அதிபராக இருந்தவர் பிடல் காஸ்ட்ரோ. இவர் உடல் நலக்குறைவு காரணமாக 2006-ம் ஆண்டு பதவியில் இருந்து விலகினார். தன் தம்பி ரால் காஸ்ட்ரோ விடம் ஆட்சிப்பொறுப்பை ஒப்படைத்தார். 84 வயதான இவர் கம்யூனிஸ்டு கட்சியின் தலைமை பொறுப்பையும் தன் தம்பியிடம் ஒப்படைத்து விட்டார். அவர் எழுதியுள்ள ஒரு கட்டுரையில் இதைத் தெரிவித்து இருக்கிறார்.

கம்யூனிஸ்டு கட்சி 1965-ம் ஆண்டு தொடங்கப்பட்டது முதல் பிடல் காஸ்ட்ரோ அந்த கட்சியின் முதல் செயலாளர் பதவியில் இருந்து வருகிறார். ஆட்சி பொறுப்பை ரால் காஸ்ட்ரோவிடம் ஒப்படைத்தபோது கட்சி தலைமை பொறுப்பையும் ஒப்படைத்து விட்டேன் என்றும் முதல் செயலாளர் பொறுப்பை மட்டும் வைத்து இருக்கிறேன் என்றும் அவர் அந்த கட்டுரையில் குறிப்பிட்டு இருக்கிறார்.

ராலை எப்போதுமே நான் முதல் செயலாளர் என்றும் கட்சியின் தளபதி என்றும் தான் அழைத்து வந்தேன் என்றும் அந்த கட்டுரையில் அவர் குறிப்பிட்டு இருக்கிறார்.

அந்த பதவியையும் அவர் ராஜினாமா செய்ய இருக்கிறார். இதை அவர் தன் கட்டுரையில் குறிப்பிட்டு இருக்கிறார். வருகிற ஜுன் மாதம் 3-ந் தேதி ரால் காஸ்ட்ரோவுக்கு 80 வயது ஆகிறது. அன்றைய தினம் முதல் அவர் கட்சியின் அதிகாரப்பூர்வமான முதல் செயலாளர் ஆகிறார்.

கட்சியின் மத்திய குழு சமீபத்தில் கூடியது. இதில் ஆயிரம் பிரதிநிதிகள் கலந்து கொண்டனர். இந்த கூட்டத்தில் பொருளாதார சீர்திருத்தங்களுக்கு குழு ஒப்புதல் அளித்தது. இந்த சீர்திருத்தங்கள் ஏற்கனவே நடைமுறைக்கு வந்து விட்டன என்று கூறப்படுகிறது. இந்த குழுவில் பிடல் காஸட்ரோ கலந்து கொள்ளவில்லை.

நவீன ராணுவம் !! பிடல் காஸ்ட்ரோ

ARR wrote:சே குவேராவுடன் இணைந்து போராடிய வீர வரலாற்றைக் கொண்ட ஃபிடல், அமெரிக்காவின் மூக்குக்கு கீழேயே இருந்து கம்யூனிசக் குடைச்சல் தந்துகொண்டிருப்பவர்.. இவரின் மீதான சி ஐ ஏ கொலைமுயற்சிகள் கணக்கிலடங்கா..

முதுமை, அந்தப் போராளியின் உடலைதான் முடக்கியது.. மனதையல்ல..!

நான் மதிக்கும் உலகத் தலைவர்களில் இவரும் ஒருவர். இவர் தம்பி ஆட்சிக்கு வருவதற்காக அதிபர் பதவியை பிடுங்கி விட்டார் என கூறுகிறார்கள். எது எந்தளவு உண்மை என்று தெரியவில்லை.