விஷால் வோட்கா…! ஆர்யா கஞ்சா..! அவன் இவன் ரகசியம் உடைந்தது

தாமு · தாமு Wed Apr 20, 2011 6:53 am

ஒவ்வொரு காட்சியையும் முடிந்தவரை எதார்த்தமாக எடுக்க வேண்டும் என்பதில் பிடிவாதமாக இருப்பவர் இயக்குனர் பாலா. வழக்கமாக ஒரு படத்தை இயக்கி முடிக்க மூன்று வருடங்களை எடுத்துக்கொள்ளும் இவர்,

இம்முறை அவன் இவன் படத்தை 15 மாதங்களில் உருவாக்கி சாதனை படைத்து விட்டார். படத்தில் விஷால் வால்டர் என்ற காதாபாத்திரத்திலும், ஆர்யா சாமி என்ற காதாபாத்திரத்திலும் நடித்திருகிறார்கள்.

ஒரு காட்சியில் விஷால் போதையில் புலம்பி அழுவது போன்ற காட்சியை எடுக்க விரும்பிய பாலா, விஷாலை அழைத்து “ அளவாக மது அருந்தி விட்டு வா.” என்று சொல்லியிருகிறார். வோட்கா பிரியரான விஷால், வோட்கா மதுவை தேவையான அளவு அருந்திவிட்டு வந்து அந்தக்காட்சியில் தலைகேறிய போதையுடன் நடித்து, பாலாவிடம் பாராட்டு வாங்கியிருகிறார்.

அதேபோல ஆர்யா கஞ்சா போதையில் போலீசிடம் உண்மைகளை உளறிக்கொட்டுவதைப் போன்ற காட்சியை எடுக்க விரும்பிய பாலா “ கஞ்சாவை நீ எங்க வாங்குவியோ எனக்கு தெரியாது. நாளைக்கு ஒரு பொட்டலாம் காஞ்சாவுடன் வா” என்று சொல்லியிருகிறார். தனது வடசென்னை ரசிகர் மன்ற தலைவர் மூலம் கஞ்சாவைக் கண்டு பிடித்த ஆர்யா, சம்பந்தப்பட்டக் காட்சியில் காஞ்சா குடித்து, நிஜ கஞ்சா போதையில் நடித்து கொடுத்திருகிறார்.

முதல் கதாநாயகி மதுஷாலினி தேன்மொழி என்ற கதாபாத்திரத்திலும், இரண்டாவது காதாநாயகி ஜனனி ஐயர், பேபி என்ற கதாபாத்திரத்திலும் நடித்திருகிறார்கள். அவன் இவன் படத்தில் விஷாலின் நடிப்புக்கு தேசிய விருது உறுதி என்ற பேச்சு கிளம்பியிருகும் நிலையில் நேற்று சென்னையில் படத்தின் இசை வெளியிடப்பட்டது. இந்த விழாவில் கடைசியாகப் பேசினார் பாலா.

“அவன் இவன் படத்தில் நன்றாக நடித்திருபது விஷாலா? ஆர்யாவா? என்று என்னைக் கேட்டால் இந்த இரண்டு பேரையும் விட,ஜி.எம்.குமார் இந்தப்படத்தில் சிறப்பாக நடித்திருக்கிறார். அவர் மறைந்த நடிகர் திலகம் சிவாஜிக்கு நெருக்கமானவர். சிவாஜி மட்டும் உயிரோடு இருந்து இந்தப்பட்த்தில் ஜீ.எம். குமாரின் நடிப்பை பார்த்தால் அவரை கட்டிப் பிடித்து முத்தம் கொடுப்பார்” என்று பாராட்டினார்.

ஜாமீன் என்ற காதாபாத்திரத்தில் நடித்திருக்கும் ஜீ.எம். குமார், அறுவடைநாள் உட்பட பல முக்கியமான படங்களை இயக்கியவர். வெயில் படத்தில் பசுபதி, பரத் இருவரின் அப்பா காதாபாத்திரத்தில் நடித்திருப்பவர். அவன் இவன் மே 22- ஆம் தேதி உலகம் முழுவதும் ரிலீஸ் ஆகிறது.

கோ.செய்தி

விஷால் வோட்கா…! ஆர்யா கஞ்சா..! அவன் இவன் ரகசியம் உடைந்தது

விஷால் வோட்கா…! ஆர்யா கஞ்சா..! அவன் இவன் ரகசியம் உடைந்தது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக