தற்பெருமையின் விளைவு

by rsakthi27 Tue Apr 19, 2011 12:11 pm

தற்பெருமையின் விளைவு

தற்பெருமையின் விளைவு Krishna1

அர்ஜுனனின் வில் காண்டிபம் என்று அழைக்கப்படும். காண்டிபம் என்னும் அந்த
வில்லை யாராவது அவமதித்து பேசினால் அவர்களை நான் கொன்று விடுவேன் என்று அர்ஜுனன் சபதம் எடுத்து இருக்கிறான்.

அர்ஜுனனின் அண்ணனாகிய யுதிஷ்டிரன் ஒருமுறை அந்த காண்டிபத்தை பற்றி
தரக்குறைவாக பேசிவிட்டான். ஆகவே அர்ஜுனன் தனது அண்ணனைக் கொல்வதற்கு தனது வில்லை எடுத்துக் கொண்டான். அதை கிருஷ்ணர் தடுத்தார். அதற்கு அர்ஜுனன், கிருஷ்ணா எனது காண்டிபதை யார் குறை கூறினாலும் அவர்களை நான் கொன்றுவிடுவேன் என்று சத்தியம் செய்து இருக்கிறேன். ஆகவே நான் எனது மூத்த அண்ணன் யுதிஷ்டிரனை கொன்று தான் ஆக வேண்டும்.

அதற்கு கிருஷ்ணர் "அர்ஜுனா நீ உனது அண்ணனை தரக்குறைவான வார்த்தைகளால் திட்டிவிடு, அப்படி திட்டிவிட்டால் அது கொன்றதற்கு சமம் ஆகிவிடும்" என்று கூறினார். அதன் பிறகு அர்ஜுனன் யுதிஷ்டிரனை தகாத வார்த்தைகளால் கண்டபடி திடிவிட்டான். அவ்வாறு திட்டி விட்ட பிறகு அர்ஜுனான் மிகவும் மனவருத்தம் அடைந்தான்.

அர்ஜுனன் கூறினான் "கிருஷ்ணா, எனது பாசத்திற்குரிய அண்ணனை நான் கண்டபடி திட்டிவிடேனே, இதற்க்கு மேல் என்னால் உயிரோடு இருக்க முடியாது, இப்போதே தீயை மூட்டி தற்கொலை செய்து கொள்வேன்" என்று அர்ஜுனன் தற்கொலை செய்து கொள்வதற்காக தயாரானான். அப்போது கிருஷ்ணர் அர்ஜுனனைத் தடுத்தார்.

கிருஷ்ணர் கூறினார் "அர்ஜுனா, நீ உன்னை பற்றி தற்பெருமைகளைப் பேசு.
உன்னுடைய பெருமைகளை எல்லாம் எடுத்துக்கூறி ஆணவமாக பேசு, அது தற்கொலை செய்து கொண்டதற்கு சமம் ஆகும்." அதன் பிறகு அர்ஜுனன் தன்னை பற்றி தற்பெருமைகளை எடுத்து கூறினான். கடைசியில் அர்ஜுனனும், யுதிஷ்டிரனும் மன ஆறுதல் அடைந்து ஒற்றுமையாக ஆனார்கள்.

ஒருவனை தரக்குறைவாக பேசுவது அவனை கொல்வதற்கு சமம் என்றும், ஒருவன் தன்னை பற்றி தானே தற்பெருமை பேசுவது அவனின் தற்கொலைக்குச் சமம் என்றும் கிருஷ்ணன் அப்போது அர்ஜுனனுக்கு கூறினார்.

by உதயசுதா Tue Apr 19, 2011 1:24 pm

அனைவரும் தெரிந்து கொள்ள வேண்டிய தகவல் சக்தி,நன்றி

by ANTHAPPAARVAI Tue Apr 19, 2011 3:51 pm

அருமையான தகவல் நண்பா!
பாராட்டுக்கள். மகிழ்ச்சி

ஆனால்,
ஒருவனைப் பற்றி மற்றவர்கள் சொல்வது வெறும் பாராட்டு மட்டுமே. ஏனென்றால், நம்மால் என்ன முடியம், நமக்கு என்ன தெரியும் என்பது மற்றவர்களை விட நமக்குத்தானே அதிகம் தெரியும். எனவே தற்பெருமை சில இடங்களில் தேவைதான். 'இதை எல்லாம் நான் செய்தேன்', 'இதை எல்லாம் என்னால் செய்ய முடியும்' என்று சொல்வது தவறாகாது. ஆனால், 'இதை என்னைத்தவிர, வேறு யாராலும் செய்ய முடியாது' என்று சொல்வது தான் ஆணவம். இதுதான் ஒருவனுக்கு அழிவைத்தரும்.

கற்றவர்கள்(அறிவாளிகள்) முன்னிலையிலும், மன்னர் சபையிலும் ஒருவன் தன்னைப் பற்றியும், தனது பெருமைகள் பற்றியும் தானே சொல்லிக் கொள்ளலாம் என்று "தொல்காப்பியம்" சொல்கிறது....!

நன்றி!

"அந்தப்பார்வை"

by மகா பிரபு Wed Apr 20, 2011 8:53 am

குயிலன் கருத்துக்கள் ஏற்புடையதாக உள்ளது.
ஒரு ஆசிரியர் தன் மாணவர்களிடம் தன் திறமையை கண்டிப்பாக பெருமையாக பேச வேண்டும். அப்போது தான் ஆசிரியர் திறமையானவர் என்ற எண்ணம் மாணவர்களிடம் ஏற்படும். இல்லையென்றால் ஆசிரியர் திறமையற்றவர் என்ற எண்ணம் மாணவர்களிடம் ஏற்படும்.

by Sponsored content

தற்பெருமையின் விளைவு

தற்பெருமையின் விளைவு

Re: தற்பெருமையின் விளைவு

Re: தற்பெருமையின் விளைவு

Re: தற்பெருமையின் விளைவு

Re: தற்பெருமையின் விளைவு