குரோமோசோம் குறைபாட்டால் பாதிக்கப்பட்ட பெண்ணுக்கு ஆரோக்கியமான குழந்தை! மருத்துவ ஆச்சரியம்

குரோமோசம் கோளாறினால் பாதிக்கப்பட்ட ஒரு பெண் கருப்பை மாற்று சத்திர சிகிச்சை செய்து கொண்டதன் பலனாக தற்போது ஆரோக்கியமான ஒரு பெண் பிள்ளையைப் பெற்றெடுத்துள்ளார்.

இந்தப் பெண் குழந்தைக்கு விக்டோரியா என்று பெயரிடப் பட்டுள்ளது.

தாய்க்கு இருந்தது போன்ற பாதிப்புக்கள் எதுவும் பிள்ளைக்குக் கிடையாது என்று டாக்டர்கள் தெரிவித்துள்ளனர்.

39 வயதான கேரின் திரியொட் என்ற பெண்ணுக்கு அவரின் இரட்டைச் சகோதரியின் கருப்பையே பொருத்தப்பட்டது.2009ல் இந்தக் கருப்பை மாற்று சத்திர சிகிச்சை இடம்பெற்றது. கருத்தரிப்பு இயல்பாகவே இடம்பெற்றது.

6 இறாத்தலும் 3 அவுன்ஸும் எடை கொண்ட ஆரோக்கியமான குழந்தைப் பிறந்துள்ளது. தனியார் மருத்துமனை ஒன்றில் மார்ச் மாதம் எட்டாம் திகதி இந்தப் பிரசவம் நடந்துள்ளது. தாயும் குழந்தையும் பூரண ஆரோக்கியத்துடன் உள்ளதாக டாக்டர்கள் அறிவித்துள்ளனர்.

கேரின் திரியொட் 15 வருடங்களாக செயற்கை கருத்தரிப்புக்கு முயன்றும் அது சாத்தியமாகவில்லை.பிறவிக் கோளாறான குரோமசம் காரணமாக இவருக்கு கருப்பை இருக்க வில்லை.

2500ல் ஒருவருக்கு என்ற ரீதியில் இது பெண்களைப் பாதிக்கும் ஒரு பிரச்சினையாகும். “ டேர்னர் சின்ட்ரம் ” என இது அடையாளம் காணப்படுகின்றது.

பெண்களில் காணப்படும் இரண்டு குரோமசம்களில் ஒன்று முற்றாகவோ அல்லது பகுதியாகவோ இல்லாமல் போகும் நிலையே இதுவாகும். உடலில் இனப்பெருக்க கலங்கள் விருத்தியாகின்றபோதே இந்தப் பிரச்சினை ஏற்படுகின்றது.

இவரின் இரட்டைச் சகோதரிக்கும் குரோமசம் பிரச்சினை காணப்பட்ட போதிலும், அவருக்குக் கருத்தரிப்பதில் பிரச்சினை இருக்கவில்லை. ஏற்கனவே அவருக்கு இரு பிள்ளைகள் உள்ளனர்.

இந்நிலையிலேயே அவர் தனது கருப்பையை தனது இரட்டைச் சகோதரிக்கு தானமாக வழங்க முன்வந்தார். 2009 ஆகஸ்டில் கருப்பை மாற்று சத்திர சிகிச்சை வெற்றிகரமாக இடம்பெற்றது.

இருவரும் இரட்டைச் சகோதரிகள் என்பதால் மருத்துவ ரீதியான எந்தப் பிரச்சினையும் இருக்கவில்லை. “டேர்னர் சின்ட்ரம்” உள்ள இரட்டைச் சகோதரிகளுக்கிடையில் கருப்பை மாற்று சத்திர சிகிச்சை இடமபெற்றமை உலகில் இதுவே முதற்தடவையாகும்.

அது மட்டுமன்றி ஐரோப்பாவில் மேற்கொள்ளப்பட்ட முதலாவது கருப்பை மாற்று சத்திர சிகிச்சையும் இதுவேயாகும். இந்த வெற்றிகரமான சிகிச்சையின் பலனாகவே ஆரோக்கியமான பெண் குழந்தையொன்றை அவர் பிரசவித்துள்ளார்.


function random_banner(){
var i=0;
banners = new Array();
banners[0] = '';
banners[1] = '';

banners[2] = '';

today = new Date();
i=today.getSeconds();
n=banners.length;
return banners[i-Math.round((i-1)/n)*n];
}

ccn