ஓட்டு எண்ணும் மையங்களுக்கு 24 மணி நேரமும் துப்பாக்கி போலீஸ் பாதுகாப்பு

by **சிவா** Fri Apr 15, 2011 9:25 am

வாக்குப்பதிவு எந்திரங்களை அறைகளில் வைத்து பூட்டி சீல் வைத்தனர்
ஓட்டு எண்ணும் மையங்களுக்கு 24 மணி நேரமும் துப்பாக்கி போலீஸ் பாதுகாப்பு
`வெப்' கேமரா மூலம் கண்காணிக்கப்படுகிறது

வாக்குப்பதிவு எந்திரங்கள் வைக்கப்பட்டுள்ள மையங்கள் பூட்டி `சீல்' வைக்கப்பட்டு உள்ளன. அங்கு 24 மணி நேரமும் துப்பாக்கி ஏந்திய போலீஸ் பாதுகாப்பு போடப்பட்டு உள்ளது. அந்த இடங்கள் `வெப்' கேமரா மூலம் கண்காணிக்கப்படுகின்றன.

வாக்குப்பதிவு எந்திரங்கள்

தமிழகத்தில் உள்ள 234 தொகுதிகளிலும் நேற்று முன்தினம் ஒரே கட்டமாக வாக்குப்பதிவு நடந்து முடிந்தது. ஓட்டுப் பதிவு முடிந்ததும், மின்னணு வாக்குப்பதிவு எந்திரங்கள் `சீல்' வைக்கப்பட்டு. வாக்கு எண்ணிக்கை நடைபெறும் மையங்களுக்கு பலத்த பாதுகாப்புடன் கொண்டு செல்லப்பட்டன. நேற்று அதிகாலை வரை இந்த பணி நடைபெற்றது.

அங்கு அவை பத்திரமாக வைக்கப்பட்டு இருக்கின்றன.

துப்பாக்கி போலீஸ் பாதுகாப்பு

வாக்குப்பதிவு எந்திரங்கள் வைக்கப்பட்டு இருக்கும் அறைகள் பூட்டி `சீல்' வைக்கப்பட்டு உள்ளன. அந்த கட்டிடங்களுக்கு எந்திர துப்பாக்கி ஏந்திய போலீசார் பாதுகாப்புக்கு நிறுத்தப்பட்டு உள்ளனர். அவர்கள் 24 மணி நேரமும் விழிப்புடன் இருந்து பாதுகாப்பு பணியை மேற்கொள்வார்கள்.

மேலும் அந்த அறைகளின் முன்பு வெப் கேமரா பொருத்தப்பட்டு உள்ளது. இதன் மூலம், மாவட்ட தேர்தல் அதிகாரிகள் தங்கள் அறையில் இருந்தபடியே, எந்த நேரமும் அந்த இடத்தை கண்காணிக்க முடியும். வாக்கு எண்ணிக்கை நடைபெறும் மே 13-ந் தேதி வரை இந்த பாதுகாப்பு நீடிக்கும்.

வேட்பாளர்கள் விருப்பப்பட்டால், மின்னணு எந்திரங்கள் வைக்கப்பட்டுள்ள எண்ணும் மையங்களுக்கு சென்று பார்வையிடலாம். வேறு யாருக்கும் அனுமதி கிடையாது.

தினதந்தி

by மஞ்சுபாஷிணி Fri Apr 15, 2011 9:53 am

அருமை அருமை.... இம்முறை எதிர்ப்பார்ப்பும் கொஞ்சம் அதிகமாகும் மக்களுக்கு..... யார் ஆட்சி பிடிப்பார் இம்முறை என்று.....

அன்பு நன்றிகள் சிவா பகிர்வுக்கு....