CNN உலக நாயகன் 2010 - நாராயணன் கிருஷ்ணன்

venugopal567 · venugopal567 Thu Apr 07, 2011 12:21 pm

நாம் அவர்களை தினம் தினம் கடந்துப்போகிறேம்.நடைபாதைகளில், தெருவோரங்களில்,பெரிய சிமெண்ட் தண்ணீர் குழாய்களில். அவர்கள் வாழ்வு சின்ன சலனத்தை ஏற்படுத்துகிறது .அந்த கணமே அடங்கிப்போய்விடும் அந்த சலனங்களில் தொலைந்துபோய்விடுகிறது பெரிய ஒரு மாற்றத்திற்கான வித்து. நம்முடைய அவசரகதி வாழ்வில் நாம் அவர்களை கடந்துப்போய்விடுகிறோம்.அவர்கள் எப்போதுமே நம் வாழ்வின் உள்ளே வருவதேயில்லை. நாராயணன் கிருஷ்ணன் அவர்களை கடந்துபோய்விடவில்லை.அவர் மனதில் எழுந்த சலனம் மனசாட்சியியை உலுக்கிவிட்டது

CNN உலக நாயகன் 2010 - நாராயணன் கிருஷ்ணன் Krish3

CNN உலக நாயகன் 2010 - நாராயணன் கிருஷ்ணன் Krish3

கிருஷ்ணன் ஒரு ஐந்து நட்சத்திர ஹோட்டலில் செஃப்.விருது பெற்ற செஃப். அவரின் திறமைக்குக்கிடைத்த அங்கீகாரமாக சுவிஸ்சர்லாந்தில் வேலைகிடைக்க ,அதில் சேருவதற்கு முன் மதுரையிலிருக்கும் தன் பெற்றோரை சந்திக்க செல்கிறார் கிருஷ்ணன்.அவர் வாழ்வையே புரட்டிப்போடுகிறது அந்தப் பயணம். மதுரையில் தெருவோரத்தில் ஆதரவு யாரும் அற்ற ஒரு முதியவர் பசியின் கொடுமையில் தன் கழிவை தானே உண்ணும் அவலத்தை கண்ட கிருஷ்ணன் அதிர்ந்து போகிறார். அவரால் கடந்துப்போகமுடியவில்லை. தன் சுஸ்சர்லாந்து வேலையை உதறுகிறார். தன் வாழ்வின் பணி அவருக்கு புரிகிறது. தினமும் அந்த முதியவருக்கு தன் கையாலேயே உணவு தயாரித்து தருகிறார். மெல்ல தன் சேமிப்பை கொண்டு மதுரையை சுற்றி இருக்கும் ஆதவற்றவர்களுக்கு தினமும் உணவளிக்கிறார். இப்படி 2002ல் தொடங்க்கியது இவரது அக்க்ஷயா.

CNN உலக நாயகன் 2010 - நாராயணன் கிருஷ்ணன் Krish2

CNN உலக நாயகன் 2010 - நாராயணன் கிருஷ்ணன் Krish2

அதிகாலை 4 மணிக்கு எழுந்து காலை உணவு தயாரிப்பதில் தொடங்குகிறது இந்த முன்னால் நட்சத்திர ஹோட்டல் செஃபின் காலைபொழுது.தயாரித்த உணவை வேனில் ஏற்றிக்கொண்டு மதுரை சுற்றி வருகிறார் கிருஷ்ணன்.பல நேரங்களில் மனநலம் குன்றிய நிராதரவானவர்களுக்கு தானே ஊட்டிவிடுகிறார் கிருஷ்ணன். தன் சிறிய அக்க்ஷயா கூடத்திற்கு திரும்பும் கிருஷ்ணன் மத்திய சாப்பாட்டை தயாரிக்கிறார்.மீண்டும் மதுரை சுற்றி உணவு வழங்கும் பயணம். மத்தியம் கொஞ்சம் ஓய்வு மீண்டும் இரவு சாப்பாட்டிற்கான தயாரிப்பு. மீண்டும் தன் சகோதர்களை தேடி ஒரு பயணம்.அந்த இரவு அவரின் உடலும் ஆன்மாவும் நிம்மதியாக உறங்குகிறது.

CNN உலக நாயகன் 2010 - நாராயணன் கிருஷ்ணன் KRISH4

CNN உலக நாயகன் 2010 - நாராயணன் கிருஷ்ணன் KRISH4

ஆரம்பத்தில் தயக்கம் காட்டிய இவரது குடும்பம் இப்பொழுது இவரது பின்னே. தன் தாயை ஒரு நாள் தன்னுடன் அழைத்துச்சென்றார். வீடுதிரும்பிய பொழுது அவரின் மனதில் ஒரு பெரும் மாற்றம். “ நீ அவர்களை கவனித்துக்கொள் நான் உன்னை கவனித்துக்கொள்கிறேன்” என்றிருக்கிறார் கிருஷ்ணனின் தாய். அக்க்ஷயா அறக்கட்டளை 1.5 மில்லியன் உணவு பொட்டலங்களை ஒரு தினம் கூட தவறாமல் இது வரை தந்து இருக்கிறது. ஆதவற்றவர்களுக்காக ஒரு இல்லம் கட்டுவது நாராயணன் கிருஷ்ணனின் கனவு.

CNN உலக நாயகன் 2010 - நாராயணன் கிருஷ்ணன் Krish1