மும்பையில் இருந்து விமானத்தில் வந்து சேலத்தில் வாக்களித்த திருநங்கைகள்

தாமு · தாமு Thu Apr 14, 2011 6:14 am

சேலம் : மும்பையில் இருந்து விமானம் மூலம் பறந்து வந்த திருநங்கைகள் நேற்று சேலத்தில் வாக்களித்தனர். சேலம் சூரமங்கலம் பகுதியில் நு£ற்றுக்கும் மேற்பட்ட திருநங்கைகள் உள்ளனர். இவர்களில் பலர் முதல்முறையாக வாக்களிக்கும் உரிமை பெற்றுள்ளனர். நேற்று நடந்த சட்டபேரவை தேர்தலில் வாக்களிக்க திருநங்கைகள் மும்பையில் இருந்து விமானத்தில் சேலத்திற்கு வந்தனர். வாக்களித்த பின்பு அவர்கள் ஜனநாயக கடமையாற்ற வந்ததாக தெரிவித்தனர்.

சேலம் மெய்யனு£ர் ஊராட்சி ஒன்றிய துவக்கப்பள்ளியில் அமைக்கப்பட்டிருந்த வாக்குசாவடியில் திருநங்கைகளான சுதா, மந்திரா, ரசிகா ஆகியோர் நேற்று பகல் 3 மணிக்கு வாக்களித்தனர். பின்னர் அவர்கள் கூறியதாவது: மும்பையில் சைன் கோலிவா பகுதியில் உள்ள மாரியம்மன் கோயில் திருவிழாவிற்காக சேலத்தில் இருந்து சென்றிருந்தோம். இன்று தமிழகத்தில் தேர்தல் நடப்பதையொட்டி ஜனநாயக கடமையை நிறைவேற்றுவதற்காக மும்பையில் இருந்து விமானம் மூலம் பெங்களூர் வந்தோம்.

பின்பு கார் மூலம் சேலம் வந்து வாக்களித்தோம். மம்தா, ஆனந்தி, ரதி, சாருலதா, கண்ணகி, சுமித்ரா உள்பட 10 பேர் உடையாபட்டி, அன்னதானப்பட்டி ஆகிய வாக்குசாவடிகளில் வாக்குகளை பதிவு செய்துள்ளனர். இவ்வாறு திருநங்கைகள் தெரிவித்தனர். திருநங்கைகள் பெண் பாலினத்தில் சேர்க்கப்பட்டிருந்ததால் பெண்கள் பகுதிக்கு சென்று வாக்களித்தனர். இதே போல் நகரின் பல்வேறு பகுதிகளிலும் திருநங்கைகள் வாக்களித்தனர்.

dinakaran