இழுத்துவிட்ட விமல் இருண்டு போன கதிர்!

இழுத்துவிட்ட விமல்
இருண்டு போன கதிர்!

தெனாவட்டு என்ற வெற்றிப்படத்திற்கு பின் அடுத்த படம் கிடைக்காமல் அல்லாடிக் கொண்டிருக்கிறார் அப்படத்தின் டைரக்டர் கதிர். இடையில் விமலிடம் ஒரு கதையை சொல்லி கால்ஷீட்டும் வாங்கியிருந்தாராம். ஆனால் நல்ல தயாரிப்பாளர் கிடைக்காமல் தள்ளிப் போய் கொண்டே இருந்தது இந்த படம்.

இடையில் கதிரை சந்தித்த விமல், என் கால்ஷீட்டை வச்சு பணம் புரட்ட முடிஞ்சா நீங்களே சொந்தமா படம் எடுக்கலாமே என்று ஐடியா கொடுக்க, புரட்யூசர் கனவில் மிதந்தார் கதிர். அதற்கேற்றார் போல நாலு கோடி பைனான்ஸ் தரவும் முன் வந்தாராம் பிரபல தயாரிப்பாளர் ஜபக்.

விமலிடம் சம்பளம் பேச வேண்டுமே? கதிர் கேட்டபோது, உங்ககிட்ட போய் சம்பளமா. பார்த்துக்கலாம். முதல்ல படத்தை ஆரம்பிங்க என்றாராம். இவ்வளவு நல்ல மனுஷனா இருக்காரே... என்று வியந்த கதிர், சந்தோஷமாக கிளம்பினார் மதுரைக்கு. படத்தில் முக்கியமான காட்சியான ஒரு திருவிழா காட்சியை படம் பிடிக்கதான் இந்த பயணம்.

செட் போட்டு ஜுனியர் ஆர்ட்டிஸ்டுகளுக்கு சம்பளம் கொடுத்து எடுக்க வேண்டும் என்றால் கோடிக்கணக்கில் ஆகும் என்பதால் நிஜ திருவிழாவையே நான்கு நாட்கள் தங்கியிருந்து எடுத்து வந்துவிட்டாராம் கதிர். வந்தபின்தான் வில்லங்கமே என்கிறார்கள் இந்த விஷயத்தை கூர்ந்து நோக்குகிறவர்கள்! படப்பிடிப்பு ஆரம்பம் ஆகிவிட்டது என்றதும்தான் தனது சம்பளத்தை பற்றியே பேச ஆரம்பித்தாராம் விமல். 55 லட்சம் கொடுத்திருங்க என்று இவர் கேட்க அதிர்ச்சிக்குள்ளானாராம் கதிர்.

விமல் இல்லையேல் நாலு கோடி பைனான்ஸ் உத்தரவாதமில்லை. 55 லட்சம் தரவில்லை என்றால் விமல் கால்ஷீட்டே உத்தரவாதமில்லை. இந்த நிலையில் முன் வச்ச கேமிராவை பின் வைக்க மனமில்லாமல் புறப்பட்டு விட்டார் கதிர்!

இதுதாங்க சினிமா...
நன்றி
TMT