பாரதியே மீண்டும் வா!

by puthuvaipraba Tue Apr 12, 2011 6:44 am

பாரதி!
நீ இம்மண்ணில்
வாழ்ந்துவிட்டுப்போய்
எத்தனை ஆண்டுகள் ஆயிற்று?
ஆனால். . . அதற்குள்
இங்கு
தமிழுணர்வு வற்றிப்போயிற்று

மொழி உணர்வற்று
இன உணர்வற்று
வாழ்கிறார்கள் வாழ்க்கையை
"வேடிக்கை மனிதர்கள்"

தன் உறவுகளை
படுகொலை செய்யும்
பாதகனுக்கு
பல்லக்குத் தூக்கவும்
பட்டாடைப் போர்க்கவும்
பழகிக்கொண்டான் தமிழன்

எது?
"தானாடாவிட்டாலும் தன் தசையாடுமே"
என்றா கேட்கிறாய்?
அது சொரணை உள்ளவனுக்கு. . .
தமிழனுக்கில்லை.

சரி! பாரதி!
இந்த கலியுகம் உருக்கி
புதுயுகம் படைக்க
புறப்பட்டுவரும்
வழி ஏதேனும் தேடு
வந்து-
"தனியொருவனுக்கு உணர்வில்லையெனில்
இந்த சகத்தினை அழித்திடுவோம்"
என்று திருத்திப் பாடு !

-புதுவைப்பிரபா-

by varsha Tue Apr 12, 2011 7:00 am

அற்புதமான வரிகள் பாரதியே மீண்டும் வா! 224747944

by ANTHAPPAARVAI Tue Apr 12, 2011 7:08 am

(ஆனா உடனே ஓடிட்டிங்களே.....)

by கலைவேந்தன் Tue Apr 12, 2011 12:07 pm

சர்க்கரைப்பொங்கல் போல் இனிமையான கவிதை... இடையில் நிரடும் சில கற்களைத் (அது சொரணை உள்ளவனுக்கு. . .
தமிழனுக்கில்லை.) தவிர்த்துப் பார்த்தால் மிகவும் அருமையான சர்க்கரைப் பொங்கல்...

பாராட்டுகக்ள் பிரபா.. சூப்பருங்க

by முரளிராஜா Tue Apr 12, 2011 12:15 pm

உங்கள் உணர்வை என்னால் புரிந்துகொள்ள முடிகிறது.
வாழ்த்துக்கள்
இருப்பினும் மொத்த தமிழனுக்குமா சொரனை இல்லை?

by **சிவா** Tue Apr 12, 2011 4:30 pm

///"தனியொருவனுக்கு உணர்வில்லையெனில்
இந்த சகத்தினை அழித்திடுவோம்"
என்று திருத்திப் பாடு !///

தனியொருவன் முத்துக்குமார் தீக்குளித்ததன் பயன்தான் என்ன? அதிகாரத்தில் உள்ளவர்கள் உணர்வற்றவர்களாக இருப்பதால் அனைத்துத் தமிழனையும் குறை சொல்ல முடியாதுதானே!

by puthuvaipraba Wed Apr 13, 2011 6:31 am

பாராட்டு தெரிவித்த அனைத்து சுவைஞர்களுக்கும் உளங்கனிந்த நன்றி. சொரணை பற்றிய உங்களின் (மதிப்பிற்குரிய சிவா, கலை மற்றும் முரளிராசா) கோவம் எப்படி நியாயமாக படுகிறதோ அதேபோன்று கனத்த மனத்தோடு எழுதிய வரிகளின் வார்த்தை பிரயோகமும் எனக்கு நியாயமாகவே படுகிறது.