பாதுகாப்பானதா? தமிழக அரசின் விமானம்

by **சிவா** Fri Sep 04, 2009 9:33 pm

ஆந்திர முதல்வர் ராஜசேகர ரெட்டி பயணம் செய்த ஹெலிகாப்டர் விபத்துக்குள்ளானதைத் தொடர்ந்து, தமிழக அரசுக்குச் சொந்தமான "செஸ்னா' விமானம் பாதுகாப்பான பயணத்துக்கு உகந்ததா? என்று கேள்வி எழுந்துள்ளது.

இந்த "செஸ்னா' விமானம், சுமார் 18 ஆண்டுகளுக்கு மேல் பழமையாகிவிட்டது என்பதும், கடந்த 1997-ல் இந்த விமானத்தை விற்க முடிவு செய்தும், வாங்க யாரும் முன்வராததும் இங்கே குறிப்பிடத்தக்கது.

தமிழக அரசுக்குச் சொந்தமாக "பெல்-412 இபி' ரக ஹெலிகாப்டரும், "செஸ்னா' என்ற சிறிய ரக விமானமும் உள்ளது. ஹெலிகாப்டர் மற்றும் சிறிய ரக விமானத்தைப் பராமரிக்கும் பொறுப்பை தமிழ்நாடு முன்னாள் ராணுவ வீரர் கழக நிறுவனம் மேற்கொண்டு வருகிறது. இது முதல்வரின் பொதுத் துறையின் கீழ் வருகிறது.

செஸ்னா' விமானம், 1991-1996 வரை ஜெயலலிதா முதல்வராக இருந்தக் காலக்கட்டத்தில் ரூ.20 கோடியில் வாங்கப்பட்டதாகும். அரசு விழாக்களில் பங்கேற்பதற்கு இந்த விமானத்தைத்தான் பயன்படுத்தி வந்தார்.

அதைத்தொடர்ந்து திமுக ஆட்சி பொறுப்பேற்றதும், விமானத்தைப் பராமரிக்க செலவு அதிகம் பிடிப்பதால் விற்கப்போவதாக அப்போதைய முதல்வர் கருணாநிதி அதிரடியாக அறிவித்தார். சுமார் ரூ. 20 கோடிக்கு விலை வைத்து விற்க முடிவு செய்யப்பட்டது. அந்தப் பணத்தில் ஆம்புலன்ஸ் வாகனங்கள் வாங்கப்படும் எனவும் அறிவிக்கப்பட்டது. ஆனால், விமானத்தை வாங்குவதற்கு யாரும் முன்வரவில்லை.

அதன்பிறகு 2006 வரை முதல்வராக இருந்த ஜெயலலிதா, "செஸ்னா' விமானத்தைப் பயன்படுத்தி வந்தார்.

இதன்பின் திமுக ஆட்சி பொறுப்பேற்றதும், "செஸ்னா' விமானம் பயன்படுத்தப்படாமல் சென்னை மீனம்பாக்கம் விமான நிலையத்தில் நிறுத்திவைக்கப்பட்டுள்ளது.

ஆந்திர முதல்வர் ராஜசேகர ரெட்டி பயணம் செய்த ஹெலிகாப்டர், விண்ணில் பறப்பதற்கான தகுதிச் சான்றிதழைப் பெறவில்லை எனத் தெரிவிக்கப்பட்டுள்ளது.

தமிழக அரசின் சிறிய ரக விமானம் பயன்படுத்தப்படாமல் உள்ள நிலையில், இதுபோன்று சான்றிதழ் பெறப்பட்டுள்ளதா என்பது பற்றி தகவல் தெரிவிக்க அதிகாரிகள் மறுக்கின்றனர்.

அவ்வப்போது, விமானத்தில் பராமரிப்புப் பணிகள் நடப்பதாக மட்டும் அதிகாரிகள் தெரிவிக்கின்றனர்.

by மீனு Fri Sep 04, 2009 10:08 pm

ஆந்திர முதல்வர் ராஜசேகர ரெட்டி பயணம் செய்த ஹெலிகாப்டர், விண்ணில் பறப்பதற்கான தகுதிச் சான்றிதழைப் பெறவில்லை எனத் தெரிவிக்கப்பட்டுள்ளது

முதல்வர் செல்லும் விமானத்துக்கே இந்த நிலையா ??

by **சிவா** Fri Sep 04, 2009 10:49 pm

meenuga wrote:ஆந்திர முதல்வர் ராஜசேகர ரெட்டி பயணம் செய்த ஹெலிகாப்டர், விண்ணில் பறப்பதற்கான தகுதிச் சான்றிதழைப் பெறவில்லை எனத் தெரிவிக்கப்பட்டுள்ளது

முதல்வர் செல்லும் விமானத்துக்கே இந்த நிலையா ??

இந்தியா ஏழை நாடுதானே அப்படித்தான் இருக்கும். ஆனால் அவரின் சொந்தப் பணத்தில் ஒரு விமானப் படையே உருவாக்கலாம்!

by நிலாசகி Fri Sep 04, 2009 10:53 pm

விதி யாரை விட்டது..........விதிக்கு தெரியுமா அவர் தொழில்நுட்ப துறை மற்றும் விவசாயத்துறையின் முடிசூடா மன்னனாக திகழும் ஆந்திர மாநிலத்தின் முதலமைச்சர் என்று!

முடிஞ்சா பெறகு மாநாடு போடுவானுங்க...என்னடா வரலைனு பாத்தேன் அந்த செய்தியும் வந்து விட்டது "ஜோதிடர்கள் அவரை எச்சரித்தனராம் பொது மீட்டிங் செல்லாதீர்கள் என்று?"