தேவகோட்டை அருகே காரில் சென்ற தந்தை, மகனை தாக்கி 5 பவுன் நகை, பணம் பறிப்பு

by **சிவா** Fri Sep 04, 2009 9:00 pm

தேவகோட்டை:காரில் சென்ற தந்தை, மகனை வழிமறித்து தாக்கி 5 பவுன் நகை, ரூ.50 ஆயிரத்தை பறித்துக் கொண்டு தப்பிய மர்ம கும்பலை போலீசார் தேடி வருகின்றனர்.

தேவகோட்டை அருகே தாணிச்சாவூரணி பகுதியை சேர்ந்தவர் சுந்தரராஜன் (68). இவரது மகன் இமயவரம்பன் (28). லண்டனில் பணிபுரிகிறார். இவரது தங்கை திருமண செலவுக்கு, தேவகோட்டையில் உள்ள தனியார் வங்கியில் பணம் எடுப்பதற்காக இமயவரம்பன், தந்தை சுந்தரராஜடன் நேற்று முன்தினம் மாலை காரில் வந்தார். வங்கியில் பணத்தை எடுத்துக்கொண்டு தந்தையும், மகனும் காரில் சென்று கொண்டிருந்தனர்.

தாணிச்சாவூரணி அருகே சென்றபோது 6 பேர் கொண்ட கும்பல் காரை வழிமறித்து நிறுத்தியது. தந்தையும் மகனையும் சரமாரியாக தாக்கி ரூ.50ஆயிரம் பணம் மற்றும் 5 பவுன் நகையை பறித்துக் கொண்டு தப்பி ஓடிவிட்டது. இதுதொடர்பாக ஆறாவயல் காவல் நிலையத்தில் புகார் செய்யப்பட்டது. போலீசார் வழக்குப்பதிவு செய்து, தப்பி ஓடிய மர்ம கும்பலை தேடி வருகின்றனர்.

மற்றொரு சம்பவம்: சிங்கம்புணரியில், இரவில் நடந்து சென்ற பெண்ணிடம் முகமூடி கொள்ளையர் 3 பவுன் நகையை பறித்துச் சென்றனர்.

சிங்கம்புணரி பாரதிநகரை சேர்ந்தவர் சேவுகமூர்த்தி. எலக்ட்ரீசியனாக உள்ளார். இவரது மனைவி சித்ரா (30). தனியார் பள்ளியில் ஆயா வேலை செய்து வந்தார். நேற்று முன்தினம், உறவினரின் திருமண நிகழ்ச்சிக்கு சென்றுவிட்டு இரவு 9 மணியளவில், சிங்கம்புணரி பழைய தீயணைப்பு நிலையம் வழியாக வந்து கொண்டிருந்தார். அப்போது, டூவீலரில் வந்த முகமூடி கொள்ளையர் இருவர், சித்ராவின் கழுத்தில் கிடந்த 3 பவுன் செயினை பறித்துக் கொண்டு தப்பினர். புகாரின்பேரில், சிங்கம்புணரி போலீசார் விசாரிக்கின்றனர்.

by மீனு Fri Sep 04, 2009 10:15 pm

நாடு என்னதான் முன்னேறினாலும் ..இந்த திருட்டை ஒழிக்க முடியலையே.. சோகம்

by நிலாசகி Fri Sep 04, 2009 10:28 pm

by **சிவா** Fri Sep 04, 2009 10:34 pm

உடல் உழைப்பின்றி சம்பாதிக்க நினைக்கும் கோழைகளின் செயல் இது!

by மீனு Fri Sep 04, 2009 10:36 pm

சிவா wrote:உடல் உழைப்பின்றி சம்பாதிக்க நினைக்கும் கோழைகளின் செயல் இது!

அது மட்டுமில்லை..மற்றவங்க கஷ்டத்தை நினைக்க மறுக்கும் மனிதனாக பிறந்த மிருகங்க

by நிலாசகி Fri Sep 04, 2009 10:38 pm

சிவா wrote:உடல் உழைப்பின்றி சம்பாதிக்க நினைக்கும் கோழைகளின் செயல் இது!

யார சொல்றீங்க வேற யாருக்கோ மாதிரி இருக்கு

by **சிவா** Fri Sep 04, 2009 10:40 pm

நிலாசகி wrote:
சிவா wrote:உடல் உழைப்பின்றி சம்பாதிக்க நினைக்கும் கோழைகளின் செயல் இது!
யார சொல்றீங்க வேற யாருக்கோ மாதிரி இருக்கு

திருடர்களுக்குத்தான் சொன்னேன்! வேறு யாருக்கும் பொருந்தாது நிலாபா!

by நிலாசகி Fri Sep 04, 2009 10:44 pm

சிவா wrote:
நிலாசகி wrote:
சிவா wrote:உடல் உழைப்பின்றி சம்பாதிக்க நினைக்கும் கோழைகளின் செயல் இது!
யார சொல்றீங்க வேற யாருக்கோ மாதிரி இருக்கு

திருடர்களுக்குத்தான் சொன்னேன்! வேறு யாருக்கும் பொருந்தாது நிலாபா!

உண்மையில் திருட்டு தொழில் பரம்பரை வியாதி அரசியல்வியாதி போல.....திருடர்களில் கூட மனிதாப மானிகள் உள்ளனர் ஆனால் அரசியலில் யாரும் கிடையாது ...அப்படி இருந்தால் அவரை அமுக்கி விடுவர் சிவாநா