பக்தர்கள் வேதனை புதருக்குள் கிடக்கும் சுவாமி சிலை

**சிவா** · **சிவா** Fri Sep 04, 2009 8:55 pm

வேலூர் காகிதப்பட்டறையில் புதருக்குள் கவனிப்பாரின்றி இருக்கும் சுவாமி சிலையை பக்தர்கள் மன வேதனையுடன் பார்த்துச் செல்கின்றனர்.

வேலூர் காகிதப்பட்டறையில் பிற்படுத்தப்பட்டோர், மிகவும் பிற்படுத்தப்பட்டோர் நலத்துறை சார்பில் கட்டப்பட்ட அரசினர் மாணவிகள் விடுதி உள்ளது. இந்த விடுதியின் பின்னால் சிறிதளவு காலியிடம் உள்ளது.

விடுதிக்குச் சொந்தமான இந்த காலியிடத்தைச் சுற்றி காம்பவுண்டு சுவர் கட்டப்பட்டு உள்ளது. கடந்த சில ஆண்டுகளாக இந்த காலியிடத்தை பராமரிக்காமல் விட்டதால் செடி, கொடிகள் அதிகமாக வளர்ந்துள்ளன. இதனால் புதர் மண்டிக்கிடக்கிறது.

காம்பவுண்டு சுவருக்குள் உள்ள இந்த புதர் பகுதியில் தட்சிணாமூர்த்தி சுவாமி சிலை ஒன்று உள்ளது. சுவாமி சிலை மீதும் செடி, கொடிகள் படர்ந்துள்ளன. புதர் மண்டிக்கிடக்கும் இந்த பகுதியில் கவனிப்பாரின்றி இருக்கும் சுவாமி சிலையை பக்தர்கள் மன வேதனையுடன் பார்த்துச் செல்கின்றனர். அப்பகுதி மக்கள் சில நேரங்களில் கஷ்டப்பட்டு அங்கு சென்று, கவனிப்பாரின்றி இருக்கும் தட்சிணாமூர்த்தி சுவாமிக்கு பூஜை செய்கின்றனர்.

ஆனால் பக்தர்கள் வழிபட செல்ல முடியாத நிலையில் சுவாமி சிலை உள்ளது. எனவே சிலையை அங்கிருந்து வெளியே கொண்டுவந்து அருகில் உள்ள இடத்தில் வைத்து பொதுமக்கள் வழிபாடு செய்ய சம்பந்தப்பட்ட அதிகாரிகள் உரிய நடவடிக்கை எடுக்க வேண்டும் என்று அப்பகுதி பொதுமக்கள் எதிர்பார்க்கின்றனர்.

மீனு · மீனு Fri Sep 04, 2009 10:23 pm

சுவாமிக்கே இந்த நிலையா.. சோகம்

பக்தர்கள் வேதனை புதருக்குள் கிடக்கும் சுவாமி சிலை

பக்தர்கள் வேதனை புதருக்குள் கிடக்கும் சுவாமி சிலை

Re: பக்தர்கள் வேதனை புதருக்குள் கிடக்கும் சுவாமி சிலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக