பாலாவின் அடுத்த படம் அகங்காரன்!

by md.thamim Sun Apr 10, 2011 3:38 am

ஒரு படத்தை முடிக்க ஆண்டுக்கணக்கில் இழுத்தடிக்கும் பாலா தனது அவன் இவன் படத்தை ஒரே ஆண்டில்
முடித்து விட்டார். படத்தின் இறுதிகட்ட பணிகள் நடந்து வரும் நிலையில் பாலாவின் அடுத்த படம் பற்றிய தகவல்கள் கசியத் தொடங்கி விட்டன. அவர் இயக்கப்போகும் புதிய படத்தின் பெயர் அகங்காரன்.

இதில் நாயகனாக புதுமுகம் ஒருவரை நடிக்க வைக்க திட்டமிட்டிருக்கும் பாலா, நாயகியாக ஏற்கனவே அறிமுகமான ஒரு பிரபல நடிகையை நடிக்க வைக்கப் போகிறாராம்.

படத்தின் கதை மற்றும் தொழில்நுட்ப கலைஞர்கள் போன்ற விவரங்கள் ‌வெளியாகவில்லை. மே மாதம் அவன்
இவனை ரீலிஸ் செய்த பின்னர் அதிகாரப்பூர்வமாக அடுத்தப்பட அறிவிப்பை பாலா வெளியிடுவார் என தெரிகிறது.

இதற்கிடையில் அவன் இவன் பற்றிய ஒரு புது தகவலும் வெளியாகியிருக்கிறது.
படத்தில் ஆர்யாவின் பெயர் கும்புடுறேன் சாமி என்பதுதானாம்.
விஷாலுக்கு வால்டர் வணங்காமுடி என்று பெயர் சூட்டியிருக்கிறாராம் பாலா.

வழக்கமான பாலா படம்போல நிறைய அழுகாட்சி இல்லாமல் இந்த படத்தில் முழுக்க முழுக்க
நகைச்சுவைக்கு முக்கியத்துவம் கொடுக்கப்பட்டிருக்கிறது என்பதும் கூடுதல்
தகவல்.

நன்றி: தின மலர்