பில்லா-2 அஜித்தின் புது நாயகி

ரபீக் · ரபீக் Sat Apr 09, 2011 10:52 am

பாலிவுட்டில் அனுராக் காஷ்யப்பின் 'கேங்க்ஸ் ஆப் வாசெப்பூர்' படத்தில் நடித்தவர் ஹுமா.
அஜித்தை வைத்து பில்லா-2 படத்தை இயக்கும் சக்ரி டோலெட்டி, டெல்லியை சேர்ந்த இளம் தியேட்டர் ஆர்டிஸ்ட் ஹுமா குரேஷியை நாயகியாக நடிக்க வைக்கிறார்.

ஹுமா, பாலிவுட்டின் முன்னணி நட்சத்திர நாயகர்களான ஆமிர் கான், சல்மான் கான் ஆகியோருடன் விளம்பர படங்களில் நடித்துள்ளார்.

மும்பையின் பிரபலமான மாடலாக உள்ளார். 'தமிழில் பில்லா படத்தில் அஜித்துடன் இணைந்து நடிப்பதை என் அதிர்ஷ்டமாக நினைக்கிறேன். தமிழ் சினிமாவில் நட்சத்திர நாயகனாக உள்ள அஜித்துடன் படப்பிடிப்புக்கு செல்வது பெருமையாக உள்ளது. படத்தின் ஸ்கிரிப்டை சொன்னவுடன் ஸ்கிரிப்ட்டில் எனக்கு முக்கிய பங்கு இருப்பதையும் கூறினார். அதைக்கேட்டதும் எப்போது செட்டில் நடிக்க போவோமோ என்று ஆவல் உண்டானது.' என்கிறாராம் ஹுமா.

படத்தயாரிப்பில் சுரேஷ் பாலாஜி, ஜார்ஜ் பயஸ் ஆகியோருடன் கை கோர்த்துள்ள சுனிர் கேடர்பால், 'பில்லா படத்தில் நடிக்க சரியான நடிகை அமைய இரண்டு மாதங்கள் காத்திருந்தோம். ஹுமா, அஜித்துடன் பில்லா படத்தின் நாயகி ரோலை மிக சரியாக பண்ணுவார் என்று அவரை தேர்வு செய்தோம்.' என்கிறார்.

படத்தில் முக்கியத்துவம் வாய்ந்த நாயகி கதாபாத்திரத்துக்கு பொருத்தமான தோற்றம், நடிப்பு திறமை உள்ள ஹுமாவை நடிக்க வைக்க முடிவு செய்தோம். மெக்பூல், குர்பான் ஆகிய இந்தி படங்களுக்கு கமெராமேனாக பணியாற்றியுள்ள ஹேமந்த் சதுர்வேதி, இந்த பில்லா படத்திற்கு ஒளிப்பதிவு செய்கிறார்.யுவன் ஷங்கர் ராஜா இசையமைக்கிறார்.

மே மாதம் படத்தின் சூட்டிங் ஆரம்பமாக உள்ளது என்கிறார் டைரக்டர் சக்ரி டோலெட்டி.

https://2img.net/r/ihimizer/i/apr08hq1.jpg/