எவரெஸ்ட் சிகரத்தில் குவிந்த குப்பைகளை அகற்றும் பணியில் மலை ஏறும் குழுவினர்

by **சிவா** Fri Apr 08, 2011 9:10 am

இமய மலையின் எவரெஸ்ட் சிகரத்தின் மீது ஏறுவது 1953-ம் ஆண்டு தொடங்கியது. அது முதல் ஆயிரக்கணக்கானவர்கள் இது வரை மலை ஏறி உள்ளனர். இவர்கள் மலை ஏறிய போது பயன்படுத்திய காலி ஆக்சிஜன் பாட்டில்கள், கயிறுகள், டெண்டுகள், சாப்பிடும் பொருள்கள் ஆகியவற்றை மலையிலேயே போட்டு விட்டு இறங்கி விடுவார்கள். இதனால் மலை சிகரத்தின் அடிவாரத்தில் குப்பைகள் நிறைந்து கிடக்கின்றன. இதை தொடர்ந்து மலை ஏறுபவர்கள் தாங்கள் கொண்டு செல்லும் பொருள்களை கீழே கொண்டு வந்து விடவேண்டும். இல்லாவிட்டால், அவர்கள் மலை ஏறுவதற்காக டெபாசிட்டு செய்த பணம் திருப்பி தரப்பட மாட்டாது என்று நேபாள அரசு அறிவித்தது.

மலையில் உள்ள குப்பைகளை அகற்றுவதற்காக மலை ஏறும் குழுவை சேர்ந்த நேபாள வழிகாட்டியும் 20 முறை எவரெஸ்ட் சிகரம் ஏறியவருமான இளைஞர் ஷெர்பா அபா தலைமையில் ஒரு குழு மலை ஏறி உள்ளது.

இந்த குழு 5 ஆயிரம் கிலோ குப்பைகளை அள்ளிக்கொண்டு கீழே இறங்க இருக்கிறது. அதோடு மேலும் ஆயிரம் கிலோ குப்பைகளை 29 ஆயிரத்து 35 அடி உயரத்தில் இருந்து அகற்ற இருக்கிறது. மலை ஏறும் குழுவினருடன் போர்ட்டர்கள், வழிகாட்டிகள் ஆகியோரும் குப்பை சேகரிக்க சென்று உள்ளனர். இவர்களுக்கு ஒரு கிலோ குப்பைக்கு ரூ.100 கொடுக்கப்படும்.