நாளை ஐபிஎல்-4 திருவிழா துவக்கம்: சென்னையில் முதல் போட்டி

இந்திய கிரிக்கெட்டின் மாபெரும் திருவிழாவாக கருதப்படும் ஐபிஎல்லின், நான்காவது போட்டித் தொடர் நாளை சென்னையில் விமரிசையாக தொடங்குகிறது.


ஐபிஎல்-4வது சீசன் நாளை சென்னையில் துவங்குகிறது. இந்த சீசனில் நாளை முதல் வரும் மே மாதம் 28-ம் தேதி வரை 74 போட்டிகள் நடக்கின்றன. இம்முறை ஏற்கனவே இருக்கின்ற 8 அணிகளோடு பூனே வாரியர்ஸ் மற்றும் கொச்சி டஸ்கர்ஸ் கேரளா ஆகிய இரண்டு புதிய அணிகள் விளையாடுகின்றன. 14 லீக் ஆட்டங்கள் இருக்கும் வகையில் அட்டவணை தயாரிக்கப்பட்டுள்ளது.

10 அணிகளும் இரண்டு பிரிவுகளாகப் பிரிக்கப்பட்டுள்ளன.

ஒரு பிரிவில் மும்பை இந்தியன்ஸ், கிங்ஸ் XI பஞ்சாப், டெக்கன் சார்ஜர்ஸ், பூனே வாரியர்ஸ், டெல்லி டேர்டெவில்ஸ் ஆகிய அணிகளும், மற்றொரு பிரிவில் சென்னை சூப்பர் கிங்ஸ், ராயல் சேலஞ்சர்ஸ் பெங்களூர், ராஜஸ்தான் ராயல்ஸ், கொல்கத்தா நைட் ரைடர்ஸ், கொச்சி டஸ்கர்ஸ் கேரளா ஆகிய அணிகளும் உள்ளன.

ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா 2 முறை மோத வேண்டும். அதே நேரத்தில் அடுத்த பிரிவில் உள்ள 5 அணிகளில் ஒரு அணிக்கு எதிராக மட்டும் இரண்டு முறை விளையாட வேண்டும். மற்ற 4 அணிகளுடன் ஒரு முறை விளையாட வேண்டும்.

லீக் முடிவில் புள்ளிகள் அடிப்படையில் முதல் 4 இடங்களை பிடிக்கும் அணிகள் அடுத்த கட்டத் துக்கு செல்லும். முதலிடத்தை பிடித்த அணியும், 2-வது இடத்தை பிடித்த அணியும் மோதும். இதில் வெல்லும் அணி இறுதிப்போட்டிக்கு தகுதி பெறும். இதில் தோற்கும் அணி 3-வது மற்றும் 4-வது இடத்தை பிடித்த அணிகள் மோதும் ஆட்டத்தில் வெற்றி பெறும் அணியுடன் விளையாடும்.

இதில் வெல்லும் அணி இறுதிப்போட்டிக்கு நுழையும். சென்னை, மும்பை அணிகளை தவிர மற்ற அணிகள் பெரும்பாலான வீரர்களை மாற்றம் செய்துள்ளது. கடந்த 3 ஐபிஎல் போட்டிகளில் விளையாடிய வீரர்கள் தற்போது வெவ்வேறு அணிகளில் விளையாடுகின்றனர்.

அதிக ஏலத்தொகைக்கு போன கம்பீர் கடந்த 3 சீசனிலும் டெல்லிக்கு விளையாடினார். ஆனால் இம்முறை கொல்கத்தாவுக்காக விளையாடுகிறார். இதேபோன்று ராஜஸ்தான் அணிக்கு விளையாடிய யூசுப் பதான் தற்போது கொல்கத்தா அணியில் உள்ளார். சென்னை அணியில் இருந்த முத்தையா முரளிதரன் தற்போது கொச்சி அணியில் உள்ளார்.

இதேபோல பல வீரர்களும் வேறு அணிகளில் ஆடுகிறார்கள். கடந்த 3 ஐபிஎல போட்டிகளிலும் கேப்டனாக இருந்தவர்களில் சென்னை (டோனி), மும்பை (டெண்டுல்கர்), ராஜஸ்தான் (வார்னே) ஆகிய அணிகளில் மாற்றம் இல்லை. மற்ற அணிகளில் கேப்டன்கள் மாற்றப்பட்டுள்ளனர்.

இந்த 4-வது ஐபிஎல் திருவிழாவின் தொடக்க விழா சென்னை சேப்பாக்கம் மைதானத்தில் நாளை மாலை 6 மணி முதல் இரவு 7.20 மணி வரை நடக்கிறது. இதையடுத்து அங்கு இரவு 8 மணிக்கு சென்னை சூப்பர் கிங்ஸ் அணியும், கொல்கத்தா நைட் ரைடர்ஸ் அணியும் மோதும் முதல் போட்டி நடக்கிறது

thatstamil

இந்தமுறையும் சென்னை வெல்லுமா! பார்ப்போம்

நேர்மையுடன் திறமையாக ஆடும் அணி வெல்லும் கண்டிப்பாக....

எல்லோருக்கும் என் அன்பு வாழ்த்துக்கள்...சூப்பருங்க:

செய்தி பகிர்வுக்கு அன்பு நன்றிகள் ரஃபீக்....

சியர்ஸ் லீடர்ஸ் ஷில்பா ப்ரீத்தி ஜிந்தா தீபிக படுகோனே எல்லாம் வருவாங்களே

ஆரம்பிச்சிட்டாங்கப்பா அடுத்து ரௌண்ட !!!

சோ இப்பவே கண்ண கட்டுதே...