கொள்கையே இல்லாத கட்சி காங்கிரசு கட்சி - சீமான்

nhchola · nhchola Thu Apr 07, 2011 2:29 pm

“நாம் தமிழராய் உருவெடுப்போம் காங்கிரசை கருவறுப்போம்” என்று முழக்கமிட்டு தமிழர்களுக்கு காங்கிரஸ் கட்சி இழைத்த துரோகத்தையும் கொடுமைகளையும் ஒவ்வொரு தமிழர்களின் மனதிலும் பதியச் செய்து அக்கட்சி போட்டியிடும் அனைத்து தொகுதிகளிலும் அதை வீழ்த்த களமாடி தமிழகம் முழுவதும் சூறாவளி பிரச்சாரம் மேற்கொண்டு வருகிறது நாம் தமிழர் கட்சி மற்றும் அதன் தலைமை ஒருங்கிணைப்பாளர் செந்தமிழன் சீமான்.

அதன் தொடற்சியாக 6-4-2011 அன்று ஈரோடு, சிவகிரி, திருச்செங்கோடு ஆகிய பகுதிகளில் காங்கிரசுக்கு எதிரான பரப்புரையில் செந்தமிழன் சீமான் ஈடுபட்டார். பல்லாயிரக்கணக்கான பொதுமக்கள் திரண்டிருந்த கூட்டத்தில் உரையாற்றிய செந்தமிழன் சீமான் அவர்கள் பேசும்போது இந்த தேர்தலில் தமிழ் மக்களுக்கான வரலாற்று கடமையை நிறைவேற்ற வாய்ப்பு தந்திருக்கிறது. தமிழர்களின் மற்றுமொரு தாய் நிலமான ஈழத்தில் நடைபெற்ற 4ஆம் கட்ட இறுதி போரில் அப்பாவித் தமிழ் மக்களை கொத்துகொத்தாய் கொன்றொழித்த சிங்கள இனவெறி அரசுக்கு இரண்டு கையையும் கொடுத்து உதவி எம் இன மக்களை கொன்றொழிக்க துணை நின்ற காங்கிரஸ் கட்சிக்கு சரியான பதிலடி கொடுக்க வேண்டும். இந்த சட்டமன்ற தேர்தல் காங்கிரஸ் கட்சிக்கும் தமிழ் தேசிய இனத்திற்கும் இடையே நடைபெறும் அரசியல் யுத்தம் என்றார்.

கலைவேந்தன் · கலைவேந்தன் Thu Apr 07, 2011 3:17 pm

நன்று... பகிர்விற்கு நன்றி..!

Pugalenthi · Pugalenthi Thu Apr 07, 2011 5:26 pm

அப்பாவித் தமிழ் மக்களை கொத்துகொத்தாய் கொன்றொழித்த சிங்கள இனவெறி அரசுக்கு இரண்டு கையையும் கொடுத்து உதவி எம் இன மக்களை கொன்றொழிக்க துணை நின்ற காங்கிரஸ் கட்சிக்கு சரியான பதிலடி கொடுக்க வேண்டும். இந்த சட்டமன்ற தேர்தல் காங்கிரஸ் கட்சிக்கும் தமிழ் தேசிய இனத்திற்கும் இடையே நடைபெறும் அரசியல் யுத்தம்