ஈழத்தமிழருக்கு மகாராணி விருது – பரிந்துரை செய்த நியுசிலாந்து மீது சிறிலங்கா சீற்றம்

கண்ணன்3536 · கண்ணன்3536 Thu Apr 07, 2011 12:53 pm

[ வியாழக்கிழமை, 07 ஏப்ரல் 2011, 00:16 GMT ] [ கொழும்புச் செய்தியாளர் ]
விடுதலைப் புலிகளின் ஆதரவாளர் ஒருவருக்கு பிரித்தானிய மகாராணியின் சேவைப் பதக்கத்துக்கு பரிந்துரை செய்த நியுசிலாந்து அரசுக்கு, சிறிலங்கா அரசாங்கம் கடும் எதிர்ப்பை தெரிவித்துள்ளது.

நியுசிலாந்தில் உள்ள தமிழ்ச் சமூகத்தினருக்கு அர்ப்பணிப்புடன் பணியாற்றியதற்காக பிரித்தானிய மகாராணியின் சேவைப்பதக்கம் ஈழத்தமிழரான ஆறுமுகம் தேவராஜன் (வயது 77) என்பவருக்கு வழங்கப்பட்டது.

இந்தப் பதக்கதை பிரித்தானிய மகாராணி இரண்டாவது எலிசபெத் அண்மையில் வழங்கி கௌரவித்திருந்தார்.

நியுசிலாந்து அரசாங்கமே இவரது பெயரை இந்தப் பதக்கத்துக்குப் பரிந்துரை செய்திருந்தது.

பருத்தித்துறை ஹாட்லிக் கல்லூரியின் பழைய மாணவரான ஆறுமுகம் தேவராஜன், 1997இல் தனது மகன்களில் ஒருவர் நியுசிலாந்துக்கு புலமைப் பரிசில் பெற்றுச் சென்றதை அடுத்து அங்கு புலம்பெயர்ந்து சென்றார்.

அங்கு இவர் நியுசிலாந்து தமிழ் மாணவர்களுக்கான மனிதாபிமான நிதியம் ஒன்றை உருவாக்கி அங்குள்ள புலம்பெயர் தமிழர்களுக்கு பல்வேறு உதவிகளை வழங்கியுள்ளார்.

நியுசிலாந்தில் இருந்து நாடு கடந்த தமிழீழ அரசுக்குத் தெரிவான இரண்டு உறுப்பினர்களில் இவரும் ஒருவர்.

நாடு கடந்த தமிழீழ அரசின் உறுப்பினர் ஒருவருக்கு பிரித்தானிய மகாராணி விருது கிடைத்திருப்பது- அதுவும் நியுசிலாந்து அரசின் பரிந்துரையில் வழங்கப்பட்டிருப்பது சிறிலங்கா அரசை பெரிதும் அதிர்ச்சியடைய வைத்துள்ளது.

இந்த விவகாரம் நேற்று சிறிலங்கா நாடாளுமன்றத்திலும் எதிரொலித்தது.

ஆளும்கட்சியின் நாடாளுமன்ற உறுப்பினர் பேராசிரியர் ராஜீவ விஜேசிங்க நாடு கடந்த தமிழீழ அரசின் உறுப்பினர் ஒருவருக்கு வழங்கப்பட்டுள்ள இந்த விருது குறித்து நாடாளுமன்றத்தில் தனது கவலையைத் தெரிவித்தார்.

அதற்குப் பதிலளித்த சிறிலங்காவின் பதில் வெளிவிவகார அமைச்சர் டிலான் பெரேரா, இதுகுறித்த நியுசிலாந்து அரசுக்கு சிறிலங்காவின் கடும் எதிர்ப்பையும் கவலையும் தெரிவித்துள்ளதாக தெரிவித்தார்.

தமிழர்களுக்கு ஆற்றிய பணிக்காகவே அவருக்கு விருது வழங்கப்பட்டுள்ளதாகவும், பிரிவினைப் போராட்டத்தில் ஆற்றிய பங்களிப்புக்காக இவரது பெயர் பரிந்துரை செய்யப்படவில்லை என்று நியுசிலாந்து அரசாங்கம் விளக்கமளித்துள்ளதாகவும் அவர் கூறினார்.

ஆனால் நியுசிலாந்தின் அந்தப் பதிலை சிறிலங்கா அரசு ஏற்கவில்லை என்றும் தொடர்ந்து நிலைமைகளைக் கண்காணிப்பதாகவும் பதில் வெளிவிவகார அமைச்சர் டிலான் பெரேரா கூறினார்.

மேற்கு நாடுகள் பலவற்றுடன் சிறிலங்கா அரசாங்கம் இராஜதந்திர மோதல்களை நடத்தி வரும் நிலையில், நியுசிலாந்துடனும் தற்போது உரசல்கள் ஏற்படத் தொடங்கியுள்ளன.

உலகக் கிண்ண துடுப்பாட்டப் போட்டியின் அரையிறுதி ஆட்டத்தைக் காண கொழும்பு வருமாறு சிறிலங்கா அதிபர் விடுத்த அழைப்பை நியுசிலாந்துப் பிரதமர் நிராகரித்த விவகாரமும் சிறிலங்கா அரசுக்கு அதிருப்தியை ஏற்படுத்தியிருப்பது குறிப்பிடத்தக்கது

தமிழ்ப்ரியன் விஜி · 26/06/2009

நியூசீலாந்தின் உயர் விருது ஈழ தமிழருக்கு! கடுப்பில் இலங்கை!!

நியூசீலாந்து நாட்டின் உயர் விருதான குயின்ஸ் சேர்விஸ் விருது இலங்கையைச் சேர்ந்த ஆறுமுகம் தேவராஜா என்பவருக்கு வழங்கப்பட்டுள்ளது என நேற்று நாடாளுமன்றில் டிலான் பெரேரா தெரிவித்தார்.

இது தொடர்பாக அவர் நியூசீலாந்து அரசுக்கு தமது கண்டனத்தினையும் வருத்தத்தினையும் தெரிவித்தார்.

நியூசீலாந்தில் தமிழ் சமூகத்திற்கு ஆற்றிய சேவைக்காக இவருக்கு இந்த விருது வழங்கப்படுகிறது.

மகாராணியாரின் இந்த உயரிய விருது இவருடன் மூன்று தமிழர்களுக்கு வழங்கப்படுகிறது. ஒருவர் இந்தியத் தமிழர் மற்றைய இருவரும் இலங்கையர்கள்.

இலங்கையின் பருத்தித்துறையைச் சேர்ந்த 77 வயதுடைய ஆறுமுகம் தேவராஜன் 1997ஆம் ஆண்டு முதல் நியூசீலாந்தில் வசித்து வருகிறார்.

ஹார்ட்லிக் கல்லூரியின் பழைய மாணவரான இவர், தற்போது நாடு கடந்த தமிழீழ அரசின் பிரதிநிதிகளின் ஒருவராகச் செயல்படுகிறார்.

தமிழீழ விடுதலைப் புலிகளுக்கு ஆதரவாக செயற்பட்ட நபர் ஒருவருக்கு இவ்விருது வழங்கப்பட்டுள்ளது வருத்தத்திற்குரிய விடயம் என அமைச்சர் டிலான் பெரோரா தெரிவித்தார்.

நன்றி Tamilcnn

ஈழத்தமிழருக்கு மகாராணி விருது – பரிந்துரை செய்த நியுசிலாந்து மீது சிறிலங்கா சீற்றம்

ஈழத்தமிழருக்கு மகாராணி விருது – பரிந்துரை செய்த நியுசிலாந்து மீது சிறிலங்கா சீற்றம்

Re: ஈழத்தமிழருக்கு மகாராணி விருது – பரிந்துரை செய்த நியுசிலாந்து மீது சிறிலங்கா சீற்றம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக