சும்மாச்சுக்கும் ஒரு கவிதை

அன்பு தளபதி · அன்பு தளபதி Thu Apr 07, 2011 8:46 pm

சொற்களுக்கு
அப்பால்
நிரம்புகிறது
மௌனம்

சொற்
படகுகள்
உடைந்து கரைகிறது
மௌன வெளியில்

உதிர்வதும்
துளிர்ப்பதுமாய்
வாழ்வு
மலரென
சமயங்களில்
முள்ளாய்

எந்த
சொல்லேனும்
உணர்த்திவிடுமா
ஏன்
சொல்லில் அடங்கா
பிரியங்களை

வார்த்தைகளுக்கு
தவமிருந்து
வடித்த
கவிதையை
காட்டிலும்
ஒரு கிழவியின்
கபடமில்லா சிரிப்பு
நிரப்பி விடுகிறது
காகிதங்களுக்கும்
அப்பால் ஒரு கவிதையை

எல்லாவற்றையும்
எழுதி விட
முடிவதில்லை
கவிதையாய்
சில கவிதைகள்
வார்த்தைகளுக்கு
அடங்காமல்

எனக்கு பொழுது போகவில்லை எனில் இப்பிடி தான் மொக்கை போடுவேன் திட்ட படாது

முரளிராஜா · முரளிராஜா Thu Apr 07, 2011 8:51 pm

நண்பா உண்மையை சொல்லுங்கள்
எந்த புத்தகத்தில் படிச்சது சும்மாச்சுக்கும் ஒரு கவிதை 755837

அன்பு தளபதி · அன்பு தளபதி Thu Apr 07, 2011 8:53 pm

முரளிராஜா wrote:நண்பா உண்மையை சொல்லுங்கள்
எந்த புத்தகத்தில் படிச்சது

ஏற இறங்க ஒருவாட்டி பார்த்தாலே கண்டுபிடிக்கிறீங்களே எப்புடி

மஞ்சுபாஷிணி · மஞ்சுபாஷிணி Thu Apr 07, 2011 9:39 pm

சும்மா கவிதை வரிகள் அருமை மணி....

அன்பு வாழ்த்துக்கள்....

anbulakshmi.vijayakumar · anbulakshmi.vijayakumar Thu Apr 07, 2011 10:26 pm

சும்மாச்சுக்கும் ஒரு நன்றி ...

கலைவேந்தன் · கலைவேந்தன் Thu Apr 07, 2011 10:39 pm

நல்லாத்தானே இருக்குது... படிமங்கள் பிரம்மைகள் என்றெல்லாம் அலட்டாமல் ஒரு அசத்தலா அழகான கவிதை தந்துவிட்டு மொக்கை என்று சொல்லுவதே உங்கள் தன்னடக்கம் காட்டுகிறது மணி..! சூப்பருங்க