நடுக்கடலில் கப்பல் கவிழ்ந்தது: 250 பேர் மாயம்

by ரபீக் Thu Apr 07, 2011 11:59 am

வட ஆப்பிரிக்காவிலிருந்து இத்தாலி நோக்கி படகு மூலம் இடம் பெயர்ந்து வந்து கொண்டிருந்த போது, நடுகடலில் படகு முழ்கியதில் 250க்கும் மேற்பட்டோர் காணாமல் போனதாக தகவல்‌கள் தெரிவிக்கின்றன.
வடஆப்பிரிக்காவில் ஏற்பட்ட அரசியல் கலவரங்களினால் பாதிக்கப்பட்ட பொதுமக்கள் சிலர் அகதிகளாக இத்தாலி நாட்டில் குடியேற இடம் பெயர்ந்து கப்பல் மூலம் வந்து கொண்டிருந்தனர்.

இவர்கள் வந்த கப்பல் லம்பிடியூஸா தீவு அருகே திடீரென கவிழ்ந்து விபத்துக்குள்ளானதாக கூறப்படுகிறது. இதில் பயணம் செய்த குழந்தைகள், பெண்கள் உட்பட 250க்கும் மேற்பட்டோர் கடலில் மூழ்கியிருக்கலாம் என அஞ்சப்படுகிறது.

சம்பவம் அறிந்த இத்தாலிய கட‌லோர காவல்படை, காவல்துறை, ரோந்து படையினர் காணாமல் போன கப்பலினை தேடும் நடவடிக்கையில் ஈடுபட்டு வருகின்றனர். எனினும் இதுவரை 50 பேர் மீட்கப்பட்டுள்ளதாக தகவல்கள் தெரிவிக்கின்றன.

viduppu