ஜெயலலிதா, விஜயகாந்த மோதல்;விஜயகாந்த ஆப்சென்ட்;ஜெயலலிதா அப்செட்

தாமு · தாமு Thu Apr 07, 2011 7:04 am

ஜெயலலிதா: அந்த ஆளு வரல,மேடை தள்ளாடாமல் இருக்கும்

புத்திசாலி கேப்டனும் புத்திசாலி தலைவியும்
சேர்ந்தால் கிடைப்பது ஓட்டு
புத்திசாலி கேப்டனும் புத்தியில்லாத தலைவியும்
சேர்ந்தால் கிடைப்பது வேட்டு
புத்தியில்லாத கேப்டனும் புத்திசாலி தலைவியும்
சேர்ந்தால் கிடைப்பது பட்டை
புத்தியில்லாத கேப்டனும் புத்தியில்லாத தலைவியும்
சேர்ந்தால் கிடைப்பது மொட்டை

"ஜெயலலிதா, விஜயகாந்தும் ஒரே மேடையில் பேசுவதாக செய்தி வந்துள்ளது.அதுபோல எதுவும் நடக்காது, பார்க்கத்தானே போகிறோம்" என அண்ணன்(?) வடிவேலு கூறிய போது காமெடியாக நினைத்தோம்.ஆனால்,நேற்று கோவையில் அதிமுக கூட்டணி கட்சியின் பிரச்சாரம் காமெடியில் முடிந்தது என்னவோ உண்மைதான்.

காமெடி மற்றும் பழிவாங்கல் காட்சிகளுக்கு தமிழக அரசியலில் என்றுமே பஞ்சமில்லை; சினிமாவில் தனித்தனியாக காமெடியும், வில்லத்தனமும் வரும்.ஆனால்,அரசியலில் இரண்டும் சம அளவில் இருக்கும்.அதில் யார் சிறந்த வில்லன் என்ற பனிப்போரின் அடுத்தகட்ட படபிடிப்பு தான் கோவையில் நடைபெற்ற பிரச்சாரக்கூட்டம்.இதை ஆரம்பித்து வைத்தது அருமை கதாநாயகன் விஜயகாந்த் தான். தேர்தலுக்கு பிறகு வெளியாகும் முழுபடத்தில் தான் உண்மைக்கதை தெரியவரும்.
பிரச்சாரக்கூட்டம் நடைபெற்ற மைதானத்தில் விஜயகாந்தின் ஏதும் இல்லை கட்வுட் ;அதனால் விஜயகாந்த மூட்வுட் என்ற விஷயம் தேமுதிக தொண்டர்களிடையே வலம் வந்தது. அந்த தகவலை ஜெயா டிவி யில் நேரடி அலை உறுதி படுத்தியது.
மருந்து சாப்பிடுகிறார் என எதிர்கட்சிகள் வசைபாடும் நேரத்தில் தேர்தல் விருந்துக்காக இல்லாவிட்டாலும் மருந்துக்காகவாவது மேடைக்கு வந்திருக்கல்லாம்;அதனால் ஜாடைக்குக்கூட விஜயகாந்த என்ற வார்த்தையை உச்சரிக்கவில்லை.
இது கூட்டணி என்ற 'கோட்டில்'உள்ள ஓட்டையை காட்டிகிறது.கோட்டைக்கு போக ஓட்டை வாங்கும் சமயத்திற்கு மட்டும் தான் இந்த கூட்டணி என்ற மேல் "கோட் சூட்". எந்த சந்தர்பபத்திலும் விஜயகாந்தால் அதிமுக வெற்றி பெற்றது என்ற பெயர் வரக்கூடாது என ஜெயலலிதா கவனமாக இருக்கிறார்.

அவர் பேச்சில் ஆவேசம் இருந்தது. செம்மொழி மாநாடா? கனிமொழி மாநாடா? போன்ற கேள்விகளோடு கருணாநிதி சுயலாபத்திற்கு பலியானது "தலித்"இன ராசா;பலிகடா ஆனது சிறுபானமையின பாட்சா" என சூடு கிளம்பியது.

இங்கு கூடிய மக்கள் அலை, "இலை"யாக மாறுமா? ஒரு மில்லியன் டாலர் கேள்வி.அதற்காக கோவை சிட்டி பிரச்சனை;டாலர் சிட்டி திருப்பூர் பிரச்சனையை கையில் எடுத்தார்.

தேமுதிக அவைத்தலைவர் பண்ருட்டி ராமசந்திரன் ஒரு கொடுத்த விளக்கம் அதிகப்பட்ச தேர்தல் காமெடியாகி போனது.அதாவது
"விஜயகாந்த், நாகப்பட்டினம் பகுதியில் தேர்தல் பிரசாரத்தில் ஈடுபட்டிருக்கிறார். அங்கு பிரசாரம் செய்ய ஏற்கனவே ஒப்புகொண்டபடியால், நிகழ்ச்சிகளை ரத்து செய்துவிட்டு இந்த கூட்டத்துக்கு அவரால் வரமுடியவில்லை. இது தொடர்பாக விஜயகாந்த், இன்று (நேற்று) காலையில் இருந்து இரண்டு முறை என்னிடம் பேசினார்.

இதை கேட்ட ஜெயலலிதா," இங்கு மேடையில் அமர்ந்திருக்கும் தோழமைக் கட்சி தலைவர்கள் எந்த பிரச்சார நிகழ்ச்சிக்கும் ஒப்புக் கொள்ளவில்லையா? அகில இந்திய தலைவர்கள் சும்மா! வேளையில்லாமல் இருந்தனரா?" என நினைத்தாரோ என்னவோ, லேசாக சிரித்ததை அவ்வளவு லேசாக எடுத்துக்கொள்ள முடியாது.

தலைவர் விஜயகாந்த வராவிட்டால் பரவாயில்லை தமிழே தெரியாத விஜயகாந்தை விட மக்களுக்கு புரியுமாறு தமிழ் பேசும் சந்திரபாபு நாயுடு வந்துள்ளார் என தேமுதிக தொண்டர்களுக்கு சொல்லாமல் சொன்னது சந்திரபாபு நாயுடுவின் வருகை.

விஜயகாந்தும் நாம் ஒன்றும் ஆட்சி அமைக்க போவதில்லை.அளவுக்கு அதிகமாக கொஞ்சினால் ஜெயலலிதாவை எதிர்த்து அரசியல் செய்யும் சூழ்நிலையில் அது தேமுதிக விற்கு பாதகமாக அமையும் என நினைக்கிறார்.

இப்படி இருவரும் வெவ்வேறு கோண சிந்தனையின் விளைவுதான் விஜயகாந்தின் கோவை புறக்கணிப்பு.

இவர்களின் கூட்டணி தேர்தல் மழைக்காலத்தில் தோன்றி மறையும் வானவில்லை போன்றது தான் போலும்.ஆனால், இந்த வானவில்லை பார்த்து மகிழ்வது குழந்தைகள் தான்.18 வயது நிரம்பிய வாக்காளர்கள் அல்ல.

ஜெயலலிதா, விஜயகாந்த மோதல்;விஜயகாந்த ஆப்சென்ட்;ஜெயலலிதா அப்செட்

ஜெயலலிதா, விஜயகாந்த மோதல்;விஜயகாந்த ஆப்சென்ட்;ஜெயலலிதா அப்செட்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக