Latest topics

கண்ணே, மறைக்காதே காணவிடு (கவிதை)

ஈகரை தமிழ் களஞ்சியம் :: கவிதைக் களஞ்சியம் :: சொந்தக் கவிதைகள் :: மரபுக் கவிதைகள்

Page 1 of 1

கண்ணே, மறைக்காதே காணவிடு (கவிதை)

Post by kirikasan Thu Apr 07, 2011 12:12 am

நேற்று நடந்தது நினைவில்லையே இந்த
நெஞ்சினில் வேதனையே
தோற்றதுபோல் இந்தவாழ்வினிலே துயர்
தோன்றுது காரணமேன்
ஆற்றியதும் என் அனுபவங்கள் தனை
அழித்ததும் ஏன் விதியே!
வேற்றுமுகம் கொண்ட விதியணைத்து உனை
வெற்றிடம் ஆக்கியதேன்?

எத்தனைநாள் உனை இன்பமுடன் தொட்டு
எடுத்தனன் கைகளிலே
அத்தனையும் உந்தன் அழகு முகத் -திரை
அடைந்திடும் வண்ணங்களே!
எத்தனைஆசையும் கொண்டிருந்தேன் -என்
எதிரினில் சொர்க்கங்களே
நித்திரையும் விட்டு நித்தமும் உன் -எதிர்
நிற்கையில் இன்பங்களே

இன்று மட்டும் எனை ஏய்த்ததுமேன் நீ
இல்லை யென்றாகியதேன்
அன்று சொன்னாய் பல ஆயிரமாம் கதை
அத்தனை மறந்தது ஏன்?
சென்றதெங்கே என்செந்தமிழின் சுவை
சிந்திய இதழ்களிலே
நின்ற கதை பலகவிதைகளும் இன்று
நீசொல்ல மறந்ததும் ஏன்?

கொடுமையடி நான் கொண்டவை -யாவும்
குறைவின்றிக் கொடுத்துவிடு
தொடுகையிலே நீமறைவினில் வைத்ததை
மறுபடி தந்துவிடு
விடுகதையும் அல்ல வேடிக்கையும் அல்ல
வெளியெனக் காட்டிவிடு
தடுப்பது யார் இந்தத் தரணியில் என்றும்
தரும் சுகம் தந்துவிடு

முக்கிய குறிப்பு
(என் கணினியில் உள்ளதெல்லாம் அழிந்துவிட்டது.இரண்டு கவிதைகளும் போய்
விட்டன. மென்பொருட்களும் போய்விட்டன. அந்தத் துயரத்தில் வெறுமையான கணினித்
திரையைப் பார்த்து பாடியது)

kirikasan: சிறப்புக் கவிஞர்; பதிவுகள் : 2679
இணைந்தது : 02/07/2010