தனது மரணத்தை அறிந்த லிங்கன்

**சிவா** · **சிவா** Wed Apr 06, 2011 10:36 am

அமெரிக்க ஜனாதிபதி ஆபிரகாம் லிங்கன், தனது மரணத்தைக் கனவில் கண்டார். அதைத் தனது நெருங்கிய நண்பரான வார்ட்ஹில் லேமன் என்பவரிடம் தெரிவித்தார். லிங்கன் சொன்னதை லேமன் குறித்துவைத்தார்.

’பத்து நாட்களுக்கு முன், இரவில் நேரம் கழித்துத் தூங்கப் போனேன். ஒரு கனவு வந்தது. என்னைச் சுற்றிலும் மரண அமைதி நிலவியது. பலர் விம்மி அழுவதும் மெதுவாகக் கேட்டது. படுக்கையை விட்டு எழுந்து கீழே இறங்கிப் போனேன். ஒவ்வொரு அறையாகச் சென்றேன். யாரும் கண்ணில் படவில்லை. அழுகைச் சத்தம் மட்டும் கேட்டுக்கொண்டிருந்தது. என்னவென்று புரியாமல் கிழக்குப் பக்கம் உள்ள ஓர் அறைக்கு வந்தேன்.

அங்கு ஒரு மேடை அமைத்து, ஒரு சடலம் கிடத்தப்பட்டிருந்தது. சுற்றிலும் போர் வீரர்கள் நின்றிருந்தார்கள். சடலத்தை வெறித்துப் பார்த்தவாறு பலர் நின்றிருந்தார்கள். இறந்தது யார் என்று கேட்டேன். `ஜனாதிபதியை ஒருவன் சுட்டுவிட்டான்' என்றான் ஒரு ராணுவ வீரன்'. இவ்வாறு லிங்கன் கூறியதை லேமன் எழுதிவைத்தார். அவ்வாறு அவர் எழுதிவைத்த ஐந்தாம் நாள், ஏப்ரல் 15-ம் தேதி லிங்கன் சுட்டுக் கொல்லப்பட்டார். அவரது சடலம், வெள்ளை மாளிகையில் கிழக்குப் பக்கம் உள்ள அறையில் ராஜாங்க மரியாதையுடன் கிடத்தப்பட்டது.