கோவை பொதுக்கூட்டத்தில் விஜயகாந்த் பங்கேற்பு இல்லை-----------அறிமுக நாயகன்

by மகா பிரபு Wed Apr 06, 2011 5:37 pm

கோவையில் இன்று மாலை நடைபெறும் பொதுக்கூட்டத்தில் விஜயகாந்த் பங்கேற்க
மாட்டார் என தகவல்கள் தெரிவிக்கின்றனர். அ.தி.மு.க., -தே.மு.தி.க.,
கூட்டணியை எதிர்கட்சிகள் வெகுவாக விமர்சித்த வந்த நிலையில், இன்று மாலை
நடைபெறும் பொதுக்கூட்டத்தில் அ.தி.மு.க., பொதுச்செயலாளர் ஜெயலலிதாவும்,
தே.மு.தி.க., தலைவர் விஜயகாந்தும் ஒரே மேடையில் பிரசாரம் மேற்கொள்வார்கள்
என பலத்த எதிர்பார்ப்பு நிலவியது. இந்நிலையில் இன்று காலை வரை விஜயகாந்த்
கூட்டத்தில் பங்கேற்பார் என கூறப்பட்டது.

பொதுக்கூட்டத்தில் கலந்து கொள்ள
விஜயகாந்த் தஞ்சாவூரில் இருந்து கோவை விரைந்து கொண்டிருக்கிறார் என்றும்
கூறப்பட்டது. இதனால் இரு கட்சி தொண்டர்கள் மத்தியிலும் பலத்த
எதிர்பார்ப்பு இருந்தது. இந்நிலையில் இன்று பிற்பகலில் திடீரென்று
விஜயகாந்த் கோவை கூட்டத்தில் பங்கேற்க மாட்டார் என கூறப்பட்டது அதிருப்தியை
ஏற்படுத்தியுள்ளது. விஜயகாந்த்துக்கு பதிலாக பன்ருட்டி ராமச்சந்திரன்
கலந்து கொள்வார் என தெரிகிறது.
மார்க்சிஸ்ட் கம்யூ., கட்சி பொதுச்செயலாளர் பிரகாஷ் காரத், இந்திய
கம்யூனிஸ்ட் ஏ.பி.பரதன், ஆந்திர முன்னாள் முதல்வர் சந்திரபாபு நாயுடு
ஆகியோர் இன்றைய கூட்டத்தில் கலந்து கொள்கின்றனர்.
கோவை பொதுக்கூட்டத்தில் விஜயகாந்த் பங்கேற்பு இல்லை-----------அறிமுக நாயகன் 1772578765