கரு கலைப்பது, குழந்தை பெறுவது பெண்களின் அடிப்படை உரிமை

புதுடெல்லி: கருவை கலைத்துக் கொள்வதும் குழந்தை பெற்றுக் கொள்வதும் பெண்களின் அடிப்படை உரிமை என்று உச்ச நீதிமன்றம் பரபரப்பு தீர்ப்பு கூறி உள்ளது. பஞ்சாப் சண்டிகரை சேர்ந்த மனநிலை பாதிக்கப்பட்ட பெண், பாலியல் பலாத்காரம் செய்யப்பட்டு கர்ப்பிணி ஆனார். “அவருக்கு 9 வயது சிறுமியின் மனவளர்ச்சி தான் இருக்கிறது அதனால், அவருக்கு கருக்கலைப்பு செய்ய அனுமதிக்க வேண்டும்" என்று கூறி உச்ச நீதிமன்றத்தில் மனு தாக்கல் செய்யப்பட்டது.

அந்த மனுவை தலைமை நீதிபதி கே.ஜி. பாலகிருஷ்ணன், நீதிபதிகள் பி சதாசிவம், பி.எஸ். சவுகான் ஆகியோர் அடங்கிய பெஞ்ச் விசாரித்தது. வழக்கில் சம்பந்தப்பட்ட பெண்ணுக்கு கருக் கலை ப்பு செய்ய கடந்த ஜூலை 21ம் தேதி அனுமதி தர நீதிமன்றம் மறுத்தது. அந்த வழக்கு மீண்டும் விசாரணைக்கு வந்த போது நீதிபதிகள் அளித்த தீர்ப்பு வருமாறு: ஒரு பெண்ணுக்கு கருக்கலைப்பு செய்வதோ அல்லது அவள் குழந்தை பெற்றுக் கொள்வதை தடை செய்வதோ அடிப்படை உரிமையை மறுக்கும் செயல் ஆகும். தனிமை, கவுரவம், கற்பு ஆகியவற்றுடன் இருப்பதற்கு ஒரு பெண்ணுக்கு உரிமை இருக்கிறது. 1971ம் ஆண்டின் மருத்துவ ரீதியிலான கருக்கலைப்பு (எம்.டி.பி.) சட்டத்தில் கருவை கலைப்பதற்கான நிபந்தனைகள் கூறப்பட்டு உள்ளன.

அந்த சட்டப்படி 18 வயது நிரம்பாத பெண்களுக்கும் 18 வயது நிரம்பினாலும் மனநிலை சரியில்லாத பெண்களுக்கும் அவர்களது காப்பாளரின் கையெழுத்து இல்லாமல் கருக்கலைப்பு செய்ய முடியாது. கர்ப்பிணியின் சம்மதம் இல்லாமல் கரு கலைக்க முடியாது. அரசியல் சட்டம் 21வது பிரிவின்படி சந்ததி உருவாக்கும் உரிமை என்பது பெண்களின் தனிப்பட்ட சுதந்திரம். ஒரு பெண் அவருடைய சந்ததியை உருவாக்கவும் செய்யலாம். அழிக்கவும் செய்யலாம். எனவே சந்ததி உருவாக்கத்தில் பெண்களுக்கு கட்டுப்பாடு எதுவும் விதிக்க முடியாது.

அதே போல உடல் உறவுக்கு மறுக்கவும் குடும்பக் கட்டுப்பாடு முறையை ஏற்க மறுக்கவும் பெண்களுக்கு உரிமை உண்டு. அதே போல பெண்கள் குடும்பக் கட்டுப்பாடு முறைகளை பின்பற்றவும் ஒரு கருவை முழுமையாக வளர்த்து குழந்தையாக பெற்று வளர்க்கவும் உரிமை உண்டு. எனவே மனநிலை பாதிக்கப்பட்ட பெண்ணுக்கு பலவந்தமாக குடும்பக் கட்டுப்பாடு அறுவை சிகிச்சையோ கருகலைப்போ செய்வது ஜனநாயக விரோதம் ஆகும். மனநோய் அடுத்த தலை முறைக்கும் பரவும் என்று கூறுவது முட்டாள்தனமான வாதம். இவ்வாறு நீதிபதிகள் தீர்ப்பில் கூறி உள்ளனர்.

aiyooooo

சபாஷ் ..சரியான முடிவு.. இதனால் பல பெண்கள் சந்தோஷமாய் இருப்பது நிச்சயம்

இனி நாம தலையில துண்டப்போட்டுக்க வேண்டியதுதான்

ruban1 wrote:இனி நாம தலையில துண்டப்போட்டுக்க வேண்டியதுதான்

இதில் ஆண்கள் வருத்தப் பட என்ன இருக்கிறது! சட்டரீதியான கருக்கலைப்புகள் அவசியம் அனுமதிக்கப் பட வேண்டும்! இதனால் பெண்கள் உடல் ரீதியாகவும், மன ரீதியாகவும் நம்பிக்கை பெற்றவர்களாக வாழ்வார்கள்!

ஆனால் இதில் சமுதாய சிர்கேடு ஏற்படாதா பெரியப்பு கணவன் விருப்பமில்லாமல் இவ்வாறு செய்ய முன்வந்தால் குடும்பத்துக்குள் பிரிவுகள் ஏற்ப்படும் அல்லவா

கணவன் விருப்பம் இங்கு முக்கியமல்ல! எந்தப் பெண்ணும் குழந்தை வேண்டாம் என்று கூறமாட்டாள். ஆனால் கருவுற்ற பெண், அக்கருவில் குறையிருப்பதை அறிந்தோ, குழந்தை பெற்ற சில மாதங்களிலே மீண்டும் கருவுற்றால் அவளுக்கு கருக்கலைப்பு அவசியமாகிறது. ஆனால் இதுநாள் வரை இது இந்தியாவில் சட்ட விரோதமாக இருந்து வந்தது பரிதாபத்திற்குறியது! இனிதான் பெண்களுக்கு மகிழ்ச்சியான நாட்கள் ஆரம்பம். கணவனின் விருப்பத்தின் பேரில்தான் கருக்கலைப்பு என்றால், மனைவியின் அனுமதியுடந்தான் கணவன்மார்கள் .... வேண்டாம், இத்துடன் முடித்துக் கொள்கிறேன்..