குறைவாக சாப்பிடுங்கள்... நீண்ட நாள் வாழ்ந்திடுங்கள்...!

by கார்த்திநடராஜன் Wed Apr 06, 2011 11:25 am

First topic message reminder :

நம்பினால் நம்புங்கள் அல்லது நம்பாமல் இருங்கள், நீண்ட நாட்கள் வாழ்வதற்கான முக்கிய சூட்சுமம், குறைவான அளவு உணவு சாப்பிடுவதில்தான் உள்ளதாக புதிய மருத்துவ ஆய்வில் தெரியவந்துள்ளது.

மனிதர்களுக்கு இது பொருந்துகிறதோ இல்லையோ, மிருகங்களிடம் இந்த ஆய்வை நடத்திபார்த்ததில் அவை நூற்றுக்கு இருநூறு விழுக்காடு சரியென நிரூபணமாகி உள்ளதாக அடித்துக் கூறுகின்றனர் பிரிட்டனை சேர்ந்த மருத்துவ விஞ்ஞானிகள்.

இது தொடர்பாக அவர்கள் நடத்திய மருத்துவ ஆய்வில், கடுமையான உணவு கட்டுப்பாடு, அதாவது தேவைக்கு ஏற்ப, கொஞ்சமாக மட்டும் சாப்பிடுவது, முதுமை அடைவதை தள்ளிப்போடுவதாக தெரியவந்துள்ளது.

குறைவாக சாப்பிடுவதன் மூலம், உடலின் உயிரணுக்கள் எப்போதும் சக்தியை எதிர்பார்த்து இருக்கும் என்பதால், அவை அதன் ஆயுட்கால சுழற்சி முடிவை நோக்கி வேகமாக நகராது. இதனால் உடலின் ஆயுள் நீடிக்கும் என்று ஆய்வில் தெரியவருவதாக விஞ்ஞானிகள் தெரிவித்துள்ளனர்.

மிகக் குறைந்த கலோரி கொண்ட உணவுகளை எடுத்துக்கொள்ளும் விலங்குகளிடம் இந்த ஆய்வை மேற்கொண்டபோது, அவைகளிடம் ஆரோக்கியமான பகுப்பு மரபணுக்கள் ஏராளமாக இருப்பதை மருத்துவ விஞ்ஞானிகள் கண்டறிந்துள்ளனர்.

மேலும் உயிரணுக்களில் உள்ள 'முக்கிய மரபணு தகவலை பாதுகாக்கும் கவசம்' முழுமையாக கெடாமல் இருப்பதையும் விஞ்ஞானிகள் கண்டறிந்துள்ளனர்.

முதுமையடைவதற்கு மேற்கூறிய 'மரபணு தகவலை பாதுகாக்கும் கவசம்' சேதமடைவதும், பகுக்கப்படாத மரபணுக்களின் எண்ணிக்கை அதிகரிப்பதுமே முக்கிய காரணங்களாக உள்ளன.
தனது வாழ்நாளின் கடைசி காலத்தில் அளவாக சாப்பிட்ட வயதான விலங்குகள் கூட, அதன் பலன்களை பெற்றுள்ளதாக, அதாவது கூடுதல் நாட்கள் உயிர் வாழ்ந்ததாக ஆய்வில் தெரியவந்துள்ளது என்கின்றனர் மருத்துவ விஞ்ஞானிகள்.

விலங்குகளுக்கு நடக்கும் இந்த அற்புதம் மனிதனுக்கும் பொருந்தும் என்று கூறும் விஞ்ஞானிகள், இன்னும் இது தொடர்பாக மேலதிக ஆராய்ச்சிகளை மேற்கொண்டால் மனிதன் முதுமை அடைவதற்கான கூடுதல் காரணங்களை தெரிந்துகொள்வதோடு, நோய் வராமல் தடுப்பது எப்படி என்பதையும் கண்டறிய சாத்தியமுள்ளது என்று தெரிவித்துள்ளனர்.

இதனிடையே இந்த ஆராய்ச்சிகள் விலங்குகளிடம்தான் மேற்கொள்ளப்பட்டுள்ளது என்பதால், நீண்ட நாட்கள் வாழலாம் என்ற நோக்கத்தில் குறைந்த அளவு கலோரி கொண்ட உணவுகளை உட்கொள்வது விலங்குகளுக்கு பயனளித்தது போன்று மனிதர்களுக்கும் பலனளிக்குமா என்பது உத்தரவாதமாக இல்லை என்றும், எனவே இது விடயத்தில் சற்று எச்சரிக்கையாக இருப்பது நல்லது என்றும் நியூகேஸ்டில் பல்கலைக் கழக மருத்துவ விஞஞானிகள் எச்சரித்துள்ளனர்.

அட சீக்கிரமா ஒரு முடிவை சொல்லுங்கப்பா!
நன்றி
TMT