மேடைப்பிரச்சாரத்தில் மு.க ஸ்டாலினை அசரவைத்த 9 வயது சிறுமி!

தாமு · தாமு Wed Apr 06, 2011 5:44 am

கோவை மாவட்டம், பொள்ளாச்சியில் நேற்று முன் தினம் நடந்த திமுகவின் தேர்தல் பிரச்சார பொதுக்கூட்டமொன்றில், துணை முதல்வர் ஸ்டானின் முன்னால், மேடையில் மைக் பிடித்து பேசிய 9 வயது சிறுமி சுல்தானா பர்வீன் அனைவரையும் கவனத்தையும் ஈர்த்துள்ளார்.
எதையும் எழுதி வைக்காமல், திமுக அரசின் அனைத்து சாதனைகளையும், 20 நிமிடமாக அவர் பேசியதை கண்டு, திமுகவின் பிரச்சார விற்பன்னர்களே அசந்து போனார்களாம்!

மேடைப்பிரச்சாரத்தில் மு.க ஸ்டாலினை அசரவைத்த 9 வயது சிறுமி! Sultana-parvin-1

மேடைப்பிரச்சாரத்தில் மு.க ஸ்டாலினை அசரவைத்த 9 வயது சிறுமி! Sultana-parvin-1

பின்னர் மேடைக்கு வந்த துணை முதல்வர் ஸ்டாலின் சிறுமியை மிகவும் பாராட்டினார். சுல்தானா பார்வீன், கிணத்துக்கடவை சேர்ந்த துணி வியாபாரி ஜமால் முகமதுவின் மகள். ஐந்தாம் வகுப்பு படிக்கிறாள்.
சிறு வயதிலிருந்தே பொதுக்கூட்டங்களுக்கு நான் அழைத்து செல்வேன். பேச்சாளர்கள் பேச்சை உன்னிப்பாக கவனிப்பாள். பேசுவதற்காக எந்தவொரு பயிற்சியும் எடுக்கவில்லை என அவருடைய தந்தை தெரிவித்தார்.

பிரபல தமிழக பேச்சாளரும், கொழும்பு கம்பன்விழா மேடைகளில் தனது பேச்சுத்திறமையால் மக்கள் மனம் கவர்பவருமான முனைவர் இ.சா.பர்வீன் சுல்தானாவின் பெயர் கொண்டு முளைத்திருக்கும் இச்சிறுமியும் அவரை போலவே பேச்சுத்திறமையில் மிளிர்வது ஆரோக்கியமானது தான்.

ஆனால் நகைச்சுவை நடிகர்கள் முதல், நாகரீக மனிதர்கள் வரை அனைவரையும் தனது கட்சிப்பிரச்சாரத்திற்கு பயன்படுத்திக்கொள்ளும் திமுகவின் மேடைப்பிரச்சாரத்திற்கு இச்சிறுமியின் திறமையும் பலிக்கடா ஆவதா என தேர்தல் விமர்சகர்கள் மனம் கறுக்கின்றனர்.

4tamil

மேடைப்பிரச்சாரத்தில் மு.க ஸ்டாலினை அசரவைத்த 9 வயது சிறுமி!

மேடைப்பிரச்சாரத்தில் மு.க ஸ்டாலினை அசரவைத்த 9 வயது சிறுமி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக