அசல் உலகக் கோப்பை கஸ்டம்ஸ் பிடியில்-இந்திய வீரர்கள் கையில் நகல்!!

பாலாஜி · பாலாஜி Mon Apr 04, 2011 1:55 pm

மும்பை: ஐசிசி உலகக் கோப்பை இன்னும் சுங்கத்துறையிடம்தான் உள்ளது என்றும், இந்திய வீரர்களிடம் கொடுக்கப்பட்டது நகல் கோப்பை என்றும் இந்திய கிரிக்கெட் வாரியம் தெரிவித்துள்ளது.

வெளிநாட்டிலிருந்து எந்தப் பொருளை இந்தியாவுக்கு கொண்டு வந்தாலும், அதன் உண்மையான மதிப்பில் 35 சதவீத தொகையை சுங்க வரியாக கட்ட வேண்டும். ஆனால் ஐசிசி உலகக் கோப்பையை இந்தியாவுக்கு கொண்டு வந்தபோது வரி கட்டப்படவில்லை.

இதையடுத்து விமான நிலையத்தில் வைத்து மும்பை சுங்கத்துறையினர் கோப்பையைக் கைப்பற்றி விட்டனர். ஆனால் உலகக் கோப்பை தங்களிடம்தான் இருப்பதாக முன்பு ஐசிசி தெரிவித்திருந்தது. ஆனால் தற்போது இந்திய வீரர்களிடம் இருப்பது நகல் கோப்பை என்றும், ஒரிஜினல் கோப்பை இன்னும் சுங்கத்துறை வசம்தான் இருப்பதாக இந்திய கிரிக்கெட் வாரியம் தெரிவித்துள்ளது.

இதுகுறித்து அது மேலும் விரிவாக தெரிவிக்கவில்லை. சுங்கத்துறையிடம் கேட்டதற்கு, வரி கட்டாததால் உலக்க கோப்பை தங்கள் வசமே இருப்பதாகவும், வரியைக் கட்டினால் மட்டுமே கோப்பையைத் திருப்பித் தருவோம் என்றும் அதிகாரிகள் கூறியுள்ளனர்.

இதனால் பெரும் சலசலப்பு ஏற்பட்டது.

-- தட்ஸ்தமிழ்

பாலாஜி · பாலாஜி Mon Apr 04, 2011 1:57 pm

மும்பை: இந்திய கிரிக்கெட் அணியிடம் இருப்பது அசல் ஐசிசி உலகக் கோப்பை தானே தவிர அதன் நகல் அல்ல என்று சர்வதேச கிரிக்கெட் கவுன்சில் தெரிவித்துள்ளது.

சுங்க வரி கட்டாததால் மும்பை விமான நிலையத்தில் வைத்து சுங்கத்துறையினர் உலகக் கோப்பையை பறிமுதல் செய்துவிட்டனர் என்றும், தற்போது இந்திய அணியின் கையில் இருப்பது நகல் என்றும் இன்று செய்திகள் வெளியாகின.

இந்த செய்தியைப் பார்த்து முன்னாள் கிரிக்கெட் வீரர்கள் பலர் ஐசிசி, பிசிசிஐ மீது அதிருப்தி அடைந்தனர்.

இந்நிலையில் இந்திய கிரிக்கெட் அணியின் கையில் இருப்பது அசல் ஐசிசி உலகக் கோப்பையைத் தவிர நகல் இல்லை என்று ஐசிசி தெரிவித்துள்ளது.

-- தட்ஸ்தமிழ்

**அருண்** · **அருண்** Mon Apr 04, 2011 2:00 pm

அசுரன் · அசுரன் Mon Apr 04, 2011 2:51 pm

அட போங்கப்பா! இந்த கஸ்டம்ஸ் இப்படித்தான் எப்பவாவது வேலை செய்யும் புன்னகை

**Manik** · **Manik** Mon Apr 04, 2011 2:53 pm

கஸ்டம்ஸ் கிட்ட இருக்குறது தான் டுபாக்கூர்னு சொன்னாங்க எதை நம்புறதுன்னே தெரியலையே

மஞ்சுபாஷிணி · மஞ்சுபாஷிணி Mon Apr 04, 2011 3:42 pm

நிஜம்மாவா? அதிர்ச்சி

அப்துல் · அப்துல் Mon Apr 04, 2011 5:29 pm

is it?what a pity!

கலைவேந்தன் · கலைவேந்தன் Mon Apr 04, 2011 5:34 pm

அசலோ நகலோ... கப் நமக்குதானே... அதை நினைத்து பெருமைப்படுவோம்..!

அசுரன் · அசுரன் Mon Apr 04, 2011 5:35 pm

இப்போதெல்லாம் மலிவு அரசியல் அதிகம் நடக்கிறது. அதில் இதுவும் ஒன்று! தப்புக்கு தண்டனை என்ற நியதி இனி செல்லாது என்று நினைக்கிறேன் சோகம்

இந்து · இந்து Tue Apr 05, 2011 7:34 am

அசல் உலகக் கோப்பை கஸ்டம்ஸ் பிடியில்-இந்திய வீரர்கள் கையில் நகல்!! Icccup1111copy

28 ஆண்டு கால தவத்திற்கு பின் 120 கோடி மக்கள் கனவு ஏப்ரல் 2ம் தேதியன்று நனவானது. இலங்கையை வீழ்த்தி இந்தியா உலகக்கோப்பையை கைப்பற்றியது. தங்கள் வெற்றிக் களிப்பை, கைகளில் உலகக்கோப்பையை ஏந்தியபடி மைதானத்தை சுற்றி வந்து கொண்டாடினர் இந்திய வீரர்கள். ஆனால் முதலுக்கே மோசம் என்பது போல் தற்போது ஒரு பூதாகர சர்ச்சை கிளம்பியுள்ளது. அது இந்திய வீரர்களுக்கு வழங்கப்பட்ட உலகக்கோப்பை ஒரிஜினல் தானா என்பது.

பிரச்னை : உலககோப்பையை இந்தியா கொண்டு வர முறையான வரி செலுத்தாதால் உலககோப்பையை மும்பை விமான நிலையத்தில் கஸ்டம்ஸ் அதிகாரிகள் பறிமுதல் செய்ததாகவும் , இறுதிப் போட்டியை வென்று வெற்றி வாகை சூடிய இந்திய அணிக்கு வழங்கப்பட்டது அதன் மாதிரி தான் என்றும் பரபரப்பு தகவல்கள் வெளியாகியுள்ளன.

வெளிநாட்டிலிருந்து எந்தப் பொருளை இந்தியாவுக்கு கொண்டு வந்தாலும், அதன் உண்மையான மதிப்பில் ஒரு குறிப்பிட்ட தொகையை சுங்க வரியாக கட்ட வேண்டும். ஆனால் ஐசிசி உலகக் கோப்பையை இந்தியாவுக்கு கொண்டு வந்தபோது வரியாக செலுத்தப்பட வேண்டிய ரூ. 22 லட்சம் கட்டப்படவில்லை. இதையடுத்து விமான நிலையத்தில் வைத்து மும்பை சுங்கத்துறையினர் கோப்பையைக் கைப்பற்றி விட்டனர் என்பது புகார். தற்போது இந்திய வீரர்களிடம் இருப்பது நகல் கோப்பை என்றும், ஒரிஜினல் கோப்பை இன்னும் சுங்கத்துறை வசம்தான் இருப்பதாக பரபரப்பு தகவல்கள் நிலவுகின்றன.

ஐ.சி.சி., மறுப்பு : இந்நிலையில் இந்தக் குற்றச்சாட்டை திட்டவட்டமாக மறுத்துள்ள ஐ.சி.சி., இறுதிப் போட்டியில் வெற்றிவாகை சூடிய இந்திய அணிக்கு வழங்கப்பட்டது உண்மையான உலக கோப்பை தான் என தெரிவித்துள்ளது. கஸ்டம்ஸ் அதிகாரிகளிடம் இருப்பது, உலககோப்பை போட்டியை பிரபலப்படுத்த பயன்படுத்தப்பட்ட மாதிரி கோப்பை என்றும் தெரிவித்துள்ளது.

அசல் உலகக் கோப்பை கஸ்டம்ஸ் பிடியில்-இந்திய வீரர்கள் கையில் நகல்!! Iccccup