ஆணைக்குழுவா இல்லை ஆந்தைக் குழுவா ?

இந்து · இந்து Tue Apr 05, 2011 12:27 am

கற்றுக்கொண்ட பாடத்துக்கான ஜனாதிபதியின் ஆணைக்குழு என்று ஒன்றை நிறுவி அதன் மூலம் சர்வதேசத்தை ஏமாற்றி வருகிறார் மகிந்தர். இந்த ஆணைக்குழு பல இடங்களுக்குச் சென்று, தமிழர்களிடம் வாக்குமூலங்களைப் பெற்று ஆயிரக்கணக்கான பக்கங்களை தயாரித்துவைத்துள்ளது. இந்த ஆணைக்குழு ஏதாவது நல்லது செய்யும் என பல அப்பாவித் தமிழர்கள் நம்பி தாமாகவே முன்வந்து தமது சாட்சியங்களை வழங்கினர். போதாக்குறைக்கு, சர்வதேசமும் இவர்கள் ஏதோ செய்கிறார்கள் அவர்கள் அறிக்கை வரும்வரை பொறுத்திருப்போம் என பல அறிவித்தல்களை வெளியிட்டது. இவ்வாறு கூறியவர்களில் பான் கீ மூனும் அடங்குகிறார்.

ஆனால் விடையம் வேறுமாதிரியாகப் போகிறது. இந்த ஆணைக்குழு தற்போது மல்வத்தை பீடாதிபதிகளையும், மற்றும் மகாநாயக்க தேரர்களையும் சந்தித்து இறுதி அறிக்கைகளை எவ்வாறு தயாரிப்பது என்றும், அதனை எவ்வாறு செய்து முடிப்பது என்பது குறித்தும் ஆலோசனை நடத்தியுள்ளதாகத் தெரியவருகிறது. சுயாதீனமாக இயங்காமல் தேரர்களிடம் சென்று எவ்வாறு அறிக்கைகளை எழுதுவது என்று இவர்கள் ஆலோசனை கேட்பது, இவர்களின் கையாலாகதனத்தைக் காட்டுகின்றது. அதுமட்டுமல்லாது இவ்வறிக்கை அரசுக்குச் சாதகமாகவே அமையும் என்பதனையும் எமக்கு உணர்த்தி நிற்கிறது.

எனவே உலகை ஏமாற்ற, மற்றும் கால அவகாசத்தைப் பெற்று ஐ.நா மற்றும் சர்வதேசத்தை திசை திருப்ப மகிந்தவால் நன்கு திட்டமிடப்பட்டு ஆரம்பிக்கப்பட்ட குழுவே, இந்த கற்றுக்கொண்ட பாடத்துக்கான ஆணைக்குழு என்பது தற்போது நிரூபனமாகியுள்ளது. பிரித் ஓதும் தேரர்களிடம் சென்று ஆசிபெறலாம், ஆனால் இவர்கள் ஆலோசனை அல்லவா பெறுகிறார்கள்.

ஆணைக்குழுவா இல்லை ஆந்தைக் குழுவா ?

ஆணைக்குழுவா இல்லை ஆந்தைக் குழுவா ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக