மதகுரு மீது கழிவு நீர் ஊற்றித் தாக்குதல் நடத்தப்பட்டுள்ளது.

இந்து · இந்து Tue Apr 05, 2011 12:24 am

கடந்த 30.03.2011 அன்று சர்வமத குரு மார் ஒன்றியப் பிரதிநிதிகள் யாழ்ப்பாணத்திற்கான பயணத்தினை மேற்கொண்டிருந்தனர். அதன் போது தமிழ் மக்களின் நிலைப்பாடுகள் தொடர்பிலும், யாழ்ப்பாணத்தில் மேற்கொள்ளப்பட்டு வருகின்ற அடக்குமுறைகள் தொடர்பிலும் மதகுரு ஒருவர் தனது கருத்துக்களைத் தெரிவித்திருந்தார். இந்த விடயங்கள் தொடர்பில் ஊடகங்கள் பல செய்திகளையும் ஏற்கனவே வெளியிட்டிருந்தன. இந்நிலையில் குறித்த நிகழ்வில் கருத்துத் தெரிவித்திருந்த மதகுரு வசிக்கும் தீவகத்தில் உள்ள அவரது வீட்டிற்குச் சென்ற அடையாளம் தெரியாத இளைஞர்கள் சிலர் அடாவடியில் ஈடுபட்டுள்ளனர்.

மதகுருவின் உதவியாளரை கடுமையாகத் தாக்கிவிட்டு, அவர்கள் மறைவாக இருந்ததாகவும் பின்னர் அங்குவந்த மதகுரு மீது கழிவு நீரைக் கொட்டி அவரை அவமானப்படுத்தியதாகவும் அறியப்படுகிறது. குறித்த சம்பவம் நடைபெற்ற போது மின்தடை ஏற்படுத்தப்பட்டிருந்ததாகத் தெரியவருகின்றது. இரவு வேளை என்பதால் தாக்குதல் நடத்தியவர்கள் திரும்பிச் செல்லும் போது அவர்களது கைத்தொலைபேசியை வீழ்த்திவிட்டுச் சென்றிருக்கின்றனர் என்றும் தெரிவிக்கப்படுகிறது. இதுகுறித்து மத போதகர் பொலிஸாரிடம் முறையிட்டுள்ளதுடன், கைத்தொலைபேசியினையும் ஆதாரமாக பொலிஸாரிடம் கையளித்துள்ளார்.

அசுரன் · அசுரன் Tue Apr 05, 2011 12:29 am

மதகுரு அவர்களை மன்னிக்கவில்லையா நண்பரே!.... இந்த செய்தியை நீங்கள் எடுத்த இடத்திற்கு நன்றி சொல்லி ஒரு வரி சேருங்கள் நண்பரே! மேலும் இனிய உளவாக இன்னாத கூறல்
கனிஇருப்பக் காய்கவர்ந் தற்று. முடிந்தவரையில் நல்ல செய்திகளையே எங்களுக்கு தாருங்கள். அன்புடன் அசூரன்

மதகுரு மீது கழிவு நீர் ஊற்றித் தாக்குதல் நடத்தப்பட்டுள்ளது.

மதகுரு மீது கழிவு நீர் ஊற்றித் தாக்குதல் நடத்தப்பட்டுள்ளது.

Re: மதகுரு மீது கழிவு நீர் ஊற்றித் தாக்குதல் நடத்தப்பட்டுள்ளது.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக