திருமணத்துக்காக திருவண்ணாமலையில் சினேகா கிரிவலம் - படம்

by மீனு Thu Sep 03, 2009 9:03 pm

First topic message reminder :

திருமணத்துக்காக திருவண்ணாமலையில் சினேகா கிரிவலம் - படம் - Page 2 Sneka

நடிகை சினேகா செப்டம்பர் 2ம் தேதி நள்ளிரவு 12.00 மணியளவில் தனது தந்தை ராஜாராமுடன் திருவண்ணாமலைக்கு வந்தார். அண்ணாமலையார் கோயில் ராஜகோபுரம் எதிரில் இருந்து தனது தந்தையுடன் நள்ளிரவு 12.30 மணியளவில் கிரிவலத்தை தொடங்கிய அவர் அதிகாலை 4 மணியளவில் கிரிவலத்தை முடித்தார்.

பின்னர் அங்குள்ள ஓட்டலுக்கு சென்று ஓய்வெடுத்தார். காலை 6 மணிக்கு திருவண்ணாமலை அண்ணாமலையார் கோயிலில் சுவாமி தரிசனம் செய்தார். இதையடுத்து அம்மன் சன்னதி எதிரே உள்ள நவக்கிரக கோயிலில் நெய் தீபம் ஏற்றி வழிபட்டார். ரசிகர்கள் கூட்டத்தை தவிர்ப்பதற்காகவே நள்ளிரவு நேரத்தில் அவர் கிரிவலம் வந்துள்ளதாக தெரிவித்தார் சினேகாவின் அப்பா.

ஆனால் சினேகா வந்த தகவல் தெரிந்ததும் ஏராளமான ரசிகர்கள் கோயிலில் குவியத் தொடங்கினர். இதனால் அவசர அவசரமாக கோயிலில் சுவாமி தரிசனம் செய்துவிட்டு சென்றார்.

கிரிவலம் சென்ற நடிகை சினேகாவிடம், திடீர் வருகை குறித்து நிருபர்கள் கேட்டபோது சிரித்த படியே எந்த கேள்விக்கும் பதிலளிக்க மறுத்ததோடு நல்ல விஷயத்துக்காக வந்திருக்கிறேன். நல்லதே நடக்கும் என்றார்.

தன்னைப்பற்றி வரும் சர்ச்சை செய்திகளுக்கு முற்றுப்புள்ளி வைக்க நினைக்கும் சினேகா, விரைவில் திருமணம் செய்வது என முடிவெடுத்துள்ளார். நல்ல மாப்பிள்ளை அமையவேண்டியே அண்ணாமலையாரிடம் பிரார்த்தனை செய்திருக்கிறாராம் சினேகா. நல்லது நடந்தால் சரி!