கவிதைப்போட்டி கவிதை எண் 001

**சிவா** · **சிவா** Sun 3 Apr 2011 - 14:46

கவிதைப்போட்டி கவிதை எண் 001

காதல்

இவள் கொள்ள பகையாகும்

குன்றும் கொடிதிரளும் குலவுமலர்க் கூட்டமதும்
என்றும் புனல்பகைத்த இருகயலும் தன்னகத்தே
நின்றும் கனிபழுத்து நெகிழா இளமுறுக்கும்
வென்றும் எனைஇழியும் விளைமேனி, பருவமதும்

கொண்டே யிவள்குனிந்து கோலமிடக் கையசைவில்
வண்டோர் மலர்காந்தள் வாடிவிழு தோவென்று
உண்டெழும் போதைகொண் டோடிமலர்க் கரந்தாவ
கண்டே நகைகொண்டேன் அவள்கதறி யெழுந்தோட!

தேரென் னசைந்தாடும் தென்றலின் நடையழகும்
கூரென் குறுவாளும் குத்துமிரு தோள்வலிமை
சேரும் கனிவிளைவின் செழுமையில் மனங்கோணி
சாரும் இலைமறைவில் சிவந்துகனிந் தன மா!

போகும் இவள்பின்னால் போயன்னம் நடைபயிலும்
தோகை நடம் திருத்த துள்ளல்மான் கற்கவரும்
நாகம் இடைஅசைவின் நளினமிடும், இடியோடித்
தேகஎழில் மின்னல் துணைமறந்த தோழிஎனும்

வாழை நடந்ததென வானரங்கு கனிதேடும்
தோளைப் படர்ந்த முகில் தூவுமெனப் பயிரேங்கும்
காளை இளந்திமிரைக் கண்டே முகந்திருப்பும்
நாளை இவையெல்லாம் நான்கொள்ளப் பகையாகும்!

**அருண்** · **அருண்** Sun 3 Apr 2011 - 15:01

முதல் கவிதை கலக்கலாக உள்ளது காதலின் உணர்வை துல்லியமாக காட்டியுள்ளது எழுதிய கவிஞ்சருக்கு பாராட்டுகள்!

கலைவேந்தன் · கலைவேந்தன் Sun 3 Apr 2011 - 16:08

மஞ்சுபாஷிணி · மஞ்சுபாஷிணி Sun 3 Apr 2011 - 16:16

ஹாசிம் · ஹாசிம் Sun 3 Apr 2011 - 16:20

கன்னிக்கவிதை சூப்பருங்க... வாழ்த்துகள்

**கா.ந.கல்யாணசுந்தரம்** · 28/02/2009

தேரென் னசைந்தாடும் தென்றலின் நடையழகும்
கூரென் குறுவாளும் குத்துமிரு தோள்வலிமை
சேரும் கனிவிளைவின் செழுமையில் மனங்கோணி
சாரும் இலைமறைவில் சிவந்துகனிந் தன மா!

.......................மரபுக் கவிதை நேர்த்தியாக மிளிர்கிறது. தமிழமுது வார்த்த கவிக்கு வாழ்த்துக்கள் வெற்றிபெற!