கவிதைப்போட்டி கவிதை எண் 001

by **சிவா** Sun Apr 03, 2011 1:16 pm

கவிதைப்போட்டி கவிதை எண் 001

காதல்

இவள் கொள்ள பகையாகும்

குன்றும் கொடிதிரளும் குலவுமலர்க் கூட்டமதும்
என்றும் புனல்பகைத்த இருகயலும் தன்னகத்தே
நின்றும் கனிபழுத்து நெகிழா இளமுறுக்கும்
வென்றும் எனைஇழியும் விளைமேனி, பருவமதும்

கொண்டே யிவள்குனிந்து கோலமிடக் கையசைவில்
வண்டோர் மலர்காந்தள் வாடிவிழு தோவென்று
உண்டெழும் போதைகொண் டோடிமலர்க் கரந்தாவ
கண்டே நகைகொண்டேன் அவள்கதறி யெழுந்தோட!

தேரென் னசைந்தாடும் தென்றலின் நடையழகும்
கூரென் குறுவாளும் குத்துமிரு தோள்வலிமை
சேரும் கனிவிளைவின் செழுமையில் மனங்கோணி
சாரும் இலைமறைவில் சிவந்துகனிந் தன மா!

போகும் இவள்பின்னால் போயன்னம் நடைபயிலும்
தோகை நடம் திருத்த துள்ளல்மான் கற்கவரும்
நாகம் இடைஅசைவின் நளினமிடும், இடியோடித்
தேகஎழில் மின்னல் துணைமறந்த தோழிஎனும்

வாழை நடந்ததென வானரங்கு கனிதேடும்
தோளைப் படர்ந்த முகில் தூவுமெனப் பயிரேங்கும்
காளை இளந்திமிரைக் கண்டே முகந்திருப்பும்
நாளை இவையெல்லாம் நான்கொள்ளப் பகையாகும்!

by **அருண்** Sun Apr 03, 2011 1:31 pm

முதல் கவிதை கலக்கலாக உள்ளது காதலின் உணர்வை துல்லியமாக காட்டியுள்ளது எழுதிய கவிஞ்சருக்கு பாராட்டுகள்!

by கலைவேந்தன் Sun Apr 03, 2011 2:38 pm

by மஞ்சுபாஷிணி Sun Apr 03, 2011 2:46 pm

by ஹாசிம் Sun Apr 03, 2011 2:50 pm

கன்னிக்கவிதை சூப்பருங்க... வாழ்த்துகள்

தேரென் னசைந்தாடும் தென்றலின் நடையழகும்
கூரென் குறுவாளும் குத்துமிரு தோள்வலிமை
சேரும் கனிவிளைவின் செழுமையில் மனங்கோணி
சாரும் இலைமறைவில் சிவந்துகனிந் தன மா!

.......................மரபுக் கவிதை நேர்த்தியாக மிளிர்கிறது. தமிழமுது வார்த்த கவிக்கு வாழ்த்துக்கள் வெற்றிபெற!