அபார ஆட்டத்தை தடுக்க மெஸ்சியை சுற்றி வளைக்கும் வீரர்கள்

மெஸ்சியின் அபார ஆட்டத்தை தடுக்கும் வகையில் எதிர் அணி வீரர்கள் அவரை சுற்றி வளைத்து திக்குமுக்காட செய்கிறார்கள். அர்ஜென்டினா வீரர் மெஸ்சி உலகில் நம்பர்-1 வீரராக திகழ்கிறார். அர்ஜென்டினா அணியின் பலமே இவரை நம்பிதான் இருக்கிறது.

எனவே அர்ஜென்டினா ஆடும் ஒவ்வொரு ஆட்டத்திலும் மெஸ்சியை குறி வைத்தே எதிர்அணி வீரர்கள் ஆடுகிறார்கள்.

அர்ஜென்டினா அணி நேற்று தென்கொரியாவுடன் மோதியது. இதில் அர்ஜென்டினா 4-1 என்ற கோல் கணக்கில் வெற்றி பெற்றது.

இதில் மெஸ்சி கோல் அடிக்கவில்லை. ஆனால் 2 கோல்கள் அடிக்க அவர்தான் காரணமாக இருந்தார்.

இதேபோல ஒவ்வொரு ஆட்டத்திலும் அவருடைய பங்கு அதிகமாக உள்ளது. பந்தை சரியான திசையில் கடத்தி சென்று தனது வீரர்களிடம் கொடுத்து கோல் அடிக்க செய்து விடுகிறார்.

எனவே எதிர் அணிகள் மெஸ்சியை சமாளிக்க என்றே தனியாக வியூகம் வகுக்கின்றன. அவரை எந்த நேரமும் 2 அல்லது 3 வீரர்களும் சுற்றி வளைத்தபடி செல்கின்றனர். மெஸ்சியிடம் பந்து சென்று விட்டாலே அதை எப்படியாவது தட்டி பறித்து விட கடும் முயற்சியில் ஈடுபடுகின்றனர்.

இதற்காக முரட்டுத் தனமாகவும் நடந்து கொள்கிறார்கள். நேற்று நடந்த போட்டியில் பல தடவை தென்கொரிய வீரர்கள் மெஸ்சியிடம் முரட்டுதனமாக நடந்து கொண்டனர். ஒருவீரர் மோதி கீழே தள்ளினார்.

இதேபோல அர்ஜென்டினா, நைஜீரியாவுடன் மோதிய முதல் ஆட்டத்திலும் நைஜீரிய வீரர்கள் மெஸ்சியை சுற்றி வளைத்தபடியே ஆடினார்கள். அவரிடம் முரட்டுதனமாகவும் நடந்து கொண்டனர்.

எதிர் அணியினர் எவ்வளவு முரட்டு தனமாக நடந்தாலும் அதை சமாளித்து மெஸ்சி லாவகமாக பந்தை கடத்தி சென்று எதிர் அணிக்கு சிம்ம சொப்பணமாக திகழ்கிறார்.

எனக்கு லெஸ்சி தான் தெரியும் வெயில் பொளக்குது