தி.மு.க.வுக்கு ஓட்டுபோட்டால் ஊரையை காலி செய்து விடுவார்கள்; விஜயகாந்த் பிரசாரம்

by தாமு Sun Apr 03, 2011 5:21 am

டால்மியாபுரம், ஏப்.1-

லால்குடி தொகுதி தே.மு.தி.க வேட்பாளர் டி.செந்துரேஸ்வரனை ஆதரித்து கட்சி தலைவர் விஜயகாந்த் புள்ளம்பாடியில் பேசியதாவது : புவாளுர் பகுதியில் அமைச்சர் கே.என்.நேரு ரைஸ்மில் வைத்து உள்ளார். இதற்காக சுமார் 1000 ஏக்கர் நிலம் வாங்கி உள்ளார். மீண்டும் இவர்கள் ஆட்சிக்கு வந்தால் மக்கள் ஊரையே காலி செய்து விட்டு வெளியில் செல்ல வேண்டிய நிலை உள்ளது என்றும் மக்களே சிந்தித்து பாருங்கள்.

அரியலுரில் இருந்து புள்ளம்பாடி வரை 7 சிமெண்ட் ஆலைகள் உள்ளது. இந்த சிமெண்ட் ஆலைகளையும் தி.மு.கவினரே விலைக்கு வாங்கிவிடுவார்கள். அரியலுரில் இருந்து புள்ளம்பாடி வரை உள்ள சாலை எவ்வளவு மோசமாக உள்ளது. மக்கள் வரி பணத்தில் சாலை கூட போடாமல் பணத்தை கொள்ளை அடித்து வருகின்றனர்.

கடந்த முறை இந்த பகுதியில் எம்.எல்.ஏவாக இருந்த சவுந்தரபாண்டியன் எத்தனை முறை உங்கள் ஊருக்கு வந்து உள்ளார். இங்கே தே.மு.தி,க. சார்பில் நிறுத்தப்பட்ட உள்ள வேட்பாளர் செந்துரேஸ்வரன் வெளியூர் காரர் என்று தி.மு.கவினர் கூறி வருகின்றனர். உள்ளுர், வெளியூராக இருந்தாலும் மக்களுக்கு உதவி செய்ய வேண்டும் என்ற மணம் இருந்தாலே போதும். இந்த பகுதியில் வாழுகின்ற ஏழை குடும்பங்களை பார்க்கின்ற பொழுது மிகவும் வறுமையில் சரியான சுகாதார, குடிதண்ணீர் , சாலை வசதி இன்றி வாழ்ந்து வருகின்ற நிலை உள்ளது.

ஆகவே, இதை எல்லாம் மாற்றி அமைப்பதற்கு அ.தி.மு.க. கூட்டனி வேட்பாளர்களுக்கும், இந்த பகுதியில் பல்வேறு சிறப்பான திட்டங்களை எழை எளிய மக்களுக்கு செய்வதற்கு தே.மு.தி.க சார்பில் நிறுத்தப்பட்டு வேட்பாளர் செந்துரேஸ்வரனுக்கு முரசு சின்னத்தில் வாக்கு அளித்து வெற்றி பெற செய்ய வேண்டும்.

இவ்வாறு அவர் பேசினார்.

பல்வேறு கிராமங்களில் இருந்து ஆயிரக்கணக்கான இளைஞர்கள் விஜயகாந்த் புறநகர் மாவட்ட செயலாளர் நடராஜன், ஒன்றிய செயலாளர் சேர்மன்துரை, தலைமை கழக பேச்சாளர் அருள் சகாயராஜ், அ.தி.மு.க. ஒன்றிய செயலாளர் ராஜாராம், முன்னாள் ஒன்றிய செயலாளர் நடராஜன்,தின்னக்குளம்சிவக்குமார், மாவட்ட சிறுபான்மை பிரிவு தலைவர் சவுக்கத் அலி, நகர செயலாளர் கல்லக்குடி பிச்சைபிள்ளை, புள்ளம்பாடி ஜேக்கப் அருள்ராஜ், மற்றும் மாவட்ட ஒன்றிய நிர்வாகிகள் சின்னையன், சுப்பையா, தன்ராஜ், ஜெயக்குமார்,ஜான்போஸ்கோ, கருனாகரன், கம்யுனிஸ்ட் நிர்வாகிகள் சந்திரன், அடைக்கலம், பிரபு, மால்வாய் பாஸ்கர் உள்பட கூட்டனி கட்சி நிர்வாகிகள், தொண்டர்கள் திரளாக கலந்துக் கொண்டன.

மாலை மலர்.