30 வகை சம்மர் ரெசிபிகள்

மஞ்சுபாஷிணி · மஞ்சுபாஷிணி Sat Apr 02, 2011 7:14 pm

First topic message reminder :

'இதோ வந்துட்டோம்ல...' என்பது போல ச்சும்மா சுள்ளென்று வாட்டியெடுக்க ஆரம்பித்துவிட்டார் சூரிய பகவான் வழக்கம்போல! நாமும் வழக்கம்போல சமாளித்துதானே ஆகவேண்டும்!

என்னதான், 'வாய்க்கு ருசியா கொடுக்கறேன்' என்று வகை வகையாக சமைத்து வைத்தாலும், அத்தனையையும் ருசித்து சாப்பிட முடியாத அளவுக்கு, வெயில் தன் வேலையைக் காட்ட ஆரம்பித்துவிடும். சொல்லப் போனால், 'இதையா சமைச்சே?' என்று சில அயிட்டங்கள் பலரையும் பதற வைத்துவிடும்.

இதிலிருந்து தப்பிக்க வைத்து, எல்லோரையும் 'கூல்... கூல்...' என்றாக்குவதற்காக... கிர்ணி, தர்பூசணி, பரங்கி, பூசணி, நெல்லிக்காய், இளநீர் என பலவற்றையும் பயன்படுத்தி, சர்பத் முதல் சாலட் வரை செய்து காட்டி அசத்தியிருக்கிறார் சுவையரசி சாந்தி விஜயகிருஷ்ணன்.

நாக்கும் மனதுக்கும் ஒருசேர மலர்ச்சியூட்டி, உடன் ஆரோக்கியத்தையும் உறுதிப்படுத்தும் இந்த அயிட்டங்களை சமைத்துக் கொடுத்து, ச்சும்மா 'ஜில்’லுனு ஒரு சபாஷ் வாங்குங்க!

நன்றி விகடன்

மஞ்சுபாஷிணி · மஞ்சுபாஷிணி Sat Apr 02, 2011 7:20 pm

கிடாரங்காய் சாதம்

தேவையானவை: பச்சரிசி - 200 கிராம், கிடாரங்காய் - பாதி அளவு, தேங்காய் துருவல் - ஒரு டேபிள்ஸ்பூன், பச்சை மிளகாய் - 3, கடுகு - அரை டீஸ்பூன், உளுத்தம்பருப்பு, கடலைப்பருப்பு - தலா ஒரு டீஸ்பூன், பெருங்காயத்தூள், மஞ்சள்தூள் - தலா கால் டீஸ்பூன், கறிவேப்பிலை - சிறிதளவு, எண்ணெய், உப்பு - தேவையான அளவு.

செய்முறை: பச்சரிசியை உதிர் உதிராக வடித்து, ஒரு அகலமான பாத்திரத்தில் போட்டு ஆற வைக்கவும். கிடாரங்காயை சாறு பிழிந்து கொள்ளவும். தேங்காய் துருவல், பச்சை மிளகாய் இரண்டையும் அரைத்துக் கொள்ளவும். கடாயில் எண்ணெய் விட்டு... கடுகு, உளுத்தம்பருப்பு, கடலைப்பருப்பு, பெருங்காயத்தூள், கறிவேப்பிலை சேர்த்துத் தாளித்து, அடுப்பை அணைத்துவிட்டு, அரைத்த தேங்காய் விழுது, மஞ்சள்தூள், உப்பு சேர்த்து வதக்கவும். இந்தக் கலவையை சாதத்தில் சேர்த்து, கிடாரங்காய் சாறையும் சேர்த்து நன்றாகக் கலக்கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:20 pm

சுரைக்காய் அல்வா

தேவையானவை: துருவிய சுரைக்காய், திக்கான பால் - தலா 100 கிராம், நெய் - ஒரு டேபிள்ஸ்பூன், கலர் பவுடர் - ஒரு சிட்டிகை, ஏலக்காய்த்தூள் - கால் டீஸ்பூன், சர்க்கரை - 50 கிராம், துருவிய முந்திரி - சிறிதளவு.

செய்முறை: அடி கனமான கடாயில் நெய் விட்டு, சுரைக்காய் துருவலைப் போட்டு, அடுப்பை சிறு தீயில் வைத்துக் கிளறவும். பச்சை வாசனை போக வதங்கியதும் பாலை விட்டு, நன்றாகக் கொதித்து கெட்டியானதும் சர்க்கரை சேர்க்கவும். பிறகு கலர் பவுடர், துருவிய முந்திரி, ஏலக்காய்த்தூள் சேர்த்துக் கிளறி, அடுப்பிலிருந்து இறக்கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:21 pm

கொத்தமல்லி குணுக்கு

தேவையானவை: கொத்தமல்லி - ஒரு கட்டு, மைதா மாவு - 100 கிராம், பச்சை மிளகாய் - 3, ரவை - 50 கிராம், எண்ணெய், உப்பு - தேவையான அளவு.

செய்முறை: கொத்த மல்லியைப் பொடியாக நறுக்கி, பச்சை மிளகாய், உப்பு சேர்த்து மிக்ஸியில் அரைக்கவும். இதனுடன் ரவை, மைதா மாவு சேர்த்துக் கலக்கவும். கடாயில் எண்ணெய் ஊற்றி, காய்ந்ததும் மாவை சின்னச் சின்ன குணுக்குகளாக கிள்ளிப் போட்டு பொரித்தெடுக் கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:22 pm

பீர்க்கங்காய் கூட்டு

தேவையானவை: பீர்க்கங்காய் - 1, கடலைப்பருப்பு, பாசிப்பருப்பு - தலா ஒரு டேபிள்ஸ்பூன், தேங்காய் துருவல் - 2 டீஸ்பூன், உளுத்தம்பருப்பு - ஒரு டீஸ்பூன், மிளகு, சீரகம் - தலா அரை டீஸ்பூன், காய்ந்த மிளகாய் - 1, கடுகு, மஞ்சள்தூள் - தலா கால் டீஸ்பூன், கறிவேப்பிலை - சிறிதளவு, எண்ணெய், உப்பு - தேவையான அளவு.

செய்முறை: கடலைப்பருப்பு, பாசிப்பருப்பு இரண்டையும் மஞ்சள்தூள் சேர்த்து குக்கரில் வேக வைக்கவும். பீர்க்கங்காயைத் தோல் சீவி பொடியாக நறுக்கவும். சிறிது எண்ணெயில் மிளகு, சீரகம், காய்ந்த மிளகாய், உளுத்தம்பருப்பு, தேங்காய் துருவல் சேர்த்து வறுத்து அரைக்கவும். வெந்த பருப்புகளுடன், பீர்க்கங்காய் சேர்த்துக் கொதிக்க வைத்து, காய் நன்றாக வெந்ததும்... வறுத்து அரைத்த விழுது, உப்பு சேர்த்து நன்றாகக் கொதிக்கவிடவும். சிறிது எண்ணெயில் கடுகு, கறிவேப்பிலை தாளித்து, கொதிக்கும் கலவையில் சேர்த்துக் கிளறி இறக்கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:22 pm

பூசணிக்காய் அவியல்

தேவையானவை: பூசணிக்காய் - 2 கீற்று, பச்சை மிளகாய் - 3, உளுத்தம்பருப்பு - ஒரு டீஸ்பூன், தேங்காய் துருவல் - ஒரு டேபிள்ஸ்பூன், சீரகம் - அரை டீஸ்பூன், தேங்காய் எண்ணெய் - 2 டீஸ்பூன், கறிவேப்பிலை - சிறிதளவு, புளிப்பில்லாத தயிர் - 100 கிராம், உப்பு - தேவையான அளவு.

செய்முறை: பூசணிக்காயைத் தோல், விதை நீக்கி பொடியாக நறுக்கி, உப்பு சேர்த்து வேக வைக்கவும். உளுத்தம்பருப்பை சிறிது எண்ணெயில் வறுத்து... தேங்காய் துருவல், பச்சை மிளகாய், சீரகம் சேர்த்து மிக்ஸியில் விழுதாக அரைக்கவும். வெந்த பூசணியுடன் அரைத்த விழுதைச் சேர்த்துக் கொதிக்க வைத்து இறக்கவும். தேங்காய் எண்ணெயில் கறிவேப்பிலை தாளித்து, அவியலில் சேர்த்து, தயிரை விட்டு நன்றாகக் கலந்து பரிமாறவும்.

மஞ்சுபாஷிணி · மஞ்சுபாஷிணி Sat Apr 02, 2011 7:23 pm

வாழைத்தண்டு சூப்

தேவையானவை: வாழைத்தண்டு - 1, வெண்ணெய், துருவிய கேரட் - தலா ஒரு டீஸ்பூன், பொடியாக நறுக்கிய வெங்காயம் - சிறிதளவு, ஸ்வீட் கார்ன் - சிறிதளவு, மிளகுத்தூள் - ஒரு சிட்டிகை, உப்பு - தேவையான அளவு.

செய்முறை: வாழைத்தண்டை நாரெடுத்து துண்டுகளாக நறுக்கி, மிக்ஸியில் நன்றாக அரைத்துக் கொள்ளவும். கடாயில் வெண்ணெயைப் போட்டு... வெங்காயம், கேரட், ஸ்வீட் கார்ன் சேர்த்து வதக்கி, அரைத்த வாழைத்தண்டு, உப்பு சேர்த்து, கொதித்ததும் மிளகுத்தூள் சேர்த்து இறக்கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:23 pm

ஜவ்வரிசி மோர்க்களி

தேவையானவை: மாவு ஜவ்வரிசி, தயிர் - தலா 200 கிராம், கடுகு, பெருங்காயத்தூள் - தலா கால் டீஸ்பூன், உளுத்தம்பருப்பு - அரை டீஸ்பூன், மோர் மிளகாய் - 4, கறிவேப்பிலை - சிறிதளவு, எண்ணெய், உப்பு - தேவையான அளவு.

செய்முறை: ஜவ்வரிசியை தயிரில் 3 மணி நேரம் ஊற வைத்து, உப்பு சேர்க்கவும். அடி கனமான கடாயில் எண்ணெய் விட்டு... கடுகு, உளுத்தம்பருப்பு, பெருங்காயத்தூள், மோர் மிளகாய், கறிவேப்பிலை தாளித்து, ஊற வைத்த ஜவ்வரிசி கலவையைச் சேர்த்து நன்றாகக் கிளறவும். கடாயில் ஒட்டாமல் களி மாதிரி வந்ததும் இறக்கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:24 pm

முள்ளங்கி ரோல்ஸ்

தேவையானவை: துருவிய முள்ளங்கி, பொடியாக நறுக்கிய வெங்காயம் - தலா 100 கிராம், கோதுமை மாவு, மைதா மாவு - தலா 50 கிராம், சோள மாவு - ஒரு டீஸ்பூன், கரம் மசாலாத்தூள், மிளகாய்த்தூள் - கால் டீஸ்பூன், கொத்தமல்லி - சிறிதளவு, எண்ணெய், உப்பு - தேவையான அளவு.

செய்முறை: துருவிய முள்ளங்கியுடன் கோதுமை மாவு, மைதா மாவு, சோள மாவு, உப்பு சேர்த்து தண்ணீர் விடாமல் கெட்டியாகக் கலந்து வைக்கவும். கடாயில் எண்ணெய் விட்டு, காய்ந்ததும் வெங்காயத்தை சேர்த்து வதக்கி, கரம் மசாலாத்தூள், மிளகாய்த்தூள், சிறிது உப்பு, கொத்தமல்லி சேர்த்து நன்றாக வதக்கி இறக்கவும். முள்ளங்கி சேர்த்துப் பிசைந்த மாவை சிறு அப்பளங்களாக இட்டு, அதில் சிறிது மசாலா கலவை வைத்து மூடி, உருளை வடிவில் செய்து காயும் எண்ணெயில் பொரித்தெடுக்கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:25 pm

ஐஸ்க்ரீம் வித் சப்ஜா விதை

தேவையானவை: சப்ஜா விதை (டிபார்ட்மென்ட் ஸ்டோர்களில் கிடைக்கும்) - ஒரு டீஸ்பூன், பொடியாக நறுக்கிய பழக்கலவை (பைனாப்பிள், ஆப்பிள், திராட்சை, கிர்ணி) - 200 கிராம், சைனா கிராஸ் (டிபார்ட்மென்ட் ஸ்டோர்களில் கிடைக்கும்) - 50 கிராம், சர்க்கரை - 25 கிராம், வெனிலா ஐஸ்க்ரீம் - மீடியம் சைஸ் கப், விரும்பிய கலர் பவுடர் - சிறிதளவு.

செய்முறை: சைனா கிராஸை தண்ணீரில் நனைத்து பத்து நிமிடம் வைக்கவும். இதனுடன் சர்க்கரை சேர்த்து கடாயில் போட்டு சூடாக கிளறி ஒரு பாத்திரத்தில் ஊற்றி, கலர் பவுடர் சேர்க்கவும். சிறிது நேரத்தில் நன்றாக செட்டாகிவிடும். இதை தனியே எடுத்து வைக்கவும்.

சப்ஜா விதையில் சிறிது தண்ணீர் விட்டு வைக்கவும். ஒரு ஐஸ்க்ரீம் பவுலில் பழக்கலவை, ஐஸ்க்ரீம், சைனா கிராஸ், சப்ஜா விதை என ஒவ்வொன்றின் மேல் ஒன்றாக போட்டு பரிமாறவும்.

மஞ்சுபாஷிணி · மஞ்சுபாஷிணி Sat Apr 02, 2011 7:26 pm

சுரைக்காய் பொரியல்

தேவையானவை: சுரைக்காய் - 1, சின்ன வெங்காயம் - 10,மஞ்சள்தூள், மிளகாய்த்தூள், கடுகு - தலா கால் டீஸ்பூன், உளுத்தம்பருப்பு - அரை டீஸ்பூன், வறுத்துப் பொடித்த வேர்க்கடலை - 2 டீஸ்பூன், எண்ணெய் - 2 டீஸ்பூன், உப்பு - தேவையான அளவு.

செய்முறை: சுரைக்காய், வெங்காயத்தைப் பொடியாக நறுக்கிக் கொள்ளவும். கடாயில் எண்ணெய் விட்டு... கடுகு, உளுத்தம்பருப்பு தாளித்து, வெங்காயத்தை சேர்க்கவும். நன்றாக வதங்கியதும் சுரைக்காய், உப்பு, மஞ்சள்தூள், மிளகாய்த்தூள் சேர்த்து வதக்கி, கடைசியில் வேர்க்கடலைப்பொடியைத் தூவி இறக்கவும்.

Sponsored content · Sponsored content

30 வகை சம்மர் ரெசிபிகள்

30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக