34 டைரக்டர்கள் சேர்ந்து வெளியிட்ட சினிமா!!

**அருண்** · **அருண்** Sat Apr 02, 2011 5:58 pm

சூப்பர் குட் பிலிம்ஸ் ஆர்.பி.சவுத்ரி தயாரிப்பில், அவரது மகன் ஜித்தன் ரமேஷ் நாயகனாக நடித்திருக்கும் பிள்ளையார் தெரு கடைசி வீடு படத்தின் ஓடியோவை 34 டைரக்டர்கள் சேர்ந்து வெளியிட்டனர்.

டைரக்டர் திருமலை கிஷோர் இயக்கத்தில் உருவாகியிருக்கும் இப்படத்தின் இசை வெளியீட்டு விழா சென்னை கமலா தியேட்டரில் நடந்தது.

விழாவின் புதுமையாக நிகழ்ச்சிக்கு வந்திருந்த 34 டைரக்டர்கள் சேர்ந்து இசையை வெளியிட்டனர். இந்த 34 பேரும் சூப்பர் குட் பிலிம்ஸால் திரையுலகில் அறிமுகமானவர்கள் என்பது குறிப்பிடத்தக்கது.

விழாவில் தமிழ் திரைப்பட தயாரிப்பாளர்கள் சங்க தலைவர் ராம.நாராயணன், துணைத்தலைவர்கள் அன்பாலயா கே.பிரபாகரன், எஸ்.ஏ.சந்திரசேகரன், செயலாளர் கே.முரளிதரன், டைரக்டர்கள் கே.எஸ்.ரவிகுமார், எஸ்.பி.ஜனநாதன், சசி, எழில், பேரரசு, ராஜகுமாரன், பாலசேகரன், ராசு மதுரவன், ரவிமரியா, பாரதி கண்ணன், சாய் ரமணி, இசையமைப்பாளர் சக்ரி, கமலா தியேட்டர் அதிபர் வி.என்.சிதம்பரம், டாக்டர் சீனிவாசன், படத்தின் கதாநாயகி சஞ்சனா ஆகியோர் கலந்து கொண்டு பேசினார்கள்.

அப்போது பேசிய டைரக்டர்கள் பலரும், புதிய டைரக்டர்களை அறிமுகம் செய்வதில், ஆர்.பி.சவுத்ரிக்கு இணை அவர் தான். அவருடைய துணிச்சல் யாருக்கும் வராது. இதுவரை அவர் 34 புதிய டைரக்டர்களை அறிமுகம் செய்து இருக்கிறார். இதையொட்டி அவருக்கு பாராட்டு விழா நடத்த இருக்கிறோம் என்று கூறினார்கள்.

முன்னதாக நிகழ்ச்சிக்கு வந்தவர்களை நடிகரும், ஆர்.பி.சவுத்ரின் மகனுமான ஜீவா வரவேற்று பேசினார். நிகழ்ச்சி முடிவில் ஆர்.பி.சவுத்ரின் இன்னொரு மகனும், படத்தின் நாயகனுமான ஜித்தன் ரமேஷ் நன்றி கூறினார்.
__________________சினி நியூஸ் ..

மஞ்சுபாஷிணி · மஞ்சுபாஷிணி Sat Apr 02, 2011 5:59 pm

செய்தி பகிர்வுக்கு அன்பு நன்றிகள் அருண்....

முரளிராஜா · முரளிராஜா Sat Apr 02, 2011 8:26 pm

வித்தியாசமான முயற்ச்சி

Sponsored content · Sponsored content

34 டைரக்டர்கள் சேர்ந்து வெளியிட்ட சினிமா!!

34 டைரக்டர்கள் சேர்ந்து வெளியிட்ட சினிமா!!

Re: 34 டைரக்டர்கள் சேர்ந்து வெளியிட்ட சினிமா!!

Re: 34 டைரக்டர்கள் சேர்ந்து வெளியிட்ட சினிமா!!

Re: 34 டைரக்டர்கள் சேர்ந்து வெளியிட்ட சினிமா!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக