உலக கோப்பையை வென்றது இந்தியா: 28 ஆண்டு கனவு நிறைவேறியது

**சிவா** · **சிவா** Sun Apr 03, 2011 12:00 am

உலக கோப்பையை வென்றது இந்தியா: 28 ஆண்டு கனவு நிறைவேறியது Large_217432

மும்பை: மும்பை வான்கடே ஸ்டேடியத்தில் நடந்த பரபரப்பான உலக கோப்பை இறுதி ஆட்டத்தில் இலங்கையை 6 விக்கெட் வித்தியாசத்தில் வென்று, இந்தியா உலக கோப்பையை வென்றது.

உலக கோப்பை கிரிக்கெட் தொடரின் இறுதி ஆட்டம் இந்தியா, இலங்கை அணிகளுக்கிடையே மும்பை வான்கடே ஸ்டேடியத்தில் நடந்தது. இரு அணிகளுமே முன்னாள் உலக சாம்பியன்கள் என்பதால் ஆட்டத்தின் முடிவு குறித்து அறிய அனைவரும் ஆவலாக இருந்தனர். இந்நிலையில், டாஸ் வென்ற இலங்கை கேப்டன் சங்ககரா முதலில் பேட் செய்ய தீர்மானித்தார். அந்த அணி நிர்‌ணயிக்கப்பட்ட 50 ஓவரில், 6 விக்கெட் இழப்பிற்கு 274 ரன்கள் எடுத்தது. இலங்கை அணி தரப்பில், ஜெயவர்த்தனே சிறப்பாக விளையாடி 103 ரன்கள் எடுத்து கடைசி வரை ஆட்டமிழக்காமல் இருந்தார். தில்சான் 33, குலசேகரா 32 ரன்கள் எடுத்தனர். இந்திய தரப்பில் ஜாகீர் கான் மற்றும் யுவராஜ் சிங் தலா இரண்டு விக்கெட்டுகளையும், ஹர்பஜன் 1 விக்கெட்டையும் எடுத்தனர்.

275 ரன்கள் எடுத்தால் உலக சாம்பியன் என்ற இலக்குடன் களமிறங்கிய இந்திய அணிக்கு ஆரம்பமே அதிர்ச்சியாக அமைந்தது. இந்திய அதிரடி வீரர் சேவக் 2 பந்துகளை சந்தித்த நிலையில் ரன் ஏதும் எடுக்காமல் டக் அவுட் ஆனார். சொந்த மண்ணில் களமிறங்கிய சச்சின் 18 ரன்களுடன் நடையை கட்டினார். இந்நிலையில், அணியை சரிவிலிருந்து மீட்கும் பொறுப்பை காம்பீரும், விராட் கோலியும் தங்கள் தோளில் சுமந்தனர். விராட் கோலி 35 ரன்கள் எடுத்து இந்திய வெற்றிக்கு தன்னால் முடிந்த பங்கை செலுத்தினார். தொடர்ந்து சிறப்பாக விளையாடிய காம்பீர் 97 ரன்களுக்கு அவுட்டாகி, சதத்தை தவறவிட்டார். பின்னர் தோனி, யுவராஜ் சிங் ஜோடி வெற்றிக்கு தேவையான ரன்கள் எடுத்தது. இதையடுத்து 6 விக்கெட் வித்தியாசத்தில் ‌இந்தியா அபார வெற்றி பெற்று உலக கோப்பையை கைப்பற்றியது.

தினமலர்

கலைவேந்தன் · கலைவேந்தன் Sun Apr 03, 2011 12:02 am

கலை ஜோசியருடைய கணிப்பும் பலித்தது...

**சிவா** · **சிவா** Sun Apr 03, 2011 12:04 am

உலக கோப்பையை வென்றது இந்தியா: 28 ஆண்டு கனவு நிறைவேறியது India-WINS_IT_03_2

கலைவேந்தன் · கலைவேந்தன் Sun Apr 03, 2011 12:06 am

ரஜினிகாந்தும் அவரது மனைவி லதா ரஜினிகாந்தும் மகளுடன் கிரிக்கெட் பார்க்க வந்திருந்தார்கள்..

**சிவா** · **சிவா** Sun Apr 03, 2011 12:08 am

உலககோப்பையுடன் 14 கோடி பரிசு

1983ம் ஆண்டு கபில்தேவ் தலைமையில் இந்தியா அணி உலககோப்பையை வென்றது. அதன் பிறகு 28 ஆண்டுகளுக்கு பிறகு டோனி தலைமையில் இன்று மும்பையில் நடந்த இறுதி போட்டியில் இலங்கை அணியை 6 விக்கெட் வித்தியாசத்தில் வீழ்த்தி உலககோப்பையை வென்றது இந்தியா.

அதுவும், சொந்த மண்ணில் உலககோப்பையை வென்ற முதல் நாடு என்ற பெருமையை வெற்றுள்ளது இந்தியா. இதனால் ரசிகர்கள் நாடெங்கிலும் ஆரவாரம் செய்து வருகின்றனர்.

உலககோப்பையுடன் 14 கோடி ரொக்கப்பரிசும் கிடைக்கிறது இந்தியாவுக்கு.

உலக கோப்பையை வென்றது இந்தியா: 28 ஆண்டு கனவு நிறைவேறியது Rajini%20criket1

உலக கோப்பையை வென்றது இந்தியா: 28 ஆண்டு கனவு நிறைவேறியது Rajini%20criket1

உலக கோப்பையை வென்றது இந்தியா: 28 ஆண்டு கனவு நிறைவேறியது Rajini%20criket2

thesa · thesa Sun Apr 03, 2011 12:10 am

வெற்றி அணிக்கு எனது வாழ்த்துக்கள்...

varsha · varsha Sun Apr 03, 2011 12:34 am

Thank you India ராஜபக்ஷே அணியை தோற்க செய்ததற்கு ...
உலக கோப்பையை வென்றது இந்தியா: 28 ஆண்டு கனவு நிறைவேறியது 325286

அசுரன் · அசுரன் Sun Apr 03, 2011 12:37 am

நெத்தியடி தோனி மச்சான் புன்னகை

கலைவேந்தன் · கலைவேந்தன் Sun Apr 03, 2011 12:39 am

varsha wrote:Thank you India ராஜபக்ஷே அணியை தோற்க செய்ததற்கு ...

வர்ஷா வர்ஷா... ஹாஹா... புன்னகை

**kirikasan** · **kirikasan** Sun Apr 03, 2011 4:19 am

இரத்தக் கறை பிடித்த கரங்களில் உலகக் கோப்பையை ஒப்படைக்காமல் காப்பாற்றிய இந்தியவீரர்களுக்கு என் மானமார்ந்த நன்றிகளும் வாழ்த்துக்களும்!

Sponsored content · Sponsored content

உலக கோப்பையை வென்றது இந்தியா: 28 ஆண்டு கனவு நிறைவேறியது

உலக கோப்பையை வென்றது இந்தியா: 28 ஆண்டு கனவு நிறைவேறியது

Re: உலக கோப்பையை வென்றது இந்தியா: 28 ஆண்டு கனவு நிறைவேறியது

Re: உலக கோப்பையை வென்றது இந்தியா: 28 ஆண்டு கனவு நிறைவேறியது

Re: உலக கோப்பையை வென்றது இந்தியா: 28 ஆண்டு கனவு நிறைவேறியது

Re: உலக கோப்பையை வென்றது இந்தியா: 28 ஆண்டு கனவு நிறைவேறியது

Re: உலக கோப்பையை வென்றது இந்தியா: 28 ஆண்டு கனவு நிறைவேறியது

Re: உலக கோப்பையை வென்றது இந்தியா: 28 ஆண்டு கனவு நிறைவேறியது

Re: உலக கோப்பையை வென்றது இந்தியா: 28 ஆண்டு கனவு நிறைவேறியது

Re: உலக கோப்பையை வென்றது இந்தியா: 28 ஆண்டு கனவு நிறைவேறியது

Re: உலக கோப்பையை வென்றது இந்தியா: 28 ஆண்டு கனவு நிறைவேறியது

Re: உலக கோப்பையை வென்றது இந்தியா: 28 ஆண்டு கனவு நிறைவேறியது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக