எனக்கு ஏதாவது ஆபத்து நேர்ந்தால் தேர்தல் கமிஷனே பொறுப்பு'' என்று மு.க.அழகிரி ஆவேசம்

மத்திய மந்திரி மு.க.அழகிரியின் வீட்டுக்கு அளிக்கப்பட்டு இருந்த போலீஸ் பாதுகாப்பு வாபஸ் பெறப்பட்டு உள்ளது.

இந்த நிலையில், `எனது உயிருக்கும், உடமைக்கும் ஆபத்து நிகழ்ந்தால் தேர்தல் கமிஷன் தான்' பொறுப்பு என்று மு.க.அழகிரி கூறினார்.

பாதுகாப்பு வாபஸ்

மத்திய ரசாயனம் மற்றும் உரத்துறை மந்திரி மு.க.அழகிரியின் இல்லம், மதுரை சத்யசாய் நகரில் உள்ளது. அவர் மத்திய மந்திரி என்பதால், அவரது வீட்டிற்கு 24 மணி நேர போலீஸ் பாதுகாப்பு வழங்கப்பட்டு வந்தது.

இந்த நிலையில், மு.க.அழகிரியின் வீட்டிற்கு கொடுக்கப்பட்டு வந்த போலீஸ் பாதுகாப்பு நேற்று திடீரென்று வாபஸ் பெறப்பட்டது.

இது குறித்து மத்திய மந்திரி மு.க.அழகிரி கூறியதாவது:-

சதி திட்டம்

எனது வீட்டில் இருந்த போலீஸ் பாதுகாப்பு வாபஸ் பெறப்பட்டுள்ளது. வேண்டுமென்றே ஏதோ சதி செய்து இதை செய்து உள்ளனர். தேர்தல் ஆணையத்தின் இந்த நடவடிக்கையால் சமுக விரோதிகள் குற்றச்செயல் புரிய காரணமாகி விடும். எனது உயிருக்கும், குடும்பத்திற்கும், உடமைக்கும், ஏதாவது ஆபத்து நேர்ந்தால், அதற்கு தேர்தல் கமிஷன், மதுரை கலெக்டர் சகாயம், மதுரை மாநகர போலீஸ் கமிஷனர் கண்ணப்பன் ஆகியோர்தான் பொறுப்பு.

அராஜகம்

நான் தென்மாவட்டங்களில் தீவிரமாக தேர்தல் சுற்றுப்பயணம் செய்து வருகிறேன். எனது பணியை முடக்குவதற்காக, வேண்டுமென்றே நான் சுற்றுப்பயணத்தில் இருந்த போது, இன்று (31-ந் தேதி) மதியம் என் வீட்டிற்கு கொடுத்த போலீஸ் பாதுகாப்பை வாபஸ் பெற்றுள்ளனர். இது அராஜகமான செயல்.

மதுரை மாநகர போலீஸ் கமிஷனர், எனது வீட்டிற்கு ஒரு போலீஸ் டெம்போ வேனை அனுப்பி வைத்து, வீட்டில் பாதுகாப்புக்கு இருந்த அனைத்து போலீசாரும் அதில் ஏறி வர வேண்டும் என்று உத்தரவிட்டு உள்ளார். அப்படி வராவிட்டால் `சஸ்பெண்டு' செய்யப் போவதாகவும் எச்சரித்துள்ளார். இது அதிகார துஷ்பிரயோகம்.

ஜனாதிபதியிடம் புகார்

தேர்தல் பிரசாரத்திற்கு சென்று நான் திரும்பிக் கொண்டு இருந்தபோது, எனது காரை சோதனை நடத்தினர். மேலும் எனது வீட்டுக்கு அளித்து இருந்த போலீஸ் பாதுகாப்பையும் வாபஸ் பெற்றுள்ளனர். இது குறித்து ஜனாதிபதி, பிரதமர், உள்துறை மந்திரி ஆகியோருக்கு தந்தி கொடுத்துள்ளேன்.

கலெக்டர் சகாயம், `ஆட்சி மாற்றம் வேண்டும்' என்று பேசியதை நான் வெளியிட்டேன். அதற்கான ஆதாரமும் உள்ளது. இதை மனதில் வைத்துக் கொண்டு, என் இல்லத்திற்கு வழங்கப்பட்ட போலீஸ் பாதுகாப்பு வாபஸ் உள்பட பல்வேறு அராஜகங்களை செய்து வருகின்றனர்.

மக்கள் ஆதரவு

தி.மு.க. கூட்டணிக்கு மக்கள் ஆதரவு உள்ளது. அதனால் வெற்றி பெறுவதை எந்த சக்தியாலும் தடுக்க முடியாது.

இவ்வாறு அவர் கூறினார்.

கனிமொழி எனக்கு ஏதாவது என்றாள் ஜெயலலிதா தான் பொறுப்பு என்கிறார்
அழகிரி தேர்தல் கமிஷன் பொறுப்பு என்கிறார்...
அப்போ வாக்காளர்களாகிய நமக்கு யார் பொறுப்பு?

அஞ்சா நெஞ்சனுக்கு பாதுகாப்பு எதுக்கு

இந்த ஆளு எவனையும் வெட்டிக்கொல்லாம உயிரோட விட்டு வைச்சாலே போதும் சாமி...

என்னமா டிராமா போடறானுங்கப்பா கடவுளே...